ماجد عادل (33 ترنيمة )

1- لمين نروح وإنت الاله.. وعندك وحدك كلام الحياة
لما بنجيلك يلمسنا روحك.. يشفي ويحرر أسر الخطاة

القرار- بعيون الحب تشوف الدموع.. في عيون الناس تتحنن عليهم
وتمد إيدك تمحي الأنين.. تمنح سلام وتصير راعيهم

2- وعند القبر شوفنا حيارى.. تأمر فيخرج من الموت حياة
وفي ليل الحزن تشرق بنورك.. تفرح نفوسنا برب الحياة

3- ورغم الزحمة عينيك بتلمح.. قلوب عطشانة للعيشة معاك
تيجي وحضورك يستر ماضينا.. وندوق حلاوة العشرة وياك

ميلادك أحلى يوم ده عيد في كل الكون
عيد ميلاد ملكنا عيد ميلاد يسوع
يا يسوع في يوم ميلادك الكل بيفرح بيك
وجيت علشان أولادك يلاقوا حياتهم فيك
في كل عيد بنفرح عشان الطفل يسوع
اللي اتولد في مذود وجه فدى الجموع

١- وقفت وناديتني بصوت الحنان
وقلت تعال ده عندي الأمان
سمعت نداءك وبخطوة إيمان
طلبت حضورك هنا في المكان

القرار- لغيت المسافة شطبت الزمن
وجيتني في ضياعي دفعت التمن
وقمت لنجاتي عطيتني حياة
بموتك علشاني هاعيش يا الله

٢- وخوفي في حبك يتوه ما ألاقيه
وحزني في حضورك راح أعبر عليه
وقوة كلامك تشدد قلبي
وفكر سلامك هايقود مركبي
٣- ولما التجارب تسبب آلام
ولما يسدد عدوي السهام
بقوة صليبك ترد الهجوم
وتشرق بشمسك تضيع الغيوم
٤- يسوع يا ربي يا عيد الحياة
يا زارع في عمري طريق النجاة
تعال وبدد حصون الظلام
وازرع في قلبي زهور السلام

١- خالق السما وما فيها.. وبيك كل الوجود
صــــــانع الحيــــــــــــاة.. من نفخة في التراب
قادر وقوة سلطانك.. فاقــــت الحـــدود
إله السمــــــــــاوات.. ورب الأربـــــــــــــاب

القرار- مين في العظمة قدك.. مين يشبه جلالك
مين في الرحمـــة زيك.. مين في جمــــــالك
ليـــــــك الإكـــــــــــرام.. والحمــــد والتعظـــيم
يا منبــــــع الحيـــــــاة.. يـــا رحيــــــــــــــــــــــم
هللـــــــويا هللـــــــويا.. هللـــــــويا هللـــــــويا

٢- نرفع ليك كل التسبيح.. يا ساكن السما
ياللي عشاننا جيت.. وخلصت النفوس
ليك بتنحني الجباه.. وبنسجد يا الله
واسمك القدوس.. تاج على الرؤوس

القرار - مريت عليَّ في زمن الحب.. مشيت عشاني أصعب درب
مديت إيدك ليَّ يا رب.. تلمس روحي وتحيي القلب

1- حب قلبك حب دافي دوب فيَّ كل جليد
شال عداوتي وكل قساوتي.. ولد فيَّ قلب جديد

2- حب قلبك جمرة نار شالت مني كل كريه
خلت جوه القلب صافي.. سابت شعلة حبك فيه

3- حب قلبك طمن قلبي بوعد صادق ليَّ فيك
بإيد ممدودة وستر كافي.. بحضن دافي يضمني ليك

١- علشان الناس حواليك يرضوا وتلاقي قبول
لازم حتماً تمشي وراهم في طريق مقبول
لو مرة تخالف وتفكَّر تبقى المسؤول
وتلاقي الناس يبعدوا عنك وتعيش معزول
وأنا عايش أي كلام وخلاص
وبامثِّل على نفسي وع الناس
وما دام دي السكة المطلوبة
هامشيها كده من غير إحساس

٢- علشان الناس حواليك يرضوا وتلاقي قبول
لازم حتماً تنسى إرادتك وتعيش على طول
في طريق معلوم بحدود مرسوم وضمير مشلول
وتعيش في السر حياة تانية من غير ما تقول
وأنا عايش ضد ضميري كمان مش حاسس إني بقيت إنسان
وباعيش في الفورمة المطلوبة مبسوط ما يهمش لو زعلان

٣- يارب أنا عايز أعيش واضح وإيماني أصيل
وأنت اللي تحدد لي طريقي وتكون لي دليل
والخطوة أخطيها بريئة من غير ما تميل
وأحقق ذاتي وكياني من غير تمثيل
مش عايز أمثل وأنادي أنا عايز أكون إنسان عادي
والأبيض فيّ يكون ظاهر والأسود ما يكونش رمادي
مش عايز أمثل وأنادي أنا عايز أكون إنسان عادي
مايهمش أرضي الناس لكن إنت اللي تكون وحدك راضي

أشكرك يا الله لاستجابتك الصلاة أشكرك يا الله
أشكرك يا الله لاستجابتك الصلاة أشكرك يا الله
١- أنت الصالح والأمين تحفظ وعدك للبنين
بارفع اسمك بالترنيم ومديون ليك طول السنين
٢- كل يوم أقضيه معاك أطلب مجدك ورضاك
وأنت تسد الاحتياج ده ما فيش أكتر من غناك

القرار- أنا عايز كل الكون يعرف إن أنا موجود
وجهادي عشان لفت الأنظار مالوهش حدود
وبكل طريقة هاقول للناس (أنا ليَّ وجود)٣

١- أنا باحلق راسي وألمعها ولا شعرة تبان وأطوِّل شعري وأعمل منه ضفيرة كمان
أو ألبس شورت في عز الشتاء ولا أقول بردان وأساسي الكاب بالليل ونظارة شمس كمان
وده كله عشان وسط الزحمة أظهر وأبان
٢- أحياناً باتظاهر إن أنا جوايا فنان وألبس قمصان من غير كم وعضلاتي تبان
وأرسم تاتو بنت جميلة أو راس حيوان وأعمل تقاليع كده مش لايقة أهو شغل جنان
وده كله عشان وسط الزحمة أظهر وأبان
٣- أنا موجود مش بالتقاليع ولا بالمظهر كل الحركات دي لا بتقدم ولا بتأخر
لكن بنجاحك وبأخلاقك هاتكبر وتكبر ومكانك أكيد وسط الزحمة هايظهر
بكرة يظهر بكرة يظهر بكرة هايظهر بكرة
أنا موجود

١- أنظارنا ليك وودانا سامعاك
أفكار قلوبنا وشوقنا رؤياك
فيك السلام وفيك الرجاء
فيك الصلاة وفيك العزاء

القرار- إحنا ليك وإنت لينا
بنسبحك ونمجدك يا يسوع
إحنا ليك وإنت لينا بنسبحك يا يسوع

٢- وطول ما قلوبنا دايماً في إيديك
ثقتنا فيك واتكالنا عليك
وحدك تقودنا طول الطريق
ربي ما فيش زيك صديق

الناس بتحب الناس وتصاحب بعض الناس علشان أسباب
وكأن الحب في علاقتنا ثمن الإعجاب

١- واحد بنحبه لأنه جميل واحد بنحبه لأنه طويل
واحد بنحبه لأنه خفيف وبنكره واحد دمه تقيل
بنحب الناس ونصاحب الناس علشان أسباب
وكأن الحب في علاقتنا ثمن الإعجاب

٢- واحد بنحبه أصله بيرسم أو شاطر في التمثيل
الكل بيحب اللي بيعزف أو ألف بعض التراتيل
بنحب الناس ونصاحب الناس علشان أسباب
وكأن الحب في علاقتنا ثمن الإعجاب
ونحب اللي يغني سولو ومالوهش مثيل
ونحب اللي بيلعب كورة وحديد بيشيل
ونحب الناس ونصاحب الناس علشان أسباب
مرة بنبعد مرة بنعند مرة نقرب مرة بنميل
في قرب الحب أو بعده رهن التعديل
إن كنت عايز حب صافي مالوش سبب صريح
الحب ده مش هاتلاقيه إلا عند المسيح