اللحن الروحاني (75 ترنيمة )

1- كان ليَّ ناس من قلبي كانوا قريبين على راحتي وياهم اوي وحنينين
كنا بنوحش بعض مش لو فات يومين لو فات على بعادنا يا دوب حبة ساعات


القرار - أيام جميلة .. خدوها وياهم وراحوا أيام طويلة .. وقلبي مستحمل جراحه
لكن يا قلبي لو صحيح مش موجودين ربنا موجود وعنده تعزيات


2- بيمد ايده يشيل دموع المجروحين ويمد جسر الفرح للقلب الحزين
بيه هاكتفي ده حبيب وفي وصديق أمين وهو هايعوضني عن كل اللي فات
3- و انت ماسكني يا ربي من إيدي اليمين يا ربي وانت معايا أنا هاحتاج لمين
تهرب هموم قلبي وأتعاب السنين أول ما باجي جوه لسترك وأبات

القرار - ما تشغلش بالك خايف ليه و تخاف من ايه ربنا موجود
سلّم أحوالك كلها ليه و أطلب ربنا تلاقيه موجود
الجأ في المحنة لرب الكون دايماً قوله كيرياليسون
يارب ارحم يارب ارحم من غيرك بس علينا رحوم


1- وقت الأزمات والضيق والكرب أو لما تزيد أهوال الحرب
أطلب ربك واصرخ من القلب اندهله وقوله ارحمنا يا رب
ارحمنا ياللي خلقت الكون ... كيرياليسون
2- لو شفت الأخ بيقتل أخوه والابن بيقسى على أمه وأبوه
ولقيت الناس ناسيين الله مشغولة بمال زايل جمعوه
انده ربك حملك هايهون ... كيرياليسون

1- أنا حين أفكر في الأمس أنا حينما أخلو إلى نفسي .. أتذكرها
صورٌ تتراءى لعينايَ وخطايايَّ وقت صبايا .. أتصورها

القرار - تُرهقني تُلاحقني الأفكار وأذوبُ من الخجلِ والعار
وأصلي إليك لترحمني وأقرعُ صدري كـالعشّار

2- أدعوكَ لتستلمَ فؤادي ولتمحو صفحات الماضي .. من ذاكرتي
قُل كلمة فيهدأ إعصاري واملأ بكلامِكَ أفكاري .. ومخيلتي

القرار - (فاض قلبي بكلام صالح ليك يا ملك الملوك
لساني قلم كاتب ماهر ينطق بعبادة وسجود)2


1- (ياللي جمالك أبرع من كل بني البشر
ياللي حضورك دايماً يمحي الموت وكل الشر)2
(سبحوا .. سبحوا .. سبحوا .. سبحوه)3
2- (ياللي النعمة جت وانسكبت بالروح من فوق شفتيك
يا مصدر لكل بركة والحق أساس كرسيك)2

الرب جالس في السما كل الملايكة يسبحوه
عادل وشايف كل البشر شايف ابن آدم بيهين في أخوه
شايف اللي حقه انهضم سامع صراخ اللي ينادوه
وفيه رجاء للي مالوش وكل مظلوم هاكون أبوه
أنا الرجاء للي مالوش أي رجاء
وأنا المعين وخلاصي ولادي هايشوفوه
قال للذليل رجاؤه عندي وذله لازم ينتهي
قال للكسير أنا الشفا هاتلاقي في ما تشتهي
وقال صاحب الاحتياج تسديد حاجاتك فرحتي
عشان يتم خلاص ولادي هابعت مسيحي كلمتي

1- حررني وفُك قيودي متعني بسر وجودي
مشتاق أكون وياك أشبع بملء رضاك

القرار - ملكي ربي حررني ملكي ربي حررني

2- حررني من العبودية انهضني من الخطية
اليوم أشوف أسوار ساقطة والكل أحرار
3- حررني بقوة روحك انهضني بصوت تسبيحك
أفرح وأهتف وأقول أنا ليك ربي على طول

