فريق قلب داود (108 ترنيمة )

1- كان طفل صغير قاعد يسمع ويا الناس
ويسوع بكلامه حرك فيه أجمل إحساس
قدم سمكاته كانت كل حاجاته
علشانك ربي قدم خبزه لكل الناس
القرار - وأنا نفسي ياربي أقدم كل حياتي في إيدك
ولا يشغل بالي وعمري وقلبي غير تمجيدك
من إيدك أنا باديك ده أنا كلي ملك إيديك
مديون لك ربي ودمك حررني بصليبك
2- كان طفل صغير أمه تصلي وتتمناه
كان حلم وعاشت طول العمري بتستناه
لما صار ليها صموئيل الحلم حقيقة
لإلهها تقدم يخدم طول العمر معاه
3-كان طفل صغير بس ملك على راسه التاج
كان اسمه يوآش شاف بيت الله للبنا محتاج
أشتد حماسه ونادى في شعبه وناسه
إزاي نمنع عطايانا وبيت الله محتاج

2- (تقدر تثبت لي إزاي
من طين الأرض بتطلع وردة ريحتها جميلة؟
تقدر تثبت لي إزاي
و الحوت الضخم في مرة يكون لخلاصنا وسيلة؟)2
لو كنت بتغلط ياما أو عمل الشر علامة
وحياتك صبحت فيها كآبة وحزن كبير
روح قول له حياتي في إيدك على طول على طول هايجي لك
وبحبه وعطفه يقدم لحياتك تغيير
2- (تقدر توصف لي إزاي
البيضة بتبقي بعد شوية فرخة كبيرة؟
تقدر توصف لي إزاي
البذرة بتطرح شجرة تكون أوراقها كتيرة؟)2
وإزاي السماء مرفوعة من غير عمدان مرفوعة
ونجوم جواها بتحضن قمره وسما بتدور
دي القدرة في إيد الصانع شوف خطوة رجله وتابع
تلاقيك في حماه متخبِّي وكل طريقك يبقى في نور

1- غيرت اغسطين الفاجر حوِّلته إلى قديس طاهر
حوِّلت ماريا القبطية من سيرتها الشيطانية
(بمسيرة حلوة ملائكية في عيشة نُسك سماوية)2
غيرت اغسطين الفاجر.. (حوِّلته إلى قديس طاهر)2
2- حوِّلت كمان موسى الأسود اللي كانت هيئته ترعب
إلى قديس طيِّب متواضع قلبه أبيض نوره ساطع
(صاحب قدرة لا نهائية بتحب خلاص البشرية)2
حوِّلت كمان موسى الأسود.. (اللي كانت هيئته ترعب)2
3- يا ربي يا للي اتولتهم بالنعمة وغيَّرت حياتهم
هم وكتير جداً غيرهم تحريرهم تم وتبريرهم
(أرجوك أرجوك اتولاني حوِّلني إلى إنسان تاني)2
يا ربي يا للي اتولتهم.. (بالنعمة وغيَّرت حياتهم)2
4- سامحني وبالعطف أشملني ولصورة بهية حوِّلني
إنساني أتحرر من شره ومشي بهمة في طريق بره
(طرح الماضي بكل سواده وفي درب النور ماشي جهاده)2
سامحني وبالعطف أشملني.. (ولصورة بهية حوِّلني)2

1-(يارب ياللي أظهرت مجد في قديسيك .. كرَّمتهم ورفعتهم والمجد ليك)2
علشان تعزي الكل بسيرتهم ونلقى .. مثال جميل وكرامة للي بيتقِيك

القرار- (عارفين يارب إنك عظيم في كل شيء .. وعايزنا نتمثل ونشبه قديسيك
ونشوف معاهم قد إيه الصعب هان .. لما بييجوا ويرموا بحمُولهم عليك)2
لما بييجوا ويرموا بحمُولهم عليك

2-(من صغر سنه قدسته فيك واخترته ليك .. نظيره كان مالهوش نظير ربي في عينيك)2
وهبته حكمة احتار في أبعادها الجميع .. وعطيته نعمة وقلب دايماً يشتهيك
كمِّل رسالته في أرض غربتنا وفاتنا .. واكيد سعيد فرحان في أحضان قديسيك
3-(وفي كل خطوة كنت سانده بالإيمان .. ومعاك قدر يرعانا بمحبة وحنان)2
يا ما صلاته غيرت كل اللي كان .. يا ما فتحت عشانه وقفلت البيبان
4-(ومعاك قدر بالحب يكسب كل شيء .. بابا وخادم كان لينا مصباح مُضيء)2
كان صخرة عالية قوية دايماً ثابتة فيك .. وبحبه وإيمانه وسيرته جذبنا ليك
راعي برغم آلامه كان مليان سلام .. ولا همه ضعفه لأنه كان مسنود عليك

