سامح عبيد (79 ترنيمة )

1- اللي بيقدر يغفر هو .. اللي بيشفي من جراحاتي
ويكللني برحمة ورأفة .. وبيفدي من الحفرة حياتي
زي يوحنا باحب أميّل .. على صدر يسوع اللي فداني
هو طويل الروح وحنيّن .. و بيشبع بالخير أيامي
القرار - كل ما فيَّ يبارك اسمه الرب اللي مفيش في صفاته
أنا بارفع إسمه و باسجد له أنا مانساش أبداً حسناته
2- مجري العدل وهو النصرة .. لما باكون مظلوم وباعاني
بيشيل همي ويبعت فرحة .. تسكن قلبي مكان أحزاني
و كبعد المشرق من المغرب .. أبعد عني جميع معاصي
من رحمته قلبي بيتعجب .. ده وعدني بحياة أبدية
3- على خائفيه دايماً يترأف .. ومخافته تبدد لي مخاوفي
من السموات بيبص وشايف .. احتياجاتي وداري بضعفي
عارف إني تراب وبيرسل .. إيده القادرة تشيل ضعفاتي
هو بدمه الطاهر يغسل .. كل شرور عمري وشهواتي

هل يعقل إن الله ياخد صورة إنسان
إنه يعيش عالأرض فقير غلبان
أو إنه يموت ويا ريته يموت موتة عادية
إنه يموت مجروح ملعون متهان
أفكار الله غير أفكارنا فكرنا في حكمته فاحترنا
واخترنا نقول له مش فاهمين ونقول له عايزين نتعلم
ولأنه عظيم ولأنه عجيب كل عمايله بحكمة وترتيب
إحنا قصاده جهلة وعايزين نسمع أكتر ما نتكلم
في حاجات تخلي الفكر يشت يكون حيران
في حاجات مابيقبلهاش العقل وبالإيمان
وبروح ربنا نقدر نفهمها ونقبلها
هل يعقل إن الله يحده عقل الإنسان

1-نور المسيح يقدر يبدد أي ليل
إيد المسيح بترفع الحمل التقيل
هو الإله ومفيش معاه شيء مستحيل
ولا أمور مستعصية

القرار- بيحبنا ولو الصلاة من قلبنا
يعطف علينا ويستجيب ويجيب سعادة وتعزية
ده ربنا سامع صلاتنا كلنا
زي أما كان سامع زمان لصلوات الأنبياء

2-ده بالصلاة الرب يصنع معجزات
وبالصلاة تتحل كل المشكلات
كل الهموم كل الدموع والتنهيدات
بتبقى ذكرى ماضية
3-سلم وممدود للسما
لرب الوجود بيها سلامنا
اللي اتسرق تاني يعود
أيوة الصلاة بتنجّي من جُب الأسود
ومن الوحوش المؤذية

1-(راكعلك ومَحني مدرايني كسوفي وجرمي آسرني ملوّث كـفـوفي)2
راجعلك وقلبي بيصرخ بـذنبي بيندب سنيني وقسوة ظـروفي

القرار – (خـليني ليك ومعاك أعـيـش أنسى عمري اللي ما يـسـاويش)2
ألملم جروحي وأغذي في طموحي وآمـن بـرب مابينـسانـيـش

2- باصصلك ودمعي ملازم خدودي و باسأل : يا فـرحـة امتى تعـودي؟
تعـالى يا سيـدي ودوِّب أنـيـني بقـوة حـنانـك جـدد عهودي
3- جايلك وقلبي خاطي وعايب توّبني ليـك أنا قلبـي دايب
احضـن بإيدك ابنك حبيـبك أرجوك سامحني أنا جاي تايب

القرار – (كله خير حتى لو زاد الألم ويا الهموم
كله خير حتى لو ماقدرتش أمشي في يوم وأقوم)2
1- (كله خير حتى لو ضاع كل شيء من بين أيديَّ
كله خير حتى لو ضاقت أموري يارب بيَّ)2
هارفع عينيَّ وأشكي اللي بيَّ وأقول ياربي .. كله خير
2- (أنت نوري حتى لو راح مني مني نور عينيَّ
أنت فرحي حتى لو جف نبع الفرح فيَّ)2
أنت ليَّ يسوع فاديَّ معاك هلاقي .. كله خير
3- (قلبي راضي بكل شيء تسمح لي أنت يارب بيه
حتى لو ضاق الطريق مش هاقول أزاي وليه)2
كل اللي هاقوله اليوم بطوله معاك ياربي .. كله خير

1- حكاية قديمة متعادة خطايايَّ بقت عادة
ولا فيه فرحة وسعادة ولا راحة لضمير موجوع
وهي يعني دي شوية أروح للموت برجليَّ
ليه أكسب متعة وقتية عشان أخسر حبيبي يسوع
ماباعملكشي خاطر ولا حتى باقدرك
باغامر بيك وأخاطر ماباخفشي إني أخسرك
2- وتُوبي بإيدي دنسته وقلبي بشري لوثته
وقلبك ياما حسسته بقسوة كتير وخيانة
وسايباك نفسي ومفارقة وأقول عادي وماهيش فارقة
حاببني حتى في الفرقة وقابلت الحب بإهانة
3- حنين بس أنا قاسي فاكرني بس أنا ناسي
تخرج مني أدناسي أحن وأروح أناديها
تعالَ بروحك أحييني وعيد من تاني تكويني
ذنوبي نار بتكويني ومحتاج لك تطفيها

