فريق الحياة الأفضل (1029 ترنيمة )

القرار- غنوا معايا يا شعب الرب.. تعالوا نرنم ليه
خلوا هتاف تسبيحنا يدوي.. ويعلن نصرنا فيه
وليوم مجيئه نكون.. شعبه اللي مستنيه
ومعاه هناك في سماه.. نفضل نرنم ليه

١- قلبي بيهتف للي فداني.. بدمه على الصليب
روحي وعقلي ويا لساني.. يعظموا أغلى حبيب
بسجود وحمد وعود.. هامجد اسمه وأعليه
وفي ليل زمان الغربة.. يفضل قلبي يرنم ليه
٢- وسط الحرب ووقت الضيق.. أنا بارفع قلبي إليه
وعده يثبت في إيماني.. يخليني أهتف ليه
دي قيود سجون وجيوش حروب.. نكسرها بالتسبيح
لما بيعلا هتاف إيماننا.. مجدًا للمسيح
٣- مجد الرب في وسط كنيسته.. بنعلنه بالتسبيح
وبأصوات الحمد بنهتف.. علوا اسم المسيح
رافعين صليب الرب.. ده إحنا بدمه مفديين
غالبين جنود الشر باسمه.. ودايمًا منتصرين

القرار- دي حبة الخردل اللي أصغر من كل البذور
دي بتبقى شجرة كبيرة وتسكن فيها الطيور

١- إيماني صغِير ولكن فيه قوة ما تجيش على بال يقدر يعمل معجزات ويقدر ينقل جبال
٢- وداود ما قلش إزاي لوحدي أغلب جُليات لكنه انتصر عليه بقوة رب السماوات
٣- وعشوري قروش قليلة لكن من قلبي الصغير والرب دايماً بيبارك والقليل يبقى كتير

١- يهتم بي عوني منقذي إلهي لا لا يبطئ
لذلك أنتظر وأصبر له وحده

القرار- (للرب سلِّم طريقك واتكل
عليه وهو يُجري وهو يُجري)٢

٢- وقت كثرة همومي في داخلي تعزيتك
تلذذ نفسي في داخلي تعزيتك

٣- (ثابت قلبي)٢ أرنم لك يا ربي
ثابت قلبي لأنك حقاً يا الله ملك المجد

٤- غنوا رنمــوا لإلهنـــا ولتشدو له ألسنتنا
يسمع لنا يُفرِح قلبنا يلذ له تسبيحنا

(كان أصغر راعي داود والحرب كانت جبارة
فرسان جامدين وجنود بيحاربوا بكل مهارة)٢
وداود كان من أنغامه بيرتل أحلى كلامه بيرتل سر سلامه
وفي إيده النونو قيثارة
(وظهر جبار في عيونه شرار طوله يمكن يطلع ست أمتار)٢
(جليات كان شايل سيف لامع وكبير ومخيف
ولابس متاريس ودروع بتحر في عز الصيف) ٢
ضحك الجبار ضحكاية هه هه هه هه واتصعّب وقال مساكين
مين راح ينزل ويايا وبسيفه يبارزني
مين راح ينزل ويايا وبسيفه يحاربني
( أنا أنا مش جايلك بسيوف ولا خايف منك شوف شوف )٢
أنا أصغر منك جداً لكن ماعرفش الخوف وداود كان عارف
إنه أصغر سيف أتقل منه لكن ربه بيحميه هو اللي يدافع عنه
(وداود جاب أصغر حجراية حطها في النبلة وطوّحها
ونت في الهوا كام وناية طارت طيران من مطرحها)٢
(ونت ونة كبيرة في راسه داخ وقع واتهد حماسه وقع
الجبار من فوق طوله وداود فات من فوقه وداسه)٢

1- امبارح كنت تايه بدور ع الأمان مش شايف
إلا ضعفي والخوف مالي الكيان ياما حاولت
ألملم جروح ليها زمان والقلب فيَّ يصرخ نفسي في يوم ارتاح

القرار - شقشق عليَّ فجره طيب فيَّ الجراح وبحب خدني لحضنه نسّاني كل اللي راح

2- ياما سألت نفسي إيه المعنى لحياتي ألقى يأسي
يجاوبني مخلوق علشان تعاني ورب المجد يقوللي
إنت موجود عشاني والحزن اللي ماليك هابدله بأفراح

على الصليب حملت عاري فيه افتخاري
إنت إلهي إنت حبيبي ومخلصي
على الصليب صرت شفايا
من الخطايا والظروف ومن العيوب اللي صابت
جوه القلوب
إنت رضيت تتجلد علشان تشفيني
إنت رضيت تتصلب وتموت علشان تحييني
أنا مش هابص ورايا وهادوس على الخطايا
وبقوة دمك لي نصرة ولي حياة
ولا هاسمح لعدوي يجي في يوم يكسرني
ولا يطرح العمر اللي ربي افتداه
في الصليب رفعت راسي إنت خلاصي يا سيدي

القرار- (يا رب ليك كل السجـــود
و الحمــد يا ربنا المعبود)٢

١- دي نفوسنا تتعلَّق بشخصك وتلاقيك
في كل يوم نور أو ظلام طول الطريق
وبحب آب بتضمنا وترفعنا ليك
مين زيك إنت في حبه يا أوفى صديق

٢- يا يسوع بنورك تنسبي كل العيون
نوَّر حياتنا بحب قلبك الحنون
وعشان حياتك فينا كل شيء بيهون
هانمجدك وهانتبعك مهما يكون

1- عارفين اللي عمل شمس وقمر وكل الدنيا
واللي نسمة منه تدوب كل الكون في ثانية
واللي أنفاسه تزلزل أساس الجبل
واللي ما يعرف نهاية وبدايته الأزل

القرار- ( أقدر أقول له يا أبويا.. أقدر أقوله حبيبي )2
أقدر أقوله إلهي.. وأبويــا وحبيبـــي

2- عارفين اللي كان مع موسى وشعبه في البرية
واللي شق البحر سوف وعداهم من المية
يوسف لما كان في سجنه نجاه من الخطر
والفتية عبروا في النار ومعاهم عبر

3- عارفين لما كان مصيري موت ونار أبدية
نزل واتصلب بدالي وسحق رأس الحية
شال عني عار الخطية وناموس العمل
وصار ليَّ فيه ضمان وشفاعة وأمل

١- (مستحق كل المجد يا يســــوع)٢
كل ركبة تسجد ليك.. واللسان يعترف بيك
مستحق كل المجد يا يســــوع
٢- (لما نيجي نوقف قدامك يا يســـوع)٢
كل عالي ينحني.. كل مهدوم يتبني
لما نيجي نقف قدامك يا يســـوع
٣- (خلي حضورك يملا عينينا يا يســـوع)٢
نتغير وعينينا تشوف .. مجدك بوجه مكشوف
خلي حضورك يملا عينينا يا يســــوع

١- كم مرة ضممتني وسط متاعب الحياة
مسحت كل أدمعي ملأت قفري بالمياه
كم مرة غفرت لي آثام روحي التائبة
بنورك أرشدتني بددت نفسي التائهة

القرار- قلبي يهتف أحبك يا صخرتي أحبك
قلبي يهتف أحبك يا ملجأي أحبك

٢- كم مرة قبلتني لعرشك أدخلتني
بدمك طهرتني وبرك ألبستني
كم مرة كلمتني في وعدك شفيتني
أنرت ربي ظلمتي بحبك ملأتني