السلام لأبي القديس مثلث الرحمات
البابا شنودة التالت عريس السماوات
ترك العالم ذاهب وسكن جوه مغارة
وبنسك شديد جاهد بيصلي بحرارة
وأما للخدمة دعاه لبّى للرب نداه عاش عمره
يخدمنا وفِضل راهب جواه
ناجح في كل مجال يا معلم الأجيال
علشان ربنا موجود وياك في كل حال
احتملت كتير آلامات ومشاكل واضطهادات
وفي كل التجارب سندك رب القوات
حبيب كل الفقراء كنت مع الكل كريم
واهتميت بالأيتام راعي حنين ورحيم
عاشت مصر في قلبك وطن عايشه وعايشك
حتى في أوقات سفرك شايل جواك بلدك
محب عطوف وحنون لكل بشر في الكون
وما بيحبش حبك لا لغة ولا دين ولا لون
كنت بسيط متواضع وإلهك ليك رافع
وفي أعمالك دايماً حبك هو الدافع
طول عمرك كان قلبك في عِشرة مع المسيح
وبعد جهاد طويل في حضنه مستريح
صليلنا في السماء اذكرنا أمام يسوع
يسند ضعف قلوبنا ويبارك الجموع
يارب انت الملجأ راعينا وسيدنا
في طريقنا للسماء من غيرك يسندنا

1- بكلامه الحلو وصوته الهادي
كان نوح البار واقف بينادي
بيقول لكل الدنيا تعالوا
أحضان الله في الفلك تنادي
وبين العالم سد ودانه من طين
وعجين وسابوهفي مكانه
لو فكر لحظة كان يتعلم
إزاي الحيوانات سمعله
القرار - ما هو كل يوم جرس الكنيسة
يرن تن تنتنتن
ينده علينا تن تن تن تن تن
ده يسوع لحضنه داعيك
وفي بيته مستينك ويدق قلبك
تن تن تن تن تن
2- الفيل أتقلب قام من نومته
وفرك في عينيه ورفع زلومته
مش ممكن أخلي النوم يغلبني
دهأنا شوقي في قلبي لربي سابقني
والقرد أتشقلب على الشجراية
أتنين أتنين نطوا ويايا
مش عاوز أروح لإلهي لوحدي
غير كل صحابي ما يبقوا معايا
3- البلبل رنم والعصفورة والكروان
قال غنوة صغيورة
أنا قلبي في بيته أكيد مطمن
وحياتي معاه دايماً منصورة
والديب يدبدب ع التلجاية
ويقول للنحلة يلا معايا
ده كلامه الحلو في بيته يشبع
أحلى من الشهد كمان جوايا

القرار - قلبي بيشكر ربي دايماً
ومعاه عقلي كمان ولساني
(أشكر كل حياتي لأني
محفوظ في إيد اللي فداني)2
-1لو حاول الشيطان يغريني
خليه يتشطرويجيني
(عمري ما هاخاف أبداً أبداً
ده الرب يسوع اللي حاميني)2
-2 ربي في وقت النوم يحرسني
ووقت اللعب بيفضل جنبي
(دايماً أشكر علشان عارف
إنه معايا ومش بيسيبني)2

(كل ما بقعد وسط العيلة حد يقول لي في اوضتك العب
ويا كبار قال عيب أتكلم يبقى في حالة ربنا أصعب)2
جاني الإذن بنعمة ربي أوعوا تحوشوا الأطفال عني
عنده مهم عنده مهم ودايماً حابب قلبي الأبيض وصغر سني
(شوفوا داوود غالب جليات اللي جيوش خافت قدامه
أو صموئيل يسمع أصوات ماسمِعهاش عالي في أيامه
أو أبانوب يجني البركات يجمع وثنيين بآلامه)2
أوعوا تقولوا ده لسه صغير عندي كلام ربي يطمني
عنده مهم عنده مهم ودايماً حابب قلبي الأبيض وصغر سني

قشة وقشة سابوا العشة راحوا لمزود مش مشهور)
بكوا وانكسروا لما افتكروا أبداً مش هايجيلهم دور)2
بس في ليلة جميلة عجيبة سابوا الضلمة وشافوا النور
شاف القش يسوع متجسد نونو في المزود محطوط)
قام واتنطط نام واتبطط علشان يبقى سرير مظبوط)2
فرش وعرش ومين كان يدري إن الفرح عليه هايدور
أصل يسوع دايماً بيدور على اللي حزين والناس ناسياه
واللي مفكر إنه مِكسر ومافيش أبداً فايدة معاه
يّجي بذاته يسوع في حياته تصبح غالية وحلوة معاه)2)

فلنسبح الرب لأنه بالمجد قد تمجد
صعد إلى أعلى السموات
وأرسل لنا البارا كليت
روح الحق المعزي
آمين هللويا
جعل الإثنين واحداً
أي السماء والأرض
صعد إلى أعلى السموات
وأرسل لنا البارا كليت روح الحق المعزي
آمين هللويا
تعالوا يا جميع الشعوب
لنسجد ليسوع المسيح
صعد إلى أعلى السموات
وأرسل لنا البارا كلي تروح الحق المعزي
آمين هللويا
هذا هو الله مخلصنا
ورب كل جسد (أو أحد)
صعد إلى أعلى السموات
وأرسل لناالبارا كلي تروح الحق المعزي
آمين هللويا
ثالوث في واحد و واحد في ثالوث
الآب و الابن والروح القدس
روح الحق المعزي
آمين هللويا