اللحن الروحاني (75 ترنيمة )

مراحمك يا إلهي غير محصاة وكثيرة جداً هي رأفتك
قطرات المطر محصاة عندك جميعها ورمل البحر كائن أمام عينيك
فكم بالحري خطايا نفسي هذه الظاهرة أمامك يا ربي
الخطايا التي صنعتها ياربي لا تذكرها ولا تحسب آثامي
فللعشار أخترت والزانية خلصتها واللص اليمين يا سيد ذكرته
أنا أيضاً الخاطي يا سيدي علمني أن أصنع توبتك
لأنك لا تشاء موت الخاطي مثل أن يرجع وتحيا نفسه
ردنا يا الله إلى خلاصك وعاملنا كصلاحك
لأنك أنت صالح ورحوم فلتدركنا رأفتك سريعاً
ترأف علينا كلنا أيها الرب الإله وخلصنا وارحمنا كعظيم رحمتك
هؤلاء أذكرهم يا سيدنا المسيح كن في وسطنا صارخاً قائلاً

1- لما انفتحت جوه ف قلبي عيون النور
ملا عيني جماله وبهاؤه اللي كان مستور
وسمعت قلبي لما لساني ماقالش كلام
وبعدها انفتحت في كل كياني ودان

القرار- المجد والغنى والعظمة حوالين كرسيه
وتيجان عظماء مطروحة عند قدميه
والكل بيهتف ويسبح ويقول قدوس
الحمل الراعي اللي نقشنا على كف ايديه

2- العدو قد تم خرابه وبيته مهدوم
والرب الجالس فوق عرشه جعل له حدود
وعديم القوة بقى قادر بصليب يسوع
يعمل أعمال سيده الغالب ويعدي سدود
3- وملايكة ألوف ربوات واقفة ترفع تسبيح
شاروبيم ساروفيم بأجنحة ستة تهتف بمديح
قدوس قدوس رب الصباؤوت ملك الملوك
السما والأرض بتعظم دم الذبيح
4- يا يسوع انت الطريق والحق والحياة
والخبز النازل م السما ومافيش في غناه
وانت اللي أتيت وكمان الآتي رب الأرباب
وجلست وهاتجلّسنا في مجد مافيش في بهاه

لما وضعت الحد للبحر اللي كان هيدي لعنة ويمحي اسمي ويمحيني
لما رسمت أساسات الأرض وبصمت خطاك همست لي وقلت لي
طوبى للي يسهر كل يوم عند أبوابك وكلامك يبقى في قلبه ويعيش بيه
يتغير وينور ويغير طرقه وكلامه ودنيته وخطط حياته تتقدس ويبقى ليك
لما العدو القتال اللي من البدء كارهني جدًّا لأني صورتك ولذتك
لما يحاول يملا وداني بأكاذيبه ويقول لي إن أنا مش موضوع محبتك
أنا هاملا قلبي وفمي من التمجيد اللي بيرسم بسمة على وشك ويوصل حبي ليك
وما دمت إنت الحياة وإنت قيامتي ونصرتي أنا مش هاشمت عدوتي وارحمني بيك
إنت قدوس عالي ومجيد وإله فريد ساكن في النور وفي قربه عيد أنا باعبدك
المجد ليك يا رئيس الكهنة راعيَّ الصالح أنا بشكرك من أجل خلاصك ورحمتك
قدوس قدوس قدوس إنت الذبيحة والكاهن اللي قدم جسده وفدانا على الصليب
كل الخليقة هتفرح وترنم ترنيمة موسى والخروف وتشوف بهاك
وتغني ليك .. وتهلل ليك .. وتسبح ليك يا يسوع

1- أنا نني عين ملك الملوك سيدي الإله
أنا لذته وهو أبويا أصل الحياة
القرار- يسوع خلاصي ليه سجودي إكليلي إني أكون عند رجليه
كل كياني ركبة بتسجد تحمد وتدي المجد ليه
2- بحبه جبلني وجعلني ابنه ووصاني أطيعه
وأنا بجحودي أنكرت حبه وكسرت أمره
3- وبرغم ذنبي أنا عندي فرصة أرجع وأتوب
أرفض سقوطي وأهرب لقلبه يمحي الذنوب
4- عارف بإني فقير وأعمى كوم من هموم
بس في يقيني هتديني نعمة وتسندني وأقوم
5- عمانوئيل الله معايا مايفارقنيش
هو الطريق وأنا به باعدي وسط الوحوش
6- هامشي وهابشر أنا كنت أعمى وفتح عيني
تعالوا ودوقوا شوفوا طيبة قلبه وفى ديوني

أنا لست بكاتب أشعار أو حتى بصائغ أفكار
لأترجم عشقي لإلهي ترنيمة حب
أنا ليس لي خبرة في الكلام أو حتى في عزف النغم
بل صوت يصرخ في ضلوعي من عمق القلب
يدفعني لأرفع تمجيدي كي يصل لأذنه تغريدي
فذبائحي كلها مرفوعة لمسيحي الرب
يقبلها ويرسل رحمته يعلن عن عمق محبته
ويغسل قلبي بدمائه ماحيًا الذنب
أشتهي أن أسكن هيكلك أمتلي ببهاك وحكمتك
يرتاح القلب في أنوارك ويشيد بحب
فيغني المجد لعظمتك لجلال وقدرة قوتك
ولا يتعب أبدًا ويسبح وبصوت عذب
المجد لرب الأكوان من لا يخلو منه مكان
فحضوره يملأ أجوائي ويحيي القلب
يرفعني لمجد السماوات ويسكنني الأبديات
أنحني أمامك وأسجد يا إله الحب

