سامح عبيد (79 ترنيمة )

القرار- خلّي حياتي عطاء ومنح خلّي حياتي نور وملح
عايز أختفي وشخصك يبان وأنقص أنا وتزيد كمان
بتدي خير وأنا باتشكِر وأنا ما أستاهلش أي مدح

1- (خليني أكون مصباح بيضوي في الطريق
وصوت بيدوي في الفضا وطوق نجاة ينجد غريق
حضن ومكان الفضفضة)2
مش بس أجيلك وأخدمك وقت الفراغ وقت الفضا
أنا عايز أحيا أنا عمري ليك وأدل كل الناس عليك
وسامحني كنت باعيش ناسيك (فيما مضى)2

2- ( أنا بين إيديك وشوف هاتعمل بيَّ ايه زمن الكسل راح وانقضى
أنا هاعمل اللي تقول عليه وأموت لو الأمر اقتضى)2
علشان أرجّع للحظيرة خراف كتير متشردة
أرجوك ساعدني يا يسوع أدّي العُصارة للفروع
وأساعد الناس ع الطلوع (م المصيدة)2

1- دايمًا واخد بالك منا ...وبتحرسنا وتأمنا
إنت وجودك بيطمنا ... وياك لا نخاف ولا نتهدد
وعينيك طول العمر علينا ... وحامينا وبتعتني بينا
وعشان إنت موجود فينا ... الأحزان بتسيبنا وتبعد
القرار
عايز أقولك ... كتر خيرك
ده مافيش زيك ...ومافيش غيرك
عايز أقولك كتر خيرك يا يسوع
يا حبيبي مافيش غيرك
دايمًا بمحبة تعاملنا ... مهما عملنا بتستحملنا
ياما كتير قوي عنك ملنا ...وبننساك وإحنا في تفكيرك

2- بتحبني أكتر ما باحبك ... وأبعد بس مكاني في قلبك
وأما أرجع لك تفتح حضنك ... أعند وأبعد وأرجع تغفر
شلت صليبي كأنه صليبك ... وأنا لسه بابعدوباسيبك
عايز أقدر إني حبيبك...خليني أبطل أخون وأغدر

1- (أنا عايش ليه .. وعايش بيه
وطول حياتي أنا محمي فيه كل السنين
لا باقول له ليه ..ولا أقول له إيه
أنا بعمل اللي يقول عليه وباقول آمين)2

القرار- آمين: علشان مصدق مش شاكك
آمين: الله بيرعى ومبارك
وآمين: واثق في إن يسوع
يقدر يوجد لي في الصعب مسالك
آمين: علشان معايا وجوايا
آمين: ف صليبه أنا ليَّ حماية
وآمين: لأني سايب له إيديَّ وعنايته بحياتي كفاية

2- (ما بقيتش أخاف .. أنا قلبي شاف
نور المسيح راعي الخراف ربي الأمين
سندي الشديد .. سيدي الوحيد
وسلامي فيه مضمون أكيد .. وباقول آمين)2
3- ( ده مش إعتياد ..ده إيمان وزاد
ما أنا ويسوع ما احناش بعاد وده عن يقين
وف كل يوم..أول ما أقوم
بابدأ صلاتي بشكر وأنهيها بآمين)2

1-( بيشدد قلبي ويرفعني من فخ الصياد يحميني
ولو اتسد قصادي طريقي بيشق البحر يعدّيني)2
ولا باخشى من خوف لياليَّ ولا من سهم يطير حواليَّ
أصل عينيه سهرانة عليَّ وفي ضل جناحه يخبيني

القرار- (يصنع العجايب ويحقق المحال وأنفاسه تزلزل أساسات الجبال
يفتح يمينه يشبع المحتاجين ويمد يده يمسح الدمع اللي سال)2

2-( الرب اللي بدمه فداني دايماً جنبي وبيعزيني
بادعيله بيسمع لدُعايا وبيغمر بالنعمة سنيني)2
بيثبِّت خطوات رجليَّ وبيحفظني ويعتني بيَّ
وفي وسط جفاف البرية من قلب الصخر بيرويني

القرار- (أرفع عينيَّ أزاي يارب وأبص لك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء)2

1- (ولوخدتني خطيتي ووقعتني في حبها
أبص للحب اللي جابك عالصليب)2
وألقاك مقرب ناحيتي وجاي تاخدني منها
تخرجني من جوفها المضلم والكئيب
وأفضل أشكر فيك وأقول
أرفع عينيَّ أزاي ياربي وأشكرك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء
2- (ولما ضعفي شدني لحفرة تانية في الطريق
تكفيني منك نعمتك أقوى وأقوم)2
وألقاك في ضعفي سندتني
وأما أندهك من قلب ضيق
تنقلني إيدك وأعلى بيك فوق الهموم
وأفضل أمجد فيك وأقول
أرفع عينيَّ أزاي ياربي وأمجدك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء

1- أنا روحي بردانة في حضنك اتدفت ولما دفة مركبي تاهت ناديتك وصلتني بر الأمان
أفراحي دبلانة من الهموم جفت ولما تعبت روحي جيت يا رب بيتك حسيت براحة وبحنان

القرار - أمراضي خفت وحمولي خفت وطردت من قلبي التعب مابقيتش أعاني
أمراضي خفت وحمولي خفت وماضي أحزاني انشطب وفرحت تاني

2- معاك يا رب سفينتي توصل برها ما إنت الوحيد مالك زمامها وأمرها
ومهما موج البحر خدها وجرها تلقى المواني
3- نفسي اللي تاهت جوة عالم غرها اغفر لها ذنوبها وبدد شرها
ياللي معاك نفسي بتلقى لعمرها أحلى المعاني

1- (سيبني يا حزن يا هم روح ليَّ إله
عنده دوا لكل الجروح عنده حياة)2
عندي إيمان زيك يا نوح هاينجي فُلكي من المياه
وهاروح معاه لشط النجاة وحياتي دايماً بين إيديه مترتبة

القرار : وقت المشاكل والهموم المتعبة وقت المخاوف والرياح المرعبة
جوه الألم والتجربة بالمح إيديه الطيبة
وحتى لو جوه الطوفان مابخافش أنا أبداً عشان
يسوع في قلب المركبة

2- (يا سفينتي يا متحوطة بكومة صخور
يا سفينتي يا متخبطة أنا مش هاخُور)2
خطواتي مش متلخبطة في العتمة أنا بامشي في نور
في الدوامات أنا مش بادور نفسي على كل الصعاب متغلبة

1- كان ليَّ ناس من قلبي كانوا قريبين على راحتي وياهم اوي وحنينين
كنا بنوحش بعض مش لو فات يومين لو فات على بعادنا يا دوب حبة ساعات


القرار - أيام جميلة .. خدوها وياهم وراحوا أيام طويلة .. وقلبي مستحمل جراحه
لكن يا قلبي لو صحيح مش موجودين ربنا موجود وعنده تعزيات


2- بيمد ايده يشيل دموع المجروحين ويمد جسر الفرح للقلب الحزين
بيه هاكتفي ده حبيب وفي وصديق أمين وهو هايعوضني عن كل اللي فات
3- و انت ماسكني يا ربي من إيدي اليمين يا ربي وانت معايا أنا هاحتاج لمين
تهرب هموم قلبي وأتعاب السنين أول ما باجي جوه لسترك وأبات

1- تختفي الأحزان في قربك ... يتشفي القلب اللي حبك

القرار- لو هموم سايدة وزايدة ... والحلول مش جايبة فايدة
انت بتنجي وتنقذ يا معين
تتعفي الروح اللي ملكك ... من عقوبتها وديونها
الديون انت دافعها ... والحمول انت رافعها
والصلاة بتستمعها ... والنفوس بتشيل همومها


يا معين يا معين ارحم حبايبك ... يا يسوع إظهر عجايبك
خلي كل الدنيا تعرف أنت مين

2- مين يارب ياخدنا منك؟ ... ولا مين يفصلنا عنك؟
ياللي شارينا بدمك ... ياللي حاططنا في عيونك
وبعينك انت حارسنا ... راعي وبتحرس نفوسنا
صون بيوتنا وكنائسنا ... مش هانتطمِّن بدونك

3- يتمحي ويخلص مرارنا ... يمشي ليلنا يعود نهارنا
طول ما فوق عتبة ديارنا ... دمك المرشوش علامة
بالعلامة دي خلاصنا ... بالصليب رفعت راسنا
وإن أسود جات تفترسنا ... الصليب هايكون حمانا

1-ســــــــــــــــامحني
(بعدت عنك سنين طويلة
إبليس راسم لي دنيا جميلة)2
خطيت بدمعي صك الخطية
وكتبت خاطية ما بيدي حيلة

القرار – (وصــرخت ليــك
تعالَ خدني من عذابي
نــــاديت عليـــــــــك
تعبت مني بعدي وغيابي)2
وفي يوم وليلة خبط بابي
ورجعت نادمة ونفسي ذليلة
إيدك فدتني روحك نادتني
مباقتشي تاني شاردة وعليلة

2-(تعبتني خطايا العمر كتير
ومشيت في طريق مفروش بحرير)2
ضحكت لي الدنيا أوقات بكتني
وفي خطة رمتني على جمر أسير
3-غيرت حياتي بسلامك
ورجعت أتكلم بكلامك
مباقتشي بعيد دوقت المواعيد
ورجعت أعيش وياك يا حبيب