جوزيف جمال (66 ترنيمة )

القرار- متقيد بقيود من نار متسلسل محاوطني العار
حياتي أكاذيب وخداع والقلب مليان مرار
1- (بضحك والحزن مليني ميت ومين يحيني
بصرخ يارب تنجيني من مولى عزيز جبار)2
بحبك أكيد بحبك حاسس حقيقي إني ابنك
نفسي أترمى في حضنك وتديني روح الانتصار
-2 (ضعفي هو اللي قاتلني محتاج يايسوع تلمسني
خاطي ودمك يغسلني وليل يطلعله نهار)2
(خاطي أنا خاطي وأثم وهأخد قرار حاسم
لازم أتوب أنا لازم كفاية ذل وانكسار)2

1-(أحزاننا جيت تحملها وأوجاعنا تتحملها
مضروب مذلول ده لأنك انت بتتعاقب عنها
مجروح علشان معاصينا مسحوق من أجل آثامنا
تأديبنا اتحط عليك فشفيتنا وضمنت سلامنا)2

القرار- (قُلت سلامًا أترك ليكم
مش زي العالم أعطيكم)2
واحنا جايين طالبين شخصك
(ييجي سلامك ويسود شعبك)2

2-(ياللي أديت الشونمية تطمن وابنها ميت
شيل خوفنا وإدّي سلام من عندك انت يا سيد
وحِّد من تاني قلوبنا دي بيوتنا عايزة زيارة
إبليس عايز يهدمها وحيّله ماكرة وغدارة)2
3-(هايجة الريح حوالينا مين يهديها ويهدينا
فوق كل ضغوط وشكاية تحفظنا وتعلّينا
وسلام منك لبلادنا تحميها وتحمي ولادنا
عايزينك تستخدمنا نشهد عنك في حياتنا)2

1- (من غير كُسوف هاجي و أفضفض باللي جوايا وأبوح
من غير كُسوف هاحكْي اللي بكَّاني وخنق فيَّ الطموح)2

القرار – (يارب فيك راحة التعابى انت الدليل وانت الإجابة)2
بلسم القلب العليل في الحيرة والليل الطويل
بتضُم وانت ضمِّتك بتهوِّن الحمل التقيل
يسوع يضُمّ وضمِّته بتهوِّن الحمل التقيل

2- (جاي بالقيود مشِّيني مفكوك منها بس اربُطني بيك
جاي بالقيود ومصدّق إن شفايا ودوايا ف إيديك)2
3- (عيني عليك لما الآمال اتبعترت وسط الطريق
عيني عليك وحلمي اللي صدّا معاك هايرجَع له البريق)2
4- (مش مُستحيل اللي اتسلب يرجع لي و بأضعاف يعود
مش مُستحيل علشان ده وعدك وانت صادق في الوعود)2
5- (معاك وبس هايرُوح ظلامي وينجلي و ييجي النهار
معاك وبس بعد النواح تسبيح و فرحة وانتصار)2

القرار -(لا يقدر يقول ولا سُلطانه يطول) 2
(ده إلهي معايا.. وفيه الحماية) 2
(وده وحده المسؤول) 2
1- (تنجي عبيدك في وسط الأتون
تطبطب عليهم ده قلبك حنون) 2
(ولو زادت نيرانه.. أنا بلقى أمانه) 2
ييجي يدفي قلبي ويهدم ظنون
2- (لا هيرودس يخوِّف ولا بابل تقوم
حتى نبوخذنصَّر عرشه مش هيدوم) 2
(ملكوتك دهأبدي.. سُلطانك ده أزلي) 2
ساكن في الأعالي الحي القيّوم
3- (سيسرا ومركباته اللي من حديد
فرعون ويَّا جيشه مع فكره العنيد) 2
(أنا بعلن إيماني.. ولا أصدَّق عياني) 2
وأماني في سترك وسلامي أكيد
4- (حتى في وسط سجني هتفك القيود
وتحل المشاكل وتسكّت أسود) 2
(مفيش رب غيرك.. أنا عايش في خيرك) 2
وبروحك ساندني وبالبركات بتجود

1-(بارفع راسي لفوق لساكن السما
قلبي مليان بشوق مجد وفرحة وغِنى)2

القرار- (انت راعي وصالح العادل و الأمين
قلبك يغفر يسامح ينادي المأسورين)2

2-(عند رجليك اتعلم يا سيد الأكوان
وعلى لساني تتكلم يا صانع الإنسان)2
3- (عند صليبك باشوف يسوع فادي الخطاة
ينزع من قلبي خوف و يمنحني الحياة)2

