فريق قلب داود (108 ترنيمة )

نجم أشرق في المشارق المجوس تبعوه
حتى أدخلهم بيت لحم وسجدوا لملِك الدهور
رب المجد دُعي ولداً كقول يوحنا قبل أن يراه
الكلمة الأزلي صار جسداً و حلَّ فينا ورأيناه
(هللويا)4
إيسوس بخرستوس أبشيري أمفنوتي
في ايطاف ماسف خين قيثلئيم
فاي إيري بي أوؤإرإبريبي ناف
نيم بيف يوت إن إغاثوس
نيم بي إبنيفما إثؤواب
يس جين ثينو نيم شاإينيه
جي اف اسمارووت انجي افيوت نيم ابشيري
نيم بي ابنفما اثؤواب
تي ترياس اتجيك ايفول
تين اؤؤوشت امموس تي نيتي اوناس

1- (تن تن تن .. تن تن تن
صوت جرس المدرسة بيرنْ)2
منه بنعرف إن إلهنا
إله نظام مش زيطه و زن
(خلق الكون في 6 أيام
في التالت من موته قام
بقيامته ادّى الإنسان
يدخل للفردوس فرحان)2
2- (تن تن تن .. تن تن تن
صوت جرس الكنيسة بيرن)2
منه بنعرف إن إيماننا
روح ونظام وعقيدة وفن
(كل الكون بنظام متقسم
واحنا كمان لازم نتعلم
إن حياتنا راح تتقدم
لو مشيت بنظام وبفن)2

(قلبيَ الخفاق أضحى مضجعك في حنايا الصدر أخفي موضعك)2
قد تركت الكون في ضوضائه و اعتزلت الكل كي أحيا معك
ليس ليَّ فكرٍ ولا رأي ولا شهوة أخرى سوى أن أتبعك
وأبي يعقوب أدري سره قد عرفت الآن كيف صارعك
(يا أليف القلب ما أحلاك بل أنت عالٍ مرهبٍ ما أروعك
يا قويًّا ممسكًا بالسوط في كفه والحب يدمي مدمعك)2
لم يسعك الكون ما أضيقه كيف للقلب إذًا أن يسعك
قد تركت الكون في ضوضائه و اعتزلت الكل كي أحيا معك
قد تركت الكل ربي ما عداك ليس لي في غربة العمر سواك)2
ومنعت الفكرَ عن تِجوَاله، حيثما أنت فأفكاري هناك
قد نسيت الأهلَ والأصحاب بل قد نسيت النفس أيضاً في هواك
قد نسيت الكلَ في حبك يا متعة القلب فلا تنسى فتاك
(ما بعيد أنت عن روحي التي في سكون الصمت تستوحي نداك
في سماء أنت حقاً إنما كل قلب عاش في الحب سَمَاك)2
هي ذي العين وقد أغمضتها عن رؤى الأشياء علِّي أن أراك
وكذاك الأذُنُ لقد أخليتها، من حديث الناس حتى أسمعك
قلبي الخفاق أضحى مضجعك في حنايا الصدر أخفي موضعك

احنا الأجران الأجران الستة قلبنا فرحان مش بعروسة وتورتة
(لو عايز تعرف حكايتنا وفرحنا منين
افتح انجيلك تلاقينا في يوحنا أتنين)2
وفي قانا الجليل نتقابل احنا الاتنين
1- (لو شوفتوا يسوع أول واحد زارنا
في فرح ودموع قال نسأل عن جارنا)2
(لو شوفتوه قاعد و فرحنا بقى بكل وقار
مش زي العالم أفراحنا لخبطة وهزار)2
ده روح الله خلّى فرحنا أحد الأسرار
2- (لو شوفتوا يسوع كان قاعد مع مامته
هي بخشوع تترجالنا معونته)2
(دي العدرا قلبها حنين كله إحساس
وإلهنا بيقبَل شفاعتها عن كل الناس)2
مين ينكر شفاعتها ولينا في انجيلنا أساس
3- (لو شوفتوا يسوع في أول معجزاته
تسجدوا بخشوع ده هو الله بذاته)2
(لو شوفتوه باصص للميَّه جوه الأجران
و بيخلَق منها عصير كرمة تهتفوا بإيمان)2
(ده يسوع هو الله الظاهر في جسد إنسان)2

1- (كان أحلى عيد ميلاد ميلادك يا يسوع)2
نورك نوَّر في حياتنا.. (وانقادت الشموع)2

القرار – (عايش في قلوبنا معانا حبك غالي في عينينا)2
(حبك غالي في عينينا)2

2- (كل الأعياد بتعدّي وبيمحيها الزمان)2
غير عيدك انت يا ربي.. (ما بينساهوش إنسان)2
3- (فرحانة كل الناس يوم عيدك المجيد)2
لو حب الناس ده غالي.. (حبك انت الوحيد)2

