كل الترانيم باوربوينت بالصور (1786)

1- (قلبي بيفيض بكلام صالح لجلالك
ولساني يرنم يا ملك الملوك)2
ياللي انت أبرع من بني البشر في جمالك
ياللي انت أغلى ما في حياتي يا يسوع

القرار- (جاي باغنيلك وأتمنى تبقى سعيد
بارفع تسبيحك وفرحة قلبي تزيد)2

2- (بيك أنا متهنِّي لأني بافرح قلبك
وأنا هافضل أغني و أقدملك أناشيد)2
اقبلها ترنيمة محبة باهديهالك
هدفي مسرة قلبك انت يا مجيد

١- (جاي من بعيد من وسط توهة من وسط حيرة وخوف وآهه
سايب شروري وعتمتي لازم أغير سكتي)٢
القرار - يا إلهي ياللي محبتك قويت عليَّ ورحمتك
فاقت آثامي محت ظلامي خدتني تاني لسكتك
٢- (ضاقت عليَّ سكتي وفضلت أنا مع وحدتي
وفي وسط خوفي هربت حروفي مالقتش غيرك نجدتي)٢
٣- يا يسوع يا صاحبي في غربتي يا ماحي جهلي يا حكمتي
خدني لضيائك لنور بهائك خليني أقوم من رقدتي
ده جديد في إيديك طلبتي وهاسيب قديمي في تربتي
هأقوم معاك أحيا في حماك وتكون حياتي ودنيتي

1-(جاي بذبيحة حمد باقدمها بقلبي الفرحان
جايب لحن في ايدي وكلمة باقدمها بإيمان)2
(جاي وباقدم ليك من اللي في ايدك ليك)2
(يا وطن الإنسان يا وطن الإنسان)2

القرار-(علمني أقدم ليك تسبيح يرفعني إليك)2
(وأكون كذبيحة حمد أنا بين إيديك)2

2-(ياللي اديتني حياتك حب أنا باهدي حياتي إليك
حبك ساكن جوه القلب وقلبي ساكن في ايديك)2
(قلبي يغني أكيد طول ما الحب يزيد)2
(ويزيد الإيمان يا وطن الإنسان)2
3-(اسمك أحلى أسامي الدنيا و أحلى أسامي الكون
مجداً لاسم يسوعنا الغالي وللجنب المطعون)2
(شمس الأرض تغيب والنور يبقى صليب)2
(راية الحق تبان يا وطن الإنسان)2
4-(ملك المجد واسمك عالي وفي ايديك السلطان
أمم الأرض وكل شعوبها وكل ملوكها كمان)2
(بكرة هاتسجد ليك تخضع تحت ايديك)2
(يا صاحب السلطان يا وطن الإنسان)2

القرار - جاي بروح الطاعة أتقدم وفي طاعتي شيء للبرهان
إني اليوم جاي لك وباسلم أنا مش هارجع زي زمان

1- ياما سنين عدت مني باهرب وماليش أي مكان
فاكر إني في يوم هاوصل وأنا تايه بين الأحزان
2- ياما حاولت أستر نفسي وأتغطى من ورق التين
لكن لما الريح هبت ما عرفتش أتخبى في مين
3- واليوم أنا فكرت أرجع لإلهي صاحب السلطان
اللي كاشفني وعارف أني أنا مش أكتر من إنسان

1- (جاي بشكر القلب باسلم نفسي اللي إنت فديتها يا بار
جاي وحبي ليك يتكلم عقلي بينسج ليك أفكار)2
تبقى سراجي تبقى شراعي وسط الضلمة والأمواج)
تبقى سلامي كل آمالي شمس تغير ليلي نهار)2
2- (رافع اسمك ياللي حنانك همسة بيسمعها الحيران
ووعودك حبك ووفاءك إديت معنى للإنسان)2
(ألقى كلامك لي مشورة يهدي الخطوة في كل زمان
وعهود دمك المحفورة على جنبك تديني أمان)2
3- (هافضل أغني ويعلى هتافي وأرسم لوحة من النغمات
فيها العرش وفيها الفادي أعلام ورايات وانتصارات)2
منظر يسبي العين ويخلي قلب الآب دايماً شبعان)
وعدو الخير مهما يدوي مالهوش غير في النار عنوان)2

