فريق الحياة الأفضل (1029 ترنيمة )

1- بإيمان ورجاء وأماني أنا جاي
وبادعي لأوطاني بارك أولادها
وأهاليها بارك شوارعها وحواريها
املا بسلامك أراضيها للأبد

القرار - سلام وخير حرية لكل المصريين
في قلوبنا وبلدنا عايشين إيد واحدة فرحانين

2- ربي بصلواتي وإنشادي أنا باطلب أفضل لبلادي
كون إنت الحارس والباني بركة في أراضي وودياني
خيرك هايشوفه الشيخ والولد

3- مين غيرك لينا يا الله نلجأ له بدعا وصلاة
نترجاه ويفيض بمعونة يسمعنا ووعوده مضمونة
حرية وحماية وسند

١- المركب آهي جت.. وفاردة القلوع
والريَّس فيها بينادي.. يا رايحين ليسوع

القرار- أنا ذاهب للسما.. أنا ذاهب للسما مسرور
أنا بالمخلص ذاهب للسما

٢- المركب آهي جت.. ودخولها باليقين
والريس فيها بينادي.. تعالوا يا مفديين
٣- المركب آهي جت.. وفيها صوت تهليل
والريس فيها بينادي.. تعالوا بلا تأجيل
٤- المركب آهي جت.. وفيها صوت تسبيح
والريس فيها بينادي.. يا رايح للمسيح

١- (بين إيديك يا ربي بالاقي كل الحماية
ضامن عمري وأخاف من إيه طول ما أنت معايا)٢

القرار- (زيك مفيش بالحب يملك عرش القلوب
ويسود كمان فينا رغم العيوب)٢

٢- (أنت بتملك قلبي يا ربي وبتديني قيمة
حياتي معاك ليها معنى تاني وحبك بيملاني)٢
٣- (لما أقرب منك باتغير بابقى أحلى بيك
بتظهر فيّ وباكبر فيك والمجد يرجع ليك)٢

( دة يسوع حلو قوي حلو قوي حلو قوي
ده يسوع حلو قوي حلو قوي حلو قوي)٢

١- اللي هيقرب منه مش ممكن يبعد عنه
واللي هيدوق حلاوته يفضل قُريِّب منه

٢- يسوع أخذ مكاني لما اتصلب علشاني
دور عليَّ بحبه وتعب علشان يلقاني

(الرب قال لنوح هايكون في طوفاني فاني)٢
قوم طلع ولادك من الطيني طيني كل أولاد الله
(ونوح على مهله بيبني في الفلك فلكي)٢
من الخشب كان يبني يبني عشان أولاد الله
(ونوح راح وجمع الحيوانات اتنيني نيني)٢
قرد ونمر وفيل وخروف وكمان زرافة رافة ويا أولاد الله
(السما كانت بتمطر أربعين يومي يومي)٢
وكل الحيوانات عملت ظيطة ظيطة ويا أولاد الله
(الشمس بدأت تطلع وتنشف المية مية)٢
وكل شيء أصبح تمامي تمامي علشان أولاد الله
لازم نسبح ونشكر ونهلل هلل
ندي لإلهنا كل المجدي مجدي من أولاد الله

كل ديوني وفاها يسوع كل ديوني وفاها يسوع
أهتف وأرنم وأنا فرحان كل ديوني وفاها على الصليب
خطايايا في بحر النسيان كل ديوني وفاها على الصليب
كل ديوني وفاها على الصليب كل ديوني وفاها على الصليب
أهتف وأرنم وأنا فرحان كل ديوني وفاها على الصليب
خطايايا في بحر النسيان كل ديوني وفاها على الصليب
خطايايا محاها الدم..
خطايايا محاها الدم خطايايا محاها الدم.. إبليس لن يؤذيني
لن يؤذي لن يؤذي..
لن يؤذي لن يؤذي خطايايا محاها الدم..
إبليس لن يؤذيني
يسوع خد خطايايا ورماها جوه البحر..
طش رماها جوه البحر.. طش ..رماها جوه البحر
يسوع خد خطايايا ورماها جوه البحر لا يعود يذكرها أبداً

ميلادك أحلى يوم ده عيد في كل الكون
عيد ميلاد ملكنا عيد ميلاد يسوع
يا يسوع في يوم ميلادك الكل بيفرح بيك
وجيت علشان أولادك يلاقوا حياتهم فيك
في كل عيد بنفرح عشان الطفل يسوع
اللي اتولد في مذود وجه فدى الجموع

١- أحبك يا ربي يا قوتي الجبار أنت رجاء قلبي يا منقذ الأبرار
تُرسٌ تحيط نفسي من أسهم الأشرار معك لا أخشى شراً يا مالك الأقدار

القرار - أحبك يا ربي يا منقذي القدير خوفي يزول حالاً إذ قربك أسير

٢- أحبك يا ربي يا سيدي الكريم يا من فديتَ نفسي من قوة الجحيم
وقد وهبتَ ليَّ الخلود في النعيم لذاك أشدو دوماً سجوداً يا رحيم
٣- حبال الموت حاطت بقلبي الكئيب وحزن نفسي زاد واشتد بي النحيب
صرختُ لك ربي أسرعتَ يا مجيب لذا أدعوك دوماً يا سيدي الحبيب

١- (لما الدودة كانت دودة وبقيت شرنقة بعد شوية طلعت فراشة جناحاتها مزوَّقة)٢
وبألوانها الجميلة بتطير بين الأزهار تفرح بحياة جديدة في نور شمس النهار

القرار- ساعة الصبحية ساعة الصبحية بركات جديدة منك ليَّ
ساعة الصبحية ساعة الصبحية بركات جديدة ياربي من إيديك ليَّ

٢- (وكمان النملة قد النملة في شغل بتعمله مش بتروَّح أو بتريَّح من غير ما تكمِّله)٢
بتشيل على ظهرها أضعاف وزنها وتخزن للشتاء كل أكلها

من مثلك أيا ربي إله من مثلك ليس مثلك)
فأنت ربٌ مهوب بل وقادر عجيب من مثلك ربي) ٢