القرار- جوه المزود تلقى سلام وفرح كامل يملى القلب
جوه المذود تلقى النور شق ظلام الليل الصعب
جوه المذود صوت أجراس صوت بيعزي في محنة وكرب
يعلن بشرى لكل الناس الكلمة أتجسد بالحب
1- جوه المذود تلقى مجوس سابوا بلدهم ومسافرين
بالنجم طريقهم محروس من هيرودس ومش خايفين
وصلوا لملكهم في أمان وقلوبهم مليانة إيمان
دخلوا وسجدوا للمولود في المذود ليهم وجود
2- جوه المذود راعي صبر طول الليل يحمي الخرفان
جاله ملاك الرب ظهر بشر قلبه وصار فرحان
خد غنامته وراح ملهوف على بيت لحم بعينه يشوف
أجمل طفل حمل مولود جوه المزود كان موجود
3- جوه المزود شيخ نجار كان لمريم راعي أمين
كان بيرحب بالزوار اللي بهداياهم داخلين
ساب خشباته والمنشار ونسي شاكوشه والمسمار
راح وقعد جنب المولود جوه المزود كان موجود
4- جوه المزود تلقى الأم عدرا تواضعها كان درس
للي بنفسه كتير يهتم للي بغيره مش بيحس
وسط برود الثلج وتبن مريم قاعدة وحاضنة الابن
أم بتُسجد للمولود اللي خلق كل الوجود
5- جوه المزود تلقى بتول تلقى مجوس راعي ونجار
منظر فيه الوصف يطول منظر خلى العقل أحتار
جوه المزود شمعة تقيد والملايكة بصوت مسموع
تعلن جوه المزود عيد
جوه المزود تلقى يسوع

1-(مفيش زيك حبيب لينا يشبعنا ويكفينا)2
وبإيده يغسل رجلينا ولخطايانا ينسينا
ومن جوه ينقينا نبيض أكتر من الثلج
القرار - وإزاي ياربي أرد جميل دايقه وعايشه نهار وليل
ومهما عمري ياربي يطول هاشكر وأسبح وأفضل وأقول
مديون أنا مديون لك أنا يا إلهي على طول
2- (مافيش زيك حبيب لينا بحب حقيقي يحينا)2
وبالبركة بيغنينا من غير ما نطلب يدينا
وييجي هنا أراضينا على الصليب يفدينا
بأعماله يعزينا وقلوبنا من الفرحة بتلهج
3- (مافيش زيك حبيب لينا ومين زيك ساكن فينا)2
يا مالي الكون ومالينا تعالى هنا في وسطينا
دي قلوبنا مننا راح تخرج
وإزاي يا ربي نرد جميل عايشينه في النهار والليل
ومهما عمرنا ها يطول يصلي كل واحد ويقول
مديون أنا
مديون لك أنا يا إلهي علطول

القرار –(بيسألوني أصحابي ليه إنت مختلف
فيك حاجة مش عادية والكل معترف)2
1- (لو شفت في يوم خصام فرق وسط الصحاب
تدخل وتكون سلام وتجمعهم قوام)2
(يا صحابي صدقوني إيماني هو الأساس
أصل يسوع حبيبي علمني أحب الناس)2
2- (لو يوم كان الطريق مليان أشواك وضيق
في سلام قلبك يعيش وياك أعظم رفيق)2
(يا صحابي صدقوني إلهي هو الأساس
قلبي يفرح بوجوده وبروحه باكون حساس)2

(قلبي يا يسوع فاكر لما في ضيقتي بيلجأ ليك
وأسيبك لما أكون قادر وأشيل بإيديَّ حضن إيديك)2
(غريبة إنك بتسمعني غريبة إنك بترحمني
غريبة يارب تنده لي في عز ما قلبي قاسي عليك)2
(في لحظة دموع بتمنعني بلاقي إيديك بترعاني
ووقت غربتي المرة كنيستك بيتي ومكاني)2
(وحبك هو يحملني ومن أوجاعي يشفيني
وأحضانك تتدفيني ولا مرة بتنساني)2
(في لحظة آثام بتجرحني بلاقي عينيك تفرحني
غريبة إنك تسامحني وتنسى يارب نكراني)2
(ولما أصرخ إليك ربي وأقول كبير قوي ذنبي
وقلبي من الفرح يبكي لأنه رجع إليك تاني)2

1- يسوع قال لي أنا حارسك مالك خايف من إيه
حملك وأخذته عـنك مالك تعـبان من إيه
خوفك ده عدم إيمان تعـبك ده مالوهش مكان
سلمت الدفة لمـين يحدفها شمال ويمـين
ليه تايه يا مسكين وأنا ليك ملجأ ومعين
ليه تعيش في الدنيا شريد وأنت ليك كل المواعيد
أنا عندي ليك بركات بس أنت قول لي هات
أديك من غير حساب خـيرات من عند الآب
2- في نهاية ألمي وتعبى قلت لهم أنا عطشان
وبعطشي وظمأي رويـتك وبروحي بقيت مليان
تصرخ دايماً وحزين وكأنه ما لكش معين
سلمت الدفة لمـين يحدفها شمال ويمـين
ليه تايه يا مسكين وأنا ليك ملجأ ومعين
ليه تعيش في عطش وفي جوع ليه عينيك مليانة دموع
أنا عندي ليك بركات بس أنت قول لي هات
أديك من غير حساب خيرات من عند الآب
3- نكست عشانك راسي إكليلي كان أشواك
وبموتي وجدت حياتك بعد ما زالت خطاياك
ليه أنا شايفك حيران كان أمـلي تكون فرحان
سـلمت الدفة لمين يحدفها شمال ويمـين
ليه تايه يا مسكين وأنا ليك ملجأ ومعين
ليه تعيش عبد ومملوك وأنت أبوك ملك المـلوك
أنا عندي ليك بركات بـس أنت قول لي هات
أديك من غير حساب خيرات من عند الآب