القرار –(جـاي قـريب لبلدنا جـاي قـريب لبلدنا)2
1-(جـاي بـغـفـرانـك تـعـلن إحسـانـك تـبـرىء أراضيـنـا ونـفـوسـنا)2
هـو ده وعـدك هـاتـرد شـعـبـك ويعـود لـه مـجـدك يـا مـلـكـنــا
2-)جـاي قـريــب وده إيـمـانـنـا يـالـلي عـيـونــنـا بــتــتـــرجــاك)2
وف أرض غـربـة قـاســيـة وصـعـبـة إحـنا هـانـفـضـل نـسـتـنـاك

1-جاي وبسلم قلبى يا ربي تارك كل أموري إليك
باعلن ثقتي و باعلن حبي مهما يكون أنا خاضع ليك

القرار-(أيامي كلها في إيديك مش خايف من بكره معاك)2
(والمستقبل كله لديك مضمون فيه الخير وياك)2

2-ياللي بتدي القلب تملي وعد وراحة في الأيام
وعدك ليّ راح يضمن لي جود ومراحم ويا سلام
3-نفسي حاميها بسور من نار روحك في يا رب ماليني
ولا راح ممكن يوم أحتار علشان انت اللي بتهديني
4-ربي بحبك تحلى حياتي أقضي أيامي ماسك فيك
كل الحاضر كل الآتي زي الماضي مضمون فيك

١- ( جاي لك يا يسوع مشتاق أتغير
في إيدي قيود مهموم متحير )٢
شخصك وحده هو اللي يغير.. ولا يوم إبليس يأسر ويعير

القرار- ( وحدك يا يسوع.. ترفع كل الأتعاب
دمك يا يسوع.. مرشوش على الأعتاب )٢
على الماضي ندوس.. نكسر عندك أطياب

٢- ( أسجد وأركع يا يسوع قدامك
وأنا زي فطيم يجري لأحضانك )٢
طعم الحرية هادوق وسلامك.. حاسس بأمان يرويني حنانك

٣- ( أهتف لاسمه وأرفع له نشيدي
حقه في قلبي سلطانه في إيدي )٢
نلت الحرية اليوم يوم عيدي.. قلبي فرحان مسرور بيغني

القرار- (جايين لك بنصلي .. يا يسوع الغالي)٢
(علشان يبقى اسمك .. في بلادنا عالي)٢

١- (بارك كل مدينة .. وكل شارع فيها
يا يسوع قوينا .. نشهد عنك فيها)٢
(ونتكلم للنفوس .. عن صليبك يا قدوس)٢

٢- (بنقدم أشواقنا .. تبقى بيوتنا ليك
وإخواتنا واصحابنا .. عينيهم تبقى عليك)٢
(وبتسبيحنا نرفع ليك .. أحلى ذبيحة يا مليك)٢

١- (جايين يا أبانا اسمع لدعانا.. بتواضع يرجع شعبك
يطلب رحمة من عندك.. بقلوب محتاجة إليك)٢

القرار- ده رجانا فيك يا إلهنا.. وهانستنى المواعيد
نحوك نرفع أعيننا.. وإيمانا فيك بيزيد
بنصدق كل وعودك.. ده أنت في الوعد أمين
تملا حياتنا من جودك.. مجدًا ليك يا معين

٢- (أرضنا عطشانة بجروح مليانة.. من فيض حبك ترويها
لمسة إيدك تشفيها.. وتردها تاني إليك)٢
٣- (بنتوب قدامك بنعود لحنانك.. نعلن ملكك في حياتنا
في بيوتنا وفي اجتماعاتنا.. وقلوبنا بتسجد ليك)٢