اللحن الروحاني (75 ترنيمة )

يا ابني حبيبي ياللي عشانك حبي غلبني وجابني صلبني
وأما لقيتك في إيدين غيري وفايت حضني .. خايف ليه
جنبي المجروح طهر كل العالم مرة
يقدر تاني يطهر كل العالم مليون مرة .. خايف ليه
يا خروف تايه سيبت عشانه بقيت المية وماسيبتوش
أما لقيته قوام ضميته وماعاتبتوش .. خايف ليه
تعال تلاقي الحضن الدافي عشانك باقي
ماتخبيش وشك من حبي ماتزودش عليك أشواقي .. خايف ليه
كل الناس حوليك لو خاطي .. مش حاسيين
كل الناس حواليك لو راجع .. مش حاسيين
نفس الأرض بتسمع دبة رجل الخاطي مابتزعلش
نفس الأرض بتسمع دبة رجل التايب مابتفرحش
لا بتتأثر بيك الأرض ولا إنت بتفرح بني آدمين)2)
بس سمايا بتفرح بيك أكتر من تسعة وتسعين واحد من التايبين
يا ابني حبيبي

1- لعازرك يا إلهي أنا وحبيبك فأبكاني
والموت تسرب لقلبي برباطه لفني
والنور انطفأ من عيني والظلمة تحيطني
والباطل سكن في عقلي يفسد فيّ ويغشاني


القرار - يا إلهي بكاءك أحياني ودموع الحب أقامتني
بندائك لي مات موتي وقيود الهاوية تركتني
فحياتي عادت وفرحت والفضل لدمك وصليبك
والقوة دبت في كياني فاسندني فأحيا في طريقك


2- وبفمي لساني التصق بسكوت عن نطق الحق
بالإثم والزور ينفث والأذن تسمع وتوافق
والقلب وقف عن النبض فالحب ذُبح بداخله
والكلية حجر لا تعطي إلا السم ما أبغضه
3- ويميني عن الرحمة انقطعت عن عملك باتت مشلولة
والرجل هي أيضاً يبست برباط الشر مغلولة
والوجه استتر بمنديل فالقبح غطى معالمه
فَثمر ما زرع حصد فالشر ما أصعب منظره

1- ياللي لمست النعش بإيدك وبحبك حنيت ع الأم
لمسة كفاية تحيي عبيدك وتبدد الخوف والهم


القرار - المس قلبي اللي في نعشه مات وتحجر زي الصخر
جدد عمره جدد أمسه واكسر فيه الموت والشر


2- لمسة كفاية يقوم الميت اللي كان في طريقه للقبر
ومع الأم اللي بتعيط ع الابن اللي قليل العمر
3- بس في لحظة انهزم الموت والروح رجعت ليه بالأمر
بعد ما كان ميت في تابوت قام واتحرك فرحان حر
4- ياللي روح الرب عليك مسحك من أجل المساكين
ناقش اسمي على كفيك مين غيرك يرفع من الطين
5- وانا مستني تلمس قلبي اللي نعشه نايم ممدود
تملى كياني وتقبل حبي وتعليني لأعلى حدود

القرار - أنا اللي عارف أعمالك .. داري بحالك
فيه كلمة عايز أقولهالك .. ارجع لي وتوب
هاريحك من أحمالك .. وهاشيلهالك
معايا صخرة أحزانك .. تخلص وتدوب


1- مع الخطايا بتبيّت .. ليه متقيد؟
بالإسم حي لكن ميت .. مليان بذنوب
سكّت شرورك واسمعني .. قوم وارجعلي
سلم لي قلبك واتبعني .. وكفاية هروب
2- راحتك هنا بين أحضاني .. عود من تاني
عشان سايبني بتعاني .. عايش مرعوب
سامعني بانده وسايبني .. ارجع يا ابني
صدقني بعدك يتعبني .. يا غالي ومحبوب
3- معايا تقدر تتعلم .. لو تتألم
في عز ألمك هاترنم .. ليه تعيش مغلوب؟
لكل آهه ودمعاية .. تلقى نهاية
وتنتصر وانت معايا .. على أي حروب

القرار- (أيوه بحبه وأقولها بفخر .. وأفضل أقولها لآخر الدهر
هو أبويا ومالك عمري .. وهاعيش وياه طول العمر)2

