اللحن الروحاني (75 ترنيمة )

فاض قلبي بكلامٍ صالحٍ ليك يا ملك الملوك
لساني قلم كاتب ماهر ينطق بعبادة وسجود
ياللي جمالك أبرع من كل بني البشر
ياللي حضورك دايماً يمحي الموت وكل الشر
سبحو .. سبحو .. سبحو .. سبحوه .. سبحوه
ياللي النعمة جت وانسكبت بالروح من فوق شفتيك
يا مصدر لكل بركة والحق أثاث كرسيك
سبحو .. سبحو .. سبحو .. سبحوه .. سبحوه

1- مش هننزل عينينا عن شخصك يا رحوم غير لو رضيت تقوم
وتترأف علينا وتشيل عنا الهموم تمسح دمع العيون

القرار - مرفوعة ليك عيوننا زي عيون العبيد وإنت يا إلهنا سيد وخليتنا ولادك
بمحبة بتعاملنا يا إلهنا يا مجيد وخلاصك مش بعيد يا قريب من ولادك

2- وكتير إحنا قاسينا وشبعنا من الهوان لكن آن الأوان
نلجألك يا فادينا وتدوقنا الحنان تملانا بالأمان

1- لا تهملني لا تنساني انت يارب المساكين
لا تتركني في أحزاني انت يا شافي المجروحين

القرار - (مد ايديك امحي الدموع يا شافي قلبي والأنين
أنا ليَّ مين غيرك يا يسوع يرفعني من ضعف السنين)2
لا تهملني ... لا تنساني

2- وسط الضيقات والمشكلات عارفة إن عندك ترتيبات
قدام عينيك كل حياتي بتسدد كل الاحتياجات

1- أبويا سبت حضنه و أخذت نصيبي منه
وسافرت بلاد بعيدة ونسيته . بعدت عنه
الناس لما شافوني على طول طمعت في خيري
وبدأت أحتاج سابوني راحوا شافوا حد غيري


القرار - أنا كنت في بيت أبويا غني . عندي حاجات كتير
وبقيت مش لاقي آكل حتى طعام الخنازير


2- فكرت أرجع لأبويا لو حتى أخدم هناك
وهأقول غلطان سامحني و اسمحلي أعيش معاك
أول ما بدأت أرجع شفت أبويا موجود
كان كل صبح يطلع يستناني أعود
3- اداني هدوم جديدة لبسني أحلى توب
ولاقيت نفسي سعيدة لما ابتديت أتوب
قومني كنت راكع خدني في حضنه ودمع
فبكيت وقلت: راجع حبك خلاني أرجع
ورجعت لبيت أبويا من بعد غياب كتير
ده ملك ولأني ابنه خلاني بقيت أمير

خدني تاني جوه حضنك وأحس بيك
خدني جنب نبض قلبك و أشوف عينيك
أنسى نفسي ألقى حبك ألقي أصل صورتي عندك
ألقى كل ضعف قوة ما بين إيديك
خدني حط فيَّ روحك و روحي فيك
خدني حط فيَّ فنك وأليق عليك
حط همسة من خيالك حط لمسة من جمالك
حط نسمة حب حية وأعيشها ليك

راحتي هاتبدأ وقت الرجوع لما آجي وأسجد عند رجليك
وقت أما أشوف الدم نازل يشفي يطهر يغرسني فيك
مقري بكلامك مكشوف أمامك والفضل ليك
روحي بتجري والنفس تعند راكبة الجسد تبعد عليك
يا قايم وغالب عند الصليب أنا باعبدك
يا رب ارحم قلبي اللي راجع بيحمدك
ويعود ويرجع يرفع ذبايحه ويكرمك
يشهد بإنك وحدك أبويا و هاكرمك
وحدك أبويا وأنا هاخدمك
اعند معايا واكشف خبايا نفسي وأرجع أتخبى فيك
خبط بإيدك على قلبي وأنشد أغاني حبك رجعني فيك
وحدك عارفني زي الفخار أنا بين إيديك
عُد وانتشلني فهمني إني ماليش قيامة غير بس بيك

1- بتجرح وتعصب .. وتضرب وتشفي
لو اليأس يغلب .. بتبعت أمل
وتسمح بضيقة .. لكنك في صفي
بتوجد طريقة .. لكنك في صفي
بتوجد طريقة .. ومخرج وحل


القرار - بتيجي في ميعادك وتنقذ ولادك وإبليس قصادك خلاص انهزم
وأفراحنا تدبل نجيلك تبدل همومنا لسعادة وتمحي الألم


2- يسوع إنت تقدر .. تعينني في ضعفي
وللفخ تكسر .. يارب البشر
ما دمت إنت سيدي .. لوعدك هاتوفي
هاتمسك بإيدي .. في وقت الخطر

القرار - (أنا هنا بادعوك تيجي بغناك تشرق على أرضي
قربني ليك أرجوك وأعيش بحماك ابرئني من مرضي
(عايز مياه )2 غنى ومراحم و روح وحياة)2
1- (ياللي عطشان تعال عنده المياه
حتى لو من غير فضة ليك ارتواء)2
عنده مياه .. عندي مياه غنى ومراحم وروح وحياة
2- (لا يشبعك تعب جسدك ولا فضة راح تغني
لكن ده عهدي اللي يلذذ وكلامي ليك يبني)2
عنده مياه .. عندي مياه غنى ومراحم و روح وحياة
3- (لا طريقي دا زي طريقك ولا حتى أفكاري
راح ألذذك بمحبتي ليك وأكشف لك أسراري)2
عنده مياه .. عندي مياه غنى ومراحم و روح وحياة
4- (دي جبالي في خروجك تفرح واكامي هاترنم
بطريق رسمته ليك تنجح ومشيئتي هتمم)2
عنده مياه .. عندي مياه غنى ومراحم و روح وحياة

1- لعازرك يا إلهي أنا وحبيبك فأبكاني
والموت تسرب لقلبي برباطه لفني
والنور انطفأ من عيني والظلمة تحيطني
والباطل سكن في عقلي يفسد فيّ ويغشاني


القرار - يا إلهي بكاءك أحياني ودموع الحب أقامتني
بندائك لي مات موتي وقيود الهاوية تركتني
فحياتي عادت وفرحت والفضل لدمك وصليبك
والقوة دبت في كياني فاسندني فأحيا في طريقك


2- وبفمي لساني التصق بسكوت عن نطق الحق
بالإثم والزور ينفث والأذن تسمع وتوافق
والقلب وقف عن النبض فالحب ذُبح بداخله
والكلية حجر لا تعطي إلا السم ما أبغضه
3- ويميني عن الرحمة انقطعت عن عملك باتت مشلولة
والرجل هي أيضاً يبست برباط الشر مغلولة
والوجه استتر بمنديل فالقبح غطى معالمه
فَثمر ما زرع حصد فالشر ما أصعب منظره

1- ياللي فاكرني وأنا ليك ناسي يا يسوع حنّن قلبي القاسي
نادي عليَّ يارب وجيبني .. توبني
ياللي معاك بتخف آلامي عايز أعيشلك طول أيامي
من قلبك يا يسوع قربني .. توبني

القرار - قلبي بيصرخلك يا معيني ريحني ده الشر تاعبني
باترجاك يا يسوع علّيني فوق شهواتي اللي بتغلبني

2- أنا شايلك في القلب وجايلك عارف أفضالك وجمايلك
ياللي أنا سيبتك ولا بتسيبني .. توبني
اغفر واستر كل عيوبي كرهني في شري وذنوبي
وفي وصاياك يا يسوع حببني .. توبني