(هـلا أتيـت لقلبي الرقيق أو تـنشـلني من كهفي السحيق؟)2
تسيل أدمعي وتبكي لكربي أتحنُ عليَّ وتـنـزع ضيـقـي
(وسط انهياري يخبو الرجاء يخـتنق وسـط ظلامي الضياء)2
يجـول يبحث ليجد منفذ ويركض ويعدو وليس من عزاء
القرار – (فسِتري في قلبك وأماني في دربك يا قوتي وصخرتي آتـي إلى حبك)2
(آتـي بحزنـي وأبغي العِناق فمـن سـواك يبـدل الإخفـاق)2
فأنت تخرج من مُري حلوًا ومرآك ربـي أعظـم تِـريـاق
(نفسي الراجية تأتي بانكسار تستغيث بك مـن ويـل المـرار)2
هل تُعينهـا وتنصـتُ لها هل تطلقـهـا وتحطـم الجـدار؟
(وطني عندك والأرض مريرة أنـا هـنا وأبغاك فيـاللحـيرة)2
ليـس لي أمتعـة ولا ذهب وأفتدي الوقـت فالأيـام شريرة
(فلتـأتي يا رجائـي بقوتك فحيـاتي لا شيء دون محبتك)2
وقلبي التائب يصـرخ إليك يترجى عطفك ويستعطف رحمتك

1-الشعب اللي إلهه فداه
وبدمه من الموت نجاّه
إزاي هايسيبه وهاينساه
اطمنوا أوي ماتخافوش
ده يسوع مش سايب شعبه
شايف عارف داري بتعبه
بيقوّيه ويداوي متاعبه
والأخطار بإيديه بيحوش

القرار- لو زاد على كتفنا حملنا نشكر ربنا
لو حزننا كتَّر دمعنا نشكر ربنا
لو راحوا حبايب مننا نشكر ربنا
بنرنم بقلوب مؤمنة نشكر ربنا

2-بتقوم ياما علينا حروب
و اللي بيحتمي ف المصلوب
دايماً غالب مش مغلوب
وإلهه أبداً ماسابوش
بيعين اللي في شدة لجأ له
ويطمن قلب المحتاج له
وبيسمع للي بينده له
افتكروا عجائبه ما تنسوش
3- حد يخاف و إلهه يسوع!
بالنسبة لنا الخوف ممنوع
هو المن في وقت الجوع
والشعب على إيديه منقوش
إمتى نسينا عشان ينسانا؟
كل سنين العمر معانا
لو عِشنا له أكيد بأمانة
نقدر نهزم أي وحوش

1-(هو اللي ناداني ورجَّعني
وأنا عمري ما ف مرة ناديت له
بص عليا وقال اتبعني
أنا سيبت اللي في إيدي وجيت له)2
عمري ما كان يخطر على بالي
إن يسوع هايغيَّر حالي
وإنه هايبقى حبيبي الغالي
وذنوبي هاتكون مشطوبة
أول حب حقيقي بقابله
أيوة ما عيشتش قبل ما أقابله
أيامي اللي كانت قبله
دي من عمري مش محسوبة

القرار – هو اللي ناداني وأنا سمعت لِنداه
فتح أبوابه تاني ورجَّعني لسماه
والحزن اللي ملاني صبح أفراح معاه
كان العالم مالكني بقيت مِلك الإله

2-(من بين الشوك اللي خانقني
جِه جرّح نفسه ونجاني
ما هو أصل عشان هو خالقني
يقدر يِصنعني من تاني)2
هو بدمه غافر إثمي
هو في كفه حافر اسمي
من كتر حنانه محسسني
إن مافيش في العالم غيري
ده بيرعاني وبيحرُسني
وأنا وياه ولا شيء ينقصني
بالنعمة كافيني مخلصني
ومعوَّض ضعفي وتقصيري

1- سامحني يا سيدي و اعفو عنـي بعـدت أيـوة و تـايه لكـنّـي
مشتاق لصوتك يشفي لي ضعفي وأرجع في حضنك تاني وأغنـي

القرار – (طالـب معونة منك يا أبويا بإيدين حنونة تكفكف دموعي
يا حبيب وأقرب ليَّ من أخويا افتح إيديك واشبع لي جوعي)2

2- رفضتك وسيبتك بجهلي وغباوتي وجاني حنانـك فتّت قساوتي
ضمّتنـي ليـك توّبـت قلبي وهداني صوتك طمن لي حيرتي
3- بدونك أضيع ويزيد شرودي مكاني فيك يا معنى لوجودي
ثبّت جذوري في تربة خصبة تنمِّي براعمي تجمِّل ورودي