اللحن الروحاني (75 ترنيمة )

1- تنده عليَّ وأسكتك من كتر شري سكتك عن عيني مخفية
قربت ليَّ وبابعدك يا إلهي نار محبتك جوايا مطفية


القرار - اتصرف انت يارب فيَّ شيل الغشاوة من عينيَّ
رجعني ليك رجعني ليك
من يوم ما سيبتك فرحي سابني والهم عذبني وتعبني
والراحة فيك والراحة فيك


2- كترت عاداتي وشهواتي وخطايايا قلِّت اوي وقفة صلاتي وأقول كفاية
هارجع وأتوب ألقى الذنوب تجري ورايا يارب صلّح لي العيوب خليك معايا
هات ايديك وأمسك إيديَّ
3- عارف حياتي م البداية للنهاية داري بتعب قلبي وشقايا والخبايا
مكشوفة قدامك دوايا انت وشفايا معاك في وقت الخوف حماية وبيك عزايا
ولا حد غيرك داري بيَّ

1- (يا عجباً مخلصي قد مات من أجلي وسفك الدم الذكي فداً لخاطئٍ مثلي)2

القرار - أحبني ربـي نعـم أحبني .. يـسـوع قـد أحـبنـي
لذا مات عنـي يسـوع قـد أحبني أحبنـي
(ربي يسوع)2

2- (أيُ حبيب قد سما مِثلكَ في الحبِ نَزلتَ مِن أوج السماء ومُت عن ذنبي)2
3- (إني أسيرُ حُبِك مادمُتُ في الوجود وكُل قصدي أن أرى وَجهُك يا ودود)2

القرار - ده حبك هو راس مالي وكنزي يا يسوع حبك
ايديك يا إلهي رسمالي طريق في نهايته هاوصلك


1- يا شمس البر يا منوَّر في عتمة قلبي باشتاقلك
لو أبعد عنك أتحيَّر وبارتاح لما أقربلك
2- ايديك بتجيبني من التوهه تاخدني من ايدين جهلي
ونفسي الناس بينسوها تونسني وتندهلي
3- لحبك روحي مشدودة بحبك روحي مسنودة
ايديك شايلاني حارساني تملّي بحب ممدودة

القرار - فاكرك مش ممكن أكون ناسي بصليبك اديتني خلاصي
يا يسوع يا معيني ونور عيني يا إلهي وسيدي وتاج راسي

1- بص لي وانظر لي والمحني عايزك تفرد ظهري المحني
واغفر لي ذنوبي وسامحني والمس بإيديك قلبي القاسي
2- للشوك زارع من الشوك جاني وبقيت على نفسي أنا الجاني
ضليت ولقيت حبك جاني غيرني وطهر إحساسي
3- يا غامرني بخيرك وبجودك خليني ماشكش في وجودك
حقق لي كلامك ووعودك واغفر لي أنا الخاطي العاصي

طلبتك من عمق قلبي يا ربي يسوع أعني
حل عني رباطات الخطية يا ربي يسوع المسيح أعني
الله عمانوئيل الطعام الحقيقي شجرة الحياة العاتي مات الموت
تجمعي في يا كل حواسي لأسبح وأمجد ربي يسوع
ألوف ألوف وربوات ربوات تسبحونك يا ربي يسوع
كل من يقول يا ربي يسوع كمن بيديه سيف يصرع العدو
أنت تعرف أفكاري وتفحص كليتي يا ربي يسوع أعني
قلبًا طاهرًا اخلقه فيَّ يا ربي يسوع المسيح أعني
يسوع هو ربي يسوع هو إلهي يسوع هو رجاء كل المسيحيين
هذا هو الحجر الكثير الثمن الذي باع التاجر كل ما له واشتراه
اترك لنا أيضًا الآن هذا الحجر ليضيء علينا في إنساننا الداخلي
في القليل القليل بارك كي نمجد اسمك يا ربي يسوع
روحك القدوس لا تنزعه مني يا ربي يسوع أعني
أمل سمعك إلي واستجب لي عاجلًا يا ربي يسوع المسيح أعني
زينة نفوسنا وفرح قلوبنا واسمك القدوس يا ربي يسوع
تغيب الشمس والقمر في زمانهما وأنت هو أنت وسنوك لن تفنى

