سامح عبيد (79 ترنيمة )

(يا عم يا فلاح اصحى قبل النهار ما يفوت
هامل الأرض ونايم والزرع نشفان بيموت)2
و آدي الخريف هالل و رياحه قوية
ولو الثمار ماتت هاتخدها الرياح وتفوت

1- مش صدفه إن أنتِ معايا أصل ده رباط تعويض
أصل ده تتميم مواعيد ترتيب رباني لينا
الوحدة بقى لها نهاية بعد صلاة وصوم وسنين
الرب بعتلي معين دي وعود الرب أمينة

القرار- أنا باشكر ألف مرة على اختيار الرب ليَّ
دي قيمتك عندي تفوق كل اللآلئ والجواهر
أنا باشكر ألف مرة الرب وباعاهدك بحبي
وباصلي بيتنا يبقى منور دايماً بيسوع وطاهر

2- اللي مجمعنا الليلة ونده للفرح يعود
حاضر بينّا وموجود وإيديه ماسكة بإيدينا
أيامنا الجاية جميلة وبعيده عن الأحزان
بيسوع هانعيش ف أمان ما هو مالي الدنيا علينا
3- كل اللي الرب جمعهم ما تفرقهمش الناس
وأنا وأنتِ بقينا خلاص واحد ويسوع تانينا
واللي يسوع يبقى وسطهم بيعيشوا ف خير مضمون
وأنا باطلب منه يكون ساكن في البيت قبلينا

1- اللي بيقدر يغفر هو اللي بيشفي من جراحاتي
ويكللني برحمة ورأفة وبيفدي من الحفرة حياتي
زي يوحنا باحب أميل على صدر يسوع اللي فداني
هو طويل الروح وحنين وبيشبع بالخير أيامي

القرار- كل ما فيَّ يبارك اسمه الرب اللي مافيش في صفاته
أنا بارفع اسمه وباسجد له أنا مانساش أبدًا حسناته

2- مجري العدل وهو النصرة لما باكون مظلوم وباعاني
بيشيل همي ويبعت فرحة تسكن قلبي مكان أحزاني
وكابعد المشرق م المغرب أبعد عني جميع معاصيَّ
من رحمته قلبي بيتعجب ده وعدني بحياة أبدية

3- على خائفيه دايمًا يتراءف ومخافته تبدد لي مخاوفي
م السماوات بيبصوشايف احتياجاتي وداري بضعفي
عارف إني تراب وبيرسل إيده القادرة تشيل ضعفاتي
هو بدمه الطاهر يغسل كل شرور عمري وشهواتي

1- (من حبك للعالم جيت مُت عشانا يا رب بقيت)2
شايل عارنا دقت مرارنا رجعت نهارنا وخليت
أحزاننا تهرب وتدوب

القرار –عايش أنا في العالم أيـوه والعالم مش عايش فيَّ
قلبي اتعلق بالمصلوب
وبحب العايشين في العالم لكن باكره كل خطية
لا متعة تغريني ولا طيوب

2- (ما بحبش عالم هايزول وطني السماء وتملي باقول)2
لو حبيت العالم هاشقىَ هابقى عدو الله ... معقول!
ده أبويا الغالي المحبوب
3- (عالم فاني وكله حروب واللي يحبه يعيش مغلوب)2
و قلوب التائبين بتسيبه وتروح للي جعلها تتوب
تشبع بكلامه المكتوب

القرار
مابقتشِ مجر دبني آدم لا
ده أنا ابنه الغالي عليه
ملح الأرض ونور العالم
هيكل روحه بيسكن فيه
أنا فرحان وأحلو زماني
من بعد الله ما أتبناني
ده رفع من قيمتي وعلاني
عز ما كنتش أحلم بيه

1- بيحبني وبيعتني بيَّ زي ما قال
اللي يمسني مسُّ عينيه
فوق الأذرع الأبدية أنا متشال
أنا مطمن وهاخاف ليه
2- الشوك اللي بيوجع فيَّ خلاه زال
ومسيج حوليَّ بإيديه
هو عطوف مليان حنيه
هو ما زال ناقش اسمي على كفيه
3- بيشيل عني كل خطية والأحمال
بارميها قدام قدميه
ده وهب ليَّ حياة أبدية وراحة بال
وهاعوز أكتر من كده إيه

(تقول يهوذا يكتبوا في الخيانة ديوان
بزيف الوش ويا الغش يتحكموا بسلطان)2
(وتوب البر اللي لابسينه مالوش معنى
ده كم من يهوذا في ضمائرهم لكن ما يبان!)2

1- لما البيوت قفلت بيبانها في وشه
مجوه الشوارع راحوا يبنوا عشهم
عصافير وأي غراب في إيده
يغشه ميخطف برائتهم وياكل لحمهم

القرار
(يا رب دول في رعايتك
أنت وبين إيديك
ومستحيل يا رب منك يتنسوا
أصل الحنان والحب كله يا رب
فيكل و حتى كل الناس قسوا)2

-2فاتح بيبانك لو بيباننا اتقفلت
ورحمتك بأنفسنا ياما اتكلفت
وعينيك ولا نعست في يوم ولا
غفلت اسهر عليهم لو يناموا وينعسوا

3- أنت الأمل والضي في الليل الغمي
وأنت النجاة والبر في البحر الغريق
ووحش أحزاننا يكون حر وطليق
أنت الوحيد بتلجمه وبتحسبه

1- (بافضل ساجد قصادك وتطول السجدة بيَّ
أنا واحد من ولادك! ده كتير جداً عليَّ)2
إيه في العالم يساوي حب أبويا السماوي
أنا خدت قرار وناوي
مش هاحيا غير عشانك
ولا هامشي غير وراك

القرار- (علشان جوايا حبك عايش باطلب رضاك
وباحب أقعد في قربك و احكي عنك معاك)2

2- (باتذكر احساناتك على مر سنين طوال
و اسرح في جمال صِفاتك يا بارع في الجمال)2
أنا حبيتك عشان حبيتني من زمان
علشاني بقيت مُهان
علشاني رميت تيجانك
وفديتني من الهلاك

1-(انت النور اللي بيهديني وسط ظلام الليل
بمراحمك انت بتغنيني إن كان زمني يميل)2
شبعان بيك دايماً شبعان ولو ليلي طويل
عارف إن إيديك هاتقُودني وصوتك ليَّ دليل

القرار – ياللي إدّيت لحياتي معاني دايماً أرنم ليك
حفرت في قلبك لي مكاني وحملي رميته عليك