جوزيف جمال (66 ترنيمة )

1- (جاني الوحش بكل دهاء شنّ الحرب في شكل وباء) 2
(أنا اليمامة في إيد الراعي) 2 عنده في وسط الأزمة رجاء
القرار - قام خدني في حضنه الدافي طبطب.. ماهو وحده الشافي 2
(بحق العهد دهبي نجيني)2 (ويدِّيني حلاوة من الجافي) 2
2- (مرّة صديقي سابني وراح صرت وحيد في آلام وجراح) 2
(أنا اليمامة في إيد الراعي) 2 ما هو جايب ليَّ الأفراح
3- (ظلم الناس مسّ الأوتار غدروا ونكروا بقيت محتار) 2
(أنا اليمامة في إيد الراعي) 2 ليَّ معاه أحلى الأخبار
4- (سنّوا لسانهم قالوا كلام عشت الكدبة والأوهام) 2
(أنا اليمامة في إيد الراعي) 2 يظهر برِّي ويدِّي سلام

القرار- انهض قوم قوم ممتدَّة ليك الحياة
انهض قوم قوم يترَد ليك اللي تاه

1- ( تترد نفسك إليك وتصد يأسك ايديك )2
وتمد فاسك ده ليك الأرض يلّا
2-( اصعد للسما كصقر عرّض جناحك بفخر )2
واترك غناوي القهر و انشد لله
3-( مجِّد اسم الإله وحِّد روحك معاه )2
ده الغد مليان حياة تشهد لله

(قولي ايه شاغل بالك .. و مخليك مش مطَّمِّن
وبتشتكي دايماً حالك .. و بتحسبها و بتخمن؟)2
(شكلك كده ناسي إلهك .. ناسي وعوده وكلامه
و إختبارات الماضي معاه .. يلا اطلب منه سلامه)2
2- (قولي فين فرحة قلبك؟ .. ليه واخداك الدوامة؟
ليه شايل دايماً همك؟ .. راحت فين الإبتسامة؟)2
(شكلك كده ناسي إلهك .. مشغول أوي أوي بظروفك
أو عندك شك في حبه .. قوم صلي وإهزم خوفك)2
3- (قولي ليه خايف قلقان؟ .. مش مستمتع بحياتك
بقالك على الحال ده زمان .. فين تسبيحك وصلاتك؟)2
(شكلك كده ناسي إلهك .. ناسي إنه معاك في الضيق
هايمشيك فوق الأمواج .. أو يفتح في البحر طريق)2
4- (قولي ليه مشغول بالناس؟ .. بتراقب كل تصرف
وبقيت على طول كدة حساس .. بقيت غريب أوي متكلف)2
(شكلك كده ناسي إلهك .. اللي طبع فيك بصماته
خلقك على صورته وشبهه .. عشان تحيا بنفس حياته)2

1- التسبيح بيليقْ بجلالك والأشواق كلها رايحة لك
والأذهان ولا يوم تنسى لك عظمة إيدك في الأعمال
كل الكون ويا المسكونة والأرض لحبك مديونة
دي محبة قلبك مضمونة لا بتتغيَّر ولا تتشال

القرار- (كل الفرح إن احنا خليقتك سر وجودنا نذيع تسبيحك
وإرادتك لينا ومشيئتك نِملى الكون أنغام تسابيحك)2

2- لما نفكر إيه ها نقُول نلقى لساننا فاض على طول
شكر وحمد وسبح يطول وف سيرتك تحلى هتافاتنا
ولساننا يكتب بمهارة ويترجم أشواق محتارة
ويقدم لك أحلى عبارة ويفضل وصفك فوق عباراتنا
3- وبتَسبيحنا نشبِع قلبك وقلوبنا تشبع من حُبك
ميِّزتنا وبقينا من شعبك وجهك بيسِير ويريحنا
ف نهارنا تيجي بسحابة وف ليلنا نارك متسابة
في الحيرة تبقى لنا إجابة وبتهدٍينا وبتفرَّحنا
4- اسمك فوق كل الأسماء تخضع لك كل الأشياء
قادر تصنع أحلى إناء من أعظم خاطي وشرير
مابيصعَبش عليك صُعوبات ومخارجَك حتى في ممات
وتغيَّر لينا الأوقات ما القدرة في إيدك يا قدير