1- (مش ممكن أنساه ولا أسيبه .. ده حبيبي وأنا برضه حبيبه)2
(وراني الأمجاد بصليبه)2 .. عبد وخلاني بقيت حر
2- (أنا ماستغناش أبداً عنه .. بارتاح لما باقرَّب منه)2
(أنا متأكد دايماً انه)2 .. يقدر وحده يحلّي المُر
3- (هو الخير اللي مشبّعني .. ومعونته في ضعفي تشجّعني)2
(ولا شيء عن حبه هايمنعني)2 .. غلبت وهاغلب بيه الشر

على الرب توكلت كيف تقولون لنفسي اهربوا إلى جبالكم كعصفورٍ
لأنه هوذا الأشرار يمدون القوس
فوَّقوا السهم في الوتر ليرموا في الدجى مستقيمي القلوب
إذا انقلبت الأعمدة فالصدّيق ماذا يفعل
الرب في هيكل قدسه (الرب في)2 السماء كرسيه
عيناه تنظران أجفانه تمتحن بني آدم
الرب يمتحن الصدّيق أما الشرير ومحب الظلم فتبغضه نفسه
يمطر على الأشرار فخاخاً ناراً وكبريتاً وريح السموم نصيب كأسهم
لأن الرب عادلٌ ويحب العدل المستقيم يبصر وجهه.. هللويا

1- (الرب جالس في السماء كل الملايكة يسبحوه
عادل وشايف كل البشر شايف ابن آدم بيهين في أخوه)2
(شايف اللي حقه انهضم سامع صراخ اللي ينادوه
قال فيه رجاء للي مالوش وكل مظلوم هاكون أبوه)2

القرار - (أنا الرجاء للي مالوش أي رجاء
أنا المعين وخلاص ولادي هايشوفوه)2

2- (قال للذليل رجاءُه عندي وذله لازم ينتهي
قال للكسير أنا الشفاء هاتلاقي فيَّ ماتشتهيه)2
(وقال لصاحب الاحتياج تسديد حاجاتك فرحتي
عشان يتم خلاص ولادي هابعت مسيحي وكلمتي)2
أنا الرجاء للي مالوش أي رجاء وأنا الحياة وخلاصي هو هديتي

1- (بتعديني و بتنجيني حتى في عز النار ما تقييد
تمسك إيدي و تطفي لهيبي وتخلي القلب سعيد)2


القرار - ( دايماً حبك فايض ليّ تمسح إيدك دمع عينيّ
وبتغسلني وتطهرني وبتمحيلي أي خطية )2


2- (واقف جنبي في عز ضيقاتي بتخرجني من أصعب باب
ولو أنكرت مراحمك لي أبقى أكيد إنسان كداب)2
3- (والناس لو قسيوا وظلموني برضه هاكون متطمن ليك
دا أنت في وعدك قُلتلي مرة ده بيئذيني اللي بيئذيك)2
4- (حتى في عز الفرح تجيني وتزود فرحتي وسلامي
تسكب روحك جوة في قلبي وتفضل صورتك نور قدامي)2

القرار - رحت الكنيسة عشان قالوا لي صاحبي مات
لاقيت صحابنا كلهم متجمعين
وفضلت أقول لو عمري مر قوام وفات
ومُتّ كنت هاروح لفين؟
1- بصيت على عيون اللي كانوا في الكنيسة وجدتهم
عيون حزينة الدمع نازل منهم
بعد الصلاة اتفرقوا وكل واحد راح طريق
في الدنيا ضاعوا تاهوا نسيوا كلهم
2- زعلنا حبة وبعد حبة نسينا كل اللي جرى
لكن هانعمل إيه لو إحنا يا ترى
كنا مكانه ملفوفين بقماش في صندوق من خشب
والتوبة دي متأجلة ومتأخرة؟

(بيحبني)3 وبيحس بيَّ حياتي مكشوفة لعينيه
(بيحبني)3 وبيخاف عليَّ م الخطية جذبني ليه .. بيحبني
(أوقات كتيرة خنت عهده قلت أجرب مرة و أرجع
الحال عجبني ولسه برضه ناسي عهده ورافض أسمع)2
(لكن في مرة سمعت صوته شفت دمعة عينه سايلة
نزلت على خدي دموعه زلزلت كياني فيَّ)2
إن كان ده حاله عشان خيانتي يبقى لازم لازم أرجع
(بيحبني)3 وبيحس بيَّ حياتي مكشوفة لعينيه
(بيحبني)3 وبيخاف عليَّ م الخطية جذبني ليه .. بيحبني