مرنم فيفيان السودانية (121 ترنيمة )

1- مافيش في الدنيا حد طيب زيك يا رب ومفيش في الدنيا قلب زيك ممكن يحب
يا يسوع أنا رفضتك وانت ماسبتنيش ماوفقتش أبقى جنبك وانت قويتني أعيش
(مش عارف أقولك إيه؟ ... بجد أنا بحبك فعلاً زيك مافيش)2

القرار - (من الأول كان لازم أفكر ليه أنا سايبك؟ ليه مستكتر أبقى يا رب ليك؟
وانت بطيبة غير طبيعية سايب حضنك مفتوح ليَّ وأنا عايش وناسيك)2

2- أنا ليه ضيَّعت وقت؟ ويسوع أنا سيبته ليه؟ يا ريتني ماكنت ضِعت وعمري عِشته ليه
علشان بالدنيا باحلم مشيت ماحسبتهاش ماحاولتش حتى أفهم كان مين زيي وعاش
(ومعاك يا يسوع باعيش وباشوف فعلاً حاجات من الضلمة ماشفتهاش)2

القرار - لحظة ضعف ومرت بيَّ خنت أنا فيها يسوعي فاديَّ
كانت فكرة وجات في خيالي بس ماجاش أبداً على بالي
إني راح أخسر كل ما ليَّ

1- لحظة ضعف وتجربة مرة مرت بيَّ لأول مرة
كانت مرة لكن جرة بعدها ليَّ ألف خطية
2- لحظة ضعف خدتني بعيد عشت حقيقي للحظة سعيد
لكن بعهدها عشت وحيد في طريق عمره ما كان يوم ليَّ
3- لحظة ضعف ونفسي أنساها وأنسى كل همومي معاها
ترجع نفسي للي فداها ده يسوع دايماً عينه عليَّ

1- (قالي الشيطان خطاياك خلت يسوع ينساك)2
(لكني بنفسي سمعته بيقولي أنا وياك)2

القرار - صليبي كان بدالك وقبري ده كان مكانك
أنا بدمي فديتك وبموتي قد أحييتك
(تعال تعال تعال تعال إليَّ الآن)2

2- (قال لي يسوع تعال بلاش تنظر للحالة)2
(ده أنا أقدر أغيرك ما عندي حاجة محالة)2
3- (أنا بخطاياي أجيلك وتوبة قلبي أديلك)2
(ده إنت اللي حبيتني مين يغفـر ذنبي غيرك)2
4- (يا يسوع الحبيب فاديَّ وأغلى نصيب)2
(أديلك كل حياتي عند قدميك سكيب)2

1-(ارحمنا)3 يا الله الآب يا ضابط الكل يارب ارحم
(صلّحنا يارب وعدلّنا واعبر لنفوسنا وعدي لنا
ونادي لنا ونوّر قناديلنا يا إلهنا بنستنجد بيك)2
2- (ارحمنا)3 يا الله مخلصنا يارب ارحم
اغفر لينا و استحملنا اعدلنا لو عنك مِلنا
ياللي ماكنتش لحظة هامِلنا إحنا بنرمي حمولنا عليك
3- (ارحمنا)3 يا الله ثم ارحمنا يارب ارحم
(وسامحنا على سوء النية في المِحنة حاوطنا بحنية
وإن واحنا خليه أغنية بيّض ثوبنا توبنا إليك)2

1- ليه الحزن ما دام الفرح سبق الجرح ومد إيديه
ليه الهم ما دام الرب داس ع الصعب ومد إيديه

القرار - يلا نعيش ويا القلب اللي حب ونفرح بيه
يلا نعيش ويا الرب حياة الحب ونشبع بيه

2- ليه البعد رغم القرب لكل قلب محتاج ليه
ليه العند وهو فادينا وبينادينا نرجع ليه
3- ليه الآه تسكن جوانا ومعاندانا في كل طريق
وابن الله إيديه ساندانا وبترعانا في وسط الضيق
4- ليه ننساه وهو الله اللي تملي حبه كبير
ليه ننساه ولو ننساه هو فاكرنا وقلبه كبير