1- اللي على صخرة من الإيمان بانيكِ
لم الولاد في حضنك رجع لك بنيكِ
ورجعك شلتِ بناتك فوق إيديكِ بصي بعينيكِ
الأرض بيغطيها ضلمة وانت مجد بيغطيكِ
ونور إلهك م السما أشرق عليكِ
قومي استنيري قومي استنيري نورك جه قومي استنيري
مش نور وجاي م الشمس أو جاي م القمر
ده نور إلهك نور أبدي ربك أمر

جوه الظلام هتنوري وهَتثمري و هَتكتري
القرار- مجده يُرى عليكِ يا كنيسة المسيح
ناس نوحوا هيفرحوا وبالتسبيح هَتبشري
تعالي يا كل الأمم في نورها صيري
قومي استنيري نورك جه قومي استنيري
2- زينتك إلهك والجمال دايمًا ماليكِ
وغير إلهك في الوجود أبدًا ما ليكِ
ما بيتشغلش عنك شاغل نفسه بيكِ
بصي بعينيك
حارسك ومش ممكن يضرك أي حد أو يأذيكِ
حتى الجحيم أبوابه ما تقواش عليكِ

القرار- لا يكون ظلام .. للي عايش جوه ضيق
ويكون سلام .. وايديه تفتح طريق

1- من جوه نعشي .. سمعت صوته ينادي اسمي
وبكلمة منه .. رد روحي جوه جسمي
2- وأقوم وأنا .. رافع عينيَّ لعينيه
ولا ايد بتسند .. أو تساعد غير ايديه
3- أنا كلي ليك .. ياللي بدمك اشتريتني
ولا يكفي حبي .. وخدمتي ياللي فديتني

1- (وسط همي بانطرح قدام صليبك
عارف إني مش هكون إلا حبيبك)2
وأجي وأنا كلي خجل أمسك في توبك
شايف عيون مكتفّاني أمشي في طريقك


القرار - امسك في إيدي وخدني من ضعفي التقيل
ارحمني واسمع لآهات نفسي وشيل
خدني معاك في طريق وكملّي المسير
أنا عارف إني بنعمتك هاكون أمير


2- (وسط الظلام لقيت إيديك تتمد ليَّ
تمسح دموعي وتشفي كل اللي انجرح)2
وأنا كنت فاكر لسه وقت وتنجلي
ظلمة حياتي واشوف وقت الفرح
3- (عند الصليب ما ليَّ غير حبك وشوقك
وألف إيد تحنيني عايزاني أسيبك)2
وأجي وأنا مليان رجاء أني حبيبك
وألمح حياتي وسيرتي واسمي منقوش في إيدك
٤- (يا يسوع بحبك أنت أغلى ما في الوجود
وأدبح مشيئتي وأمرك أنت اللي يسود)٢
وأنا عارف أني في عينيك ماليش عيوب
عشان ده حبك ابتلع كل القيود

القرار- يا يسوع يا نور ياللي الظلام عندك يدوب ويختفي
ياللي السجين في محضرك ينفك قيده و يتعفي
يا روح يا حياة والموت ده مات حتى المريض بيتشفي
والحزن يهرب والفرح ييجي ويشع نور ما ينطفي


1- صرخة ضياعي وأنا لسه في الأخطار
عمري في إيديك يا راسم المشوار
وانت اللي تقدر تخفي فيك ضعفي
بإيديك وتخلق غير عمري بيك أعمار
2- انت اللي ماسك بإيديك الأيام
وانت اللي فيك تتحقق الأحلام
وانت قوايَ وفيك يدوب عجزي
وتبيد ظلامي و تملا قلبي سلام

1- وسط همي بانطرح قدام صليبك عارف إني مش هاكون إلا حبيبك
وأجي وأنا كلي خجل أمسك في توبك شايف عيون مكتفاني أمشي في طريقك


القرار - امسك في إيدي وخدني من ضعفي التقيل
ارحمني وأسمع لآهات نفسي وشيل
خدني معاك في طريق وكمل لي المسير
أنا عارف إني بنعمتك هاكون امير


2- وسط الظلام لقيت ايدين تتمد ليّ تمسح دموعي وتشفي كل اللي انجرح
وأنا كنت فاكر لسه وقت وتنجلي ظلمة حياتي واشوف وقت الفرح
3- عند الصليب ما لي غير حبك وشوقك وألف إيد تحنيني عايزاني أسيبك
وأجي وأنا مليان رجاء إني حبيبك وألمح حياتي وسيرتي واسمي منقوش في إيدك
4- يا يسوع بحبك إنت أغلى ما في الوجود وأذبح مشيئتي وأمرك أنت اللي يسود
وأنا عارف إني في عينيك ماليش عيوب عشان ده حبك ابتلع كل القيود