1- (الغنوات اللي بتشهد لك .. الموهوبة في لمس الروح
هي صدى الكلمات من فمك .. زارت قلبي في وقت النوح)2
لما قبلتها شبعت نفسي .. طردت عجزي وخوفي ويأسي
حلت ليَّ طلاسم أمسي .. صبح الجاي معاك مشروح
2- (علم الحب مرفرف فوقي .. وقت لُقانا في بيت الخمر
يشبع حسنك لهفة شوقي .. مايدة تدوم طول العمر)2
وأنا ساجد بالروح قدامك .. وأنا بأتدفى بضيّ كلامك
لما بتغمرني بسلامك .. وتمس الشفتين بالجمر
3- (شقيت وقت السبي بلمسك .. نهر سباحة مالوش نهايات
أدهشتني ببلاسم همسك .. أجبرتني أسبح في سكات)2
وأنت عرفت الداير فيَّ .. كاشف فكري وكل ما بيَّ
كونك فاهم دمع عينيَّ .. وفر على فمي الكلمات
4- (أنا مأسور بالحب ولكن .. أنت لوحدك ليك الأسر
ابنك هنا في العالم ساكن .. حر وطاير زي النسر)2
وأنت مجدد ليَّ شبابي .. شايل عن قلبي الأتعاب
كاسر هيبة كل سراب .. و مشيني في موكب نصر

القرار
(أنا ليك أنا مش لغيرك
يا يسوع ومكمِّل معاك
أنا ليك عايش في خيرك
ونجاحي طول ما أنا وياك)2

1- (مخلوق لغرض سماوي
ع الأرض أعيش وأرضيك
من قلبي بقول وناوي
ومفاتيحي مسلمها ليك )2

2- (مخلوق فاهم مشيئتك
الصالحة على حياتي
فرحي جوه شريعتك لو
حتى الصعب آتى)2

3- (مخلوق هدفك أمامي
أعيش ع الأرض سفير
رؤيتي واضحة قدامي
ولا يشغلني التعيير)2

4- (مخلوق ليَّ إخواتي
عيلة عايشة الملكوت
ومبادئك نظام حياتي
ومعاك حياة مش موت

1- (ماتتذمرش على الحالة وع الصحة اللي أنت فيها
ماتتذمرش دي ياما ناس وسط المرض مش بتلاقيها)2

القرار- (ارفع عينيك لفوق قول له يارب أشكرك
والحالة لو بتسوء ما تخليهاش تكسرك
صحي إيمانك فوق خلي الإيمان ينصرك ماتتذمرش)2

2-(ماتتذمرش لما تلاقي الاِحتياج سايب مرارة
ماتتذمرش الله أمين بيرعى أولاده بمهارة)2
3-(ماتتذمرش على حال بلادك مها كان فيها ظلام
ماتتذمرش اقبل وصلي اطلب لها يسود السلام)2

1- (قدِّس ربي أعماقي دوافعي
وحياتي تكون طاهرة نقية
يبقى الظاهر زي الجوهر
وصورتك ربي تظهر فيَّ)2

القرار- وجه قلبي لفعل رضاك
وأعمل كل مسرة قلبك
(مش كلمات أو شعر أشواق
لكن أحيا حياة تشهد لك)2

2-(اتحكم في كل أموري
وقود ربي دفة عمري
فعل إرداتك هو سروري
ولا يخالف أمرك أمري)2
3-(نوَّر عيني بوجهك دايمًا
لما يسير قدامي يريح
ولا راح أخطي بدونك أبدًا
حتى إن كان طريقي مريح)2

1- (راح أندم ع اللي فات ثواني أو ساعات
أيام أو سنين ضاعت في الشهوات)2

القرار- (أنا راجع محتاج محتاج نظرة وعلاج
محتاج لك يا معين تعطيني كل اِحتياج)2

2- (راح أنسى الإهانات وهمومي والآلامات
والتعب والأنين والحزن والآهات)2
3- (راح أرفض اللذَّات والشهوة وحب الذات
والشوق والحنين للجسد والرغبات)2

1-(عمر عِشته قبل منك تايه في دروب الحياة
ريشة طايرة في الهوا مش عارف ليَّ اتجاه)2

القرار- (رد لي بهجة خلاصك خليني أعرف سكتك
روحي ترجع ليَّ تاني و اختبر محبتك)2
و اختبر محبتك

2-(عمر عِشته قبل منك مش عارف ليَّ طريق
ابتسامتي ضايعة مني وعايش من غير صديق)2
3-(عمر عِشته قبل منك أسير قيود حطمتني
عيني تبكي وقلبي ينزف والخطية دمرتني)2