1-(إزاي هايجيني نوم وأنا في بحر الهموم
غرقان مش شايف شطي وإزاي هاقدر أعوم)2

القرار- (لكن شايفك ع المية في إيديك طوق النجاة
عايز تجذبني ليك تمنحني معاك حياة)2

2-(وإزاي سفينتي توصل حتى لبر الأمان
محتارة أجدف ولا أستسلم للأحزان)2
3-(وإزاي يارب هاقدر أنسى ماضيَّ اللي فات
وسفينتني خلاص بتغرق وحياتي يا دوب ساعات)2
4-(لحظة ما شُفت نفسي غرقان في بحر الموت
شفت نهايتي بعيني وصرخت بأعلى صوت)2

القرار- [(من يوم ما عرفته وملاني
بسلام وأفراح ويا أغاني)2
(طمِّن قلبي على أيامي)2
إنه معايَ طول المشوار]2

1-(ده ستر كل عيوبي وغفر لي ذنوبي)2
(خد حكمي وإدَّاني خلاصه مجاني)2
وقال لي امضِ بسلام
2- (من بعد الأحزان خلّاني فرحان)2
(وهمومي أنزاحت وحياتي أرتاحت)2
شال عني كل الأحمال
3-(ده رفعني بإيديه فوق على منكبيه)2
(الرب راعيَّ ومسيَّج حواليَّ)2
مهما كانت الأخطار
4- (ده ضمن لي الأبدية في مدينة سماوية)2
(الرب يسوع هيمسح كل دموع)2
وأنا مستني مجيئه الآن

1-(قدِّس ربي أعماقي دوافعي
وحياتي تكون طاهرة نقية
يبقى الظاهر زي الجوهر
وصورتك ربي تظهر فيَّ)2

القرار- وجه قلبي لفعل رضاك
وأعمل كل مسرة قلبك
(مش كلمات أو شعر أشواق
لكن أحيا حياة تشهد لك)2

2-(اتحكم في كل أموري
وقود ربي دفة عمري
فعل إرداتك هو سروري
ولا يخالف أمرك أمري)2
3-(نوَّر عيني بوجهك دايمًا
لما يسير قدامي يريح
ولا راح أخطي بدونك أبدًا
حتى إن كان طريقي مريح)2

1- (عايز أحبك بجد مش بالقول والكلام
ولا يبقى في قلبي حد أبقي لك بالتمام)2
(ده أنا ياما قلت إني بحبك وقلبي مش معاك
وياما شهدت عن حبك والفكر بعيد هناك)2
والفكر بعيد هناك
2- (عايز أرنم وأعيش كل الكلام اللي أقوله
والفرحة ما تنتهيش في الغربة الليل بطولة)2
(ده أنا ياما هتفت بلساني وقلبي بينزف دموع
والضعف في قلبي قساني وعشش بين الضلوع)2
وعشش بين الضلوع
3- (عايز أدوب في الكتاب وأعيش بين السطور
وأرتاح أنا من عذاب البعد والفتور)
(ده أنا ياما مسكته بأيديَّ وما حسش قلبي بيه
وياما قريته بعينيَّ وما عشتش باللي فيه)2
وما عشتش باللي فيه

القرار - أطمِّن خايف ليه ده ناقش اسمَك على كفِّيه
طول ما أنت ماسك في إيديه أطمِّن
عندُه للموت مخارِج ما هوّ الأسد الخارج
غالِب وها يِفضل غالِب أطمِّن

1- على الموج العالي بيِمشي وكمان المرضَى بيِشفي
يِدِّي وبالنِّعمة يكفِّي ويسدِّد الاحتياجات
في البحر يشُقّ طريق يتمَجِّد وَسط الضِّيق
وأمَّا الأحوال بتضِيق يِجي ويِصنع قُوَّات

2- ضابِط كلّ الأكوان وبرُوحُه في كلّ مكان
وبيِدِّي سلام وأمان للِّي بيتعلَّق بيه
في الرَّحمة مالُهش مثيل وفِداؤه ده هُوّ دليل
عن حُبُّه لكلّ ذليل غالي ومحبوب في عينيه

3- في الحرب يحارب عنَّا لما بنصـرُخ له «أعِنَّا»
في الأزمة قُريِّب مِنَّا ولا يعرف مستحيلات
إبليس قدَّامُه مَرعُوب وباسم يسوع مَغلوب
وإحنا بدمّ المصلوب مَضمون لينا انتصارات