يا ابني حبيبي ياللي عشانك حبي غلبني وجبني صلبني
وأما لاقيتك في إيدين غيري وفايت حضني
تايه ليه جنبي المجروح طهّر كل العالم مرة
يقدر تاني يطهّر كل العالم مليون مرة .. تايه ليه
(يا خروف تايه في سكة عشان بقيت المية وماسبتوش
وأما لقيته قوام ضميته ماحسيبتوش)2
خايف ليه تعالَ تلاقي الحضن الدافي عشانك باقي
ماتخبيش وشك من حبي ماتزودش عليك أشواقي
مش حاسين كل الناس حواليك لو خاطي
مش حاسين كل الناس حواليك لو راجع مش حاسين
نفس الأرض بتسمع دبة رجل الخاطي مابتزعلش
نفس الأرض بتسمع دبة رجل التايب مابتفرحش
(لابتتأثر بيك الأرض ولا إنت بتفرح بني آدمين)2
بس سمايا بتفرح بيك أكتر من تسعة وتسعين واحد من التايبين

1- رميت حملي عليك وشكيت مني إليك
لقيتك قابلني ودموعي في عينيك
ولقيت عندك أمان ولقيتك منك حنان
لقيتك شايلني وفي حبك ضمان

القرار- مانت في قلبي كبير وفي حبك ليَّ خير
وفي حضنك دفــا بيكفي المسير

2- يتوه بيَّ الطريق ويموت في البريق
وأما أصرخ لقلبك ألاقيك أوفى صديق
وتملاني الشرور والدنيا بيَّ تدور
وأما أجري لحضنك بتملا الضلمة نور

1- اللي بيقدر يغفر هو .. اللي بيشفي من جراحاتي
ويكللني برحمة ورأفة .. وبيفدي من الحفرة حياتي
زي يوحنا باحب أميّل .. على صدر يسوع اللي فداني
هو طويل الروح وحنيّن .. و بيشبع بالخير أيامي
القرار - كل ما فيَّ يبارك اسمه الرب اللي مفيش في صفاته
أنا بارفع إسمه و باسجد له أنا مانساش أبداً حسناته
2- مجري العدل وهو النصرة .. لما باكون مظلوم وباعاني
بيشيل همي ويبعت فرحة .. تسكن قلبي مكان أحزاني
و كبعد المشرق من المغرب .. أبعد عني جميع معاصي
من رحمته قلبي بيتعجب .. ده وعدني بحياة أبدية
3- على خائفيه دايماً يترأف .. ومخافته تبدد لي مخاوفي
من السموات بيبص وشايف .. احتياجاتي وداري بضعفي
عارف إني تراب وبيرسل .. إيده القادرة تشيل ضعفاتي
هو بدمه الطاهر يغسل .. كل شرور عمري وشهواتي

يا ربُ لا توبخني بغضبِكَ ولا تؤدبني بغيظِكَ
ارحمني يا ربي لأني ضعيفٌ اشفني يا ربُ لأن عظامي قد رَجَفت
ونفسي قد ارتاعت جداً وأنت يا ربُ فحتى متى؟
عُد يا ربُ نجِّ نفسي خلصني مِن أجلِ رحمَتِكَ
لأنه ليسَ في الموتِ ذكرُكَ في الهاويةِ مَن يحمِدُكَ؟
تعبتُ في تنهدي أعوُّم في كل ليلةٍ سريري بدموعي أذوّبُ فراشي
ساخت مِن الغمِ عَيني شاخت مِن كُلِ مُضَايقِيَ
ابعدوا عنّي يا جميعَ فاعلي الإثمِ لأنَ الربَ قد سمِعَ صوتَ بُكائي
سمِعَ الربُ تَضرُعي الربُ يَقبَلُ صلاتي
جميعُ أعدائي يَخزَون ويرتاعون جداً
يعودونَ يعودونَ يعودونَ ويَخزَون بغتَةٍ.. هللويا