وسط النهار والدنيا حر والوقت مش عايز يفوت
دق الجرس دقات بحزن تندق لو واحد يموت
خرجت أشوف فيه إيه حصل قالوا إن فيه ميت وصل
ولقيتني نايم في التابوت لقيتني نايم في التابوت
وضحكت في الأول وقلت أنا لسه باتحرك باعيش
إزاي تقولوا إني مت وصرخت بس ماسمعونيش
وسمعت ناس بتحبني وتقول ده كان طيب قوي
وسمعت ناس بتسبني وتقول ده كان شرير قوي
ولما جت ساعة الحساب لقيتني مطرود من السما
مقفول في وشي كل باب ونفسي سودا مضلمة
فتحت عيني لقيتني حي والشمس مايلة للغروب
فشكرت ربي لأنه حلم وعاهدته إني أرجع وأتوب

أيها الرب سيدنا.. ما أمجد اسمك في كل الأرض
حيث جعلت جلالك فوق السماوات
من أفواه الأطفال والرضّع أسست حمداً بسبب أضدادك لتسكيت عدوٍّ ومنتقمٍ
إذا أرى سماواتك عمل أصابعك القمر والنجوم التي كونتها
فمن هو الإنسان حتى تذكره وابن آدم حتى تفتقده
وتنقصه قليلاً عن الملائكة وبمجدٍ وبهاءٍ تكلله
تسلطه على أعمال يديك جعلت كل شيء تحت قدميه الغنم والبقر جميعاً وبهائم البر أيضاً
وطيور السماء وسمك البحر السالك في سبل المياه.. (أيها الرب)4 سيدنا
(ما أمجد)3 اسمك في كل الأرض.. (هللويا)4

القرار - كعظيم رحمتك ارحمني يا مسيا وبفرط رأفتك امحو معاصيَّ

1- امحو كل آثامي يا رب البشرية واشفي سائر سقامي يا يسوع الفادي
خفف يا رب آلامي من الفؤادي واصغي لي وطهرني من الخطية
2- كي تتبرر في الأحكام وتزكو في أقوالك إذ أنت إله السلام ورب الممالك
أنا صورت بالآثام فاصفح لي بكلامك وأمي قد ولدتني بالخطية
3- أني شاعر بخطاياي وبكثرة آثامي إذا أنت عوني ورجائي وشافي أسقامي
صنعت الشر بيداي وذنوبي قدامي فعلت الإثم أمامك يا إله البشرية
4- سر خلاصك هبني أيها الفادي الأمين وبروح قادر ثبّتني وكن لي خير معين
فأعلم طرقك للأثمة المنافقين كي يأتوك تائبين بقلوب نقية
5- اسمعني بهجتاً وسروراً وأفراح أيضاً المتواضعون يكونون في انشراح
اغسلني بالزوفا انزعن عني الأطراح فأبيض مثل الثلج وأطهر يا مسيا

1- اتأخرت عليك يا يسوع من كام سنة وأنا سايبك
باجري و بابعد عنك تنده وأهرب منك أنا غلطان يا يسوع
سايب الدنيا و جايلك وباقولك محتاجلك
أنا قلبي بيندهلك ارحمني يا يسوع

القرار - إيه ينفعني لو أخسر نفسي وأكسب كل كنوز الدنيا
انسي يا نفسي العالم انسي ده يسوع وعدك بحياة تانية

2- اتأخرت عليك يا يسوع أه لو كنت عرفتك من أيام ما قابلتك
لكن شفتك سيبتك وراجع لك يا يسوع
عمري هاعيشه لشخصك أيوه يارب أنا ملكك
قلبي ساجد لك وحدك و بحبك يا يسوع

القرار
(أيها الفخاري الأعظم أنا كالخزف بين يديك
عد واصنعني وعاءً آخر مثلما يحسن في عينيك)2


1- (أخضع ذاتي دون عنـادِ لأصابعك تشكّـل فيَّ
لن أتوجـع لن أتراجـع فأنا اشتقتُ لعملك فيَّ)2
2- (آتي إليك بكل فسادي ثقتي في نعمتك ويديك
لا لليأس ولا للمـاضي قلبي اتجه الآن إليـك)2