هل يعقل إن الله ياخد صورة إنسان
إنه يعيش عالأرض فقير غلبان
أو إنه يموت ويا ريته يموت موتة عادية
إنه يموت مجروح ملعون متهان
أفكار الله غير أفكارنا فكرنا في حكمته فاحترنا
واخترنا نقول له مش فاهمين ونقول له عايزين نتعلم
ولأنه عظيم ولأنه عجيب كل عمايله بحكمة وترتيب
إحنا قصاده جهلة وعايزين نسمع أكتر ما نتكلم
في حاجات تخلي الفكر يشت يكون حيران
في حاجات مابيقبلهاش العقل وبالإيمان
وبروح ربنا نقدر نفهمها ونقبلها
هل يعقل إن الله يحده عقل الإنسان

القرار - (حاسس بحبك لامس وجودك جوه حياتي عايش وعودك
فرحة وفايحة ريحة بخورها مالية يا ربي سمايا بنورها)2
تعلن تملّي يا ربي وجودك

1- (عارف وشايف حبك بيكبر مالي كياني خيرك بيكتر
حب ومحبة يحكي عليها عمري اللي شاور ياما عليها)2
يحكي البداية لحد صعودك
2- (أمشي في طريقي أدوس المصاعب أعدي أخطي فوق المتاعب
يسوعي دموعي تحكي حنانك مكاني يا ربي هو مكانك)2
شايف حنانك في نظرة عيونك
3- (حبك بداية ماليها نهاية سلامك في قلبي ده أجمل حكاية
كلامك يا ربي سراجي وتاجي بالاقي في حبك كل احتياجي)2
و بامشي تملّي يا ربي في نورك

القرار - ترتيب إلهي إني أعيش جنب الجروح
حب سماوي إنك معايا منين ما أروح

1- حبيت أعيش وحدي لقيت كل العذاب
وأما لقيت حبك ناديت فتح لي باب
2- تهت كتير وسط المسير ويا الشيطان
وأما حنيت راسي بكيت فين الأمان
3- عشت الحياة من غير صلاة من غير أماني
وقلبي تاه صوتك ناداه رجعت تاني
4- لا مش هاعيش وحدي ماليش بعدك حياة
عند الصليب دمعي سكيب يا ابن الإله
5- وسط المتاعب وسط المصاعب ناديتني ابنك
وقت التجارب خليتني غالب ورواني حبك

1- حلمنا مانتهاش علشان في ربنا عشان في إله حنين موجود بيحبنا
بإيديه قادرين نقوم ونكمل حلمنا ونشوف الضلمة نور علشان في ربنا

القرار - وربنا مش هايسبنا هايكون معانا وهايعننا
هو أكيد حاسس بينا .... سامعنا
ولا حاجة تاني هاتنهينا ولا حد يتحكم فينا
ده يسوع معانا مين يقدر ... علينا

2- علشان في ربنا مفيش شيء مستحيل أحلامنا ممكنه وفي مليون دليل
بيثبت لينا حبه وحنانه قد إيه عمره ما تخلى عنا هانقول إيه ولا إيه

القرار - عالم بجهلي حاسس بضعفي.. قلبك تملي يسامح ويعفي
ورغم إني خاطي مادد لي إيديك.. مدبر حياتي شايلني في عينيك

1- أبعد بعيد وإنت الوحيد باصص عليَّ فوق من سماك
ومهما يكون قلبي عنيد بتقول لي يا ابني قلبي معاك
2- جهلي وخدني ضعفى ورماني درب خطايا بحر دموع
تاهت حياتي ضاعت آمالي وأنت ما نسيتني يا ربي يسوع
3- محتاج حنانك دايماً يا ربي من غيرك إنت إزاي أعيش
وكل نبضة جوه في قلبي بتقول يا ربي غيرك ماليش