جوزيف جمال (66 ترنيمة )

1- (مش باقوِّي إيماني بشوية كلمات
لكن ده إيماني باللي عشاني مات)2

القرار- (واثق فيه مستنيه عايش ليه طول العمر
أصل ده قلبي اتعلق راضي معاه بحلو ومر)2

2- (الإيمان علمني ارمي الشيلة عليه
و اضمن بكره وحلمي واحتياجاتي فيه)2
3- (نفسي يزيد إيماني إيمان الأبطال
وسط السجن يغنوا واجتازوا الأهوال)2
4- (أنا مستني حلولك و إيديك تتدخل
أصل الثابت قولك في الآخر والأول)2

القرار- (حيٌّ هو الرب إلهي اللي أنا واقف قدامه
حيٌّ سيدي الملك اللي أنا عايش خَدَّامه )2

1- ( لا أنا خايف من شيء إن كان ولا من مخلوق مهما إن كان )2
ولا محتاج شيء من إنسان ده مكفيني سلامه
2- ( أنا عاكف على المكتوب ضد التيار المقلوب )2
أشهد ليسوع المحبوب وأتشارك في آلامه
3- ( أنا شايف آخر المشوار جاي الفجر وجاي نهار )2
ولحد الشرّ ما ينهار أنا هارفع أعلامه
4- ( أنا عارف إيماني بمين ده القادر يحفظني أمين )2
جاي وهاشوفه بكل يقين زي ما وعد في كلامه
5- ( أنا واقف مستني وعود تتحقق والمجد يعود )2
ونُقف كده صفين بالعود ونعلَّي في أنغامه

القرار- ( أنا طالب حضورك ولذة رضاك
تملاني بنورك بالقرب معاك ) 2

1- ( أنا طالب أتغير لشخصك أتغير وإن كان حبي صغير لمسته ترويه
قلبي هايستناك طلبه يكون معاك حبك لا سواك هو اللي هايشفيه )2
حبك ليه معاني قلبي بيترجاه 2- ( قربك مجد تاني في عشرتك أغاني
جلسة بين إيديك وسجودي لديك نظرة من عينيك كل ما أتمناه )2
حبك فاق الخيال عنوانه الصليب 3- ( يا أبرع جمال ليك مجد وجلال
ما لم ترَ عين أو تسمع به أذان أو يخطر ببال حبك يا حبيب ) 2
4- (يا نهرسباحة بيت خمر وراحة يامحوِّل المناحة في قلبي بإيديك
لا للركبتين ولا للحقوين بل بقرب قلبك عبّرني إليك)2

القرار- (مابتتنسيش ده انت إلهي وأبويا غيرك ماليش
مابتتنسيش ده اسمي منسوب على اسمك ومعاك باعيش)2

1- ساند لي عمري وحياتي داري بكل احتياجاتي
فاكر صلاتي وطلباتي مابتنسانيش
وطول ما أنا ماشي في ضلك وشكر قلبي بيوصل لك
تملي فاكرك وباقول لك مابتتنسيش
2- ولو عليَّ حروب قامت وأنا لعجزي بقيت صامت
لو أمي نسيتني ونامت مابتنسانيش
يارب لما تضيق بيَّ ألقى لفوق رايحة عينيَّ
لأنك انت يا راعيَّ مابتتنسيش
3- صلبك علشاني بيأسرني انت بجلالك تختارني
تبقى انت ربي اللي فاكرني مابتنسانيش
معقول ياربي أنسى فداك أنا أنسى نفسي ولا أنساك
دي كل نقطة من دماك مابتتنسيش

1- (شُفت معاه أجمل أيام لما اجتزت في ضيق وآلام
ده اللي لا ينعس ولا بينام اللي حافظني أمين بيصون)2

القرار- [(هللويا)3 ده أبويا سيد الكون
(هللويا)3 ده اللي بيؤمر كن فيكون]2

2- (شُفت الخير مليان في إيديه والرحمة في قلبه وعينيه
وإن ضعفي غلبني ألاقيه يحملني ويكون لي العون)2
3- (شُفت إزاي وقت ما باحتاج وظروفي تهيج كالأمواج
ألقى إيديه حواليَّ سياج بتسدِّد أعواز وديون)2
4- (شُفت كمال قلبه وأمانته ومهارة إيده في رعايته
من أول عمري لنهايته شاكر أفضاله وممنون)2

1- (وانت ماشي جنبي بتهون الأمور
بتسهِّل طريقي وبتبعد شرور)2

القرار – (عايز رضاك ياللي في العُلّيقة ساكن
عايزك تقودني في كل الأماكن )2

2- (نور حقك جوايا يكشف الوعور
وتنجَّح مقاصدي ولا أسقط و أخور)2
3- (وروحك يرشدني لأَرض السلام
حتى في وسط ضعفي يسندني قوام)2
4- (ثمر الروح جوايا هايظهَر ويبان
عيني على الجعالة ثابت في الميدان)2
5- (راح أقفل وداني ومخافش العيان
ولساني بيرنم عايش بالإيمان)2

1- (أتحبني و تقول لا أنســاك أحقًا لأجلـي أنا سالـت دماك؟)2
أذُقتَ الهـوان بكل حنـان لكي تُنجينـي من الهــلاك؟
إلهي ماذا .. ماذا تحب فـيَّ وقد إكتسوت لهامتي بالخطية؟
كيف ترى أسواري المهدّمة أسوارًا صلبة صامـدة قـوية؟
2- (جملتني وعلى كفـك نقشتني مـن وحلِ مزبلتي رفعتنــي)2
في سقطتي عضدتني وأقمتنـي مـع الشـرفاء أجلستنــي
أتساءلُ ما نـوع هذا الحنـان الذي اكتنف وضم الإنسان!
أنها محبة ليست من الوجـود (محبة أثارت بداخلي الإيمـان)2
3-(في رحلتـي كنت دائمًا معي عصيتك و تركت دربَك أدبتني)2
وكنت لي أبًا وكنت لي خلاً وأنـت تُعيـن فـي محنتـي
أنت القـدوس ملك الملوك حررتنـي وأنا عبـد مملوك
تواضعت فوضعت يدك بيدي (ومن أجلي بالصليب سَمّروك)2

1- (عُمرك يا يسوع ما كنت في يوم في حياتي فكرة
أنت موجود وحي اليوم وأمْس وبكرة
محتاج أكون دايماً معاك وبينا شركة
أنا بيك فرحان إنك جوايا مش بس ذكرى)2

القرار – (أنا جاي مصمم أخد منك لمسة وبركة
هاتدوم معايا من يوم ليوم وبيها أعيش
أنا جاي مصمم أخد منك لمسة بركة
وأحيا معاكْ حياة جديدة ما تنتهيش)2
وبيها أعيش ما تنتهيش

2- (أنا جاي وباعلِن شوقي وثقتي فيك يا راعيَّ
أنا بالقى أماني وراحتي وفرحي فيك يا فاديَّ
أنا شايفَك ماشي معايا وايدك ماسكة إيديَّ
وانا عارف دايماً سر نجاحي فيك مش فيَّ)2

1- (إن طال الليل بظلامه الفجر لابد يعود
يجيني إلهي بسلامه ويقوللي أنا موجود)2
القرار -(راح أغني بنايي وعودي وماعدش تهمّ جراح
ده إلهي محلّي وجودي وقلبي خلاص مرتاح) 2
2- (يمكن بتعدّي تجارب يمكن تحاربني ضيقات
بيعنّي إلهي الغالب يرفعني في الأزمات) 2
3- (في طريقي أكيد أشواك ما الغربة دي رحلة عنا
المجد في بيتي هناك أعظم بكتير من هنا )2

1- -1(منتظرك ثبت خطواتي.. عمر ما وعدك ليَّ خاب
حقك دايمًا نور لحياتي.. قلبي يا ربي في حبك داب)2
القرار- (أفكارك ليَّ سلام.. هتشيلني كل الأيام)2
(نفسي أقولك إني بحبك)2.. صدقني عجز الكلام
2- (منتظرك راح أشوف أمجادك تتحقق والحزن يزول
يوم ورا يوم راح أعيش أعيادك فرحك جوايا على طول) 2
3- (منتظرك والرؤيا أمامي عمر ما عيني عنها تحيد
روحك الصالح ماشي قدامي بالنُصرة ويا التأييد)2
4- (ع المحراث أنا حاطت إيدي.. وشعاري مبادئ الملكوت
ويشرَّفني خدمة سيدي.. بجد باقولها بأعلى صوت)2
5- (لا سدوم وعمورة بتحنيني.. ولا يبهرني نعيم نُعمان
ده وجودك في حياتي يكفيني.. خيرك فايض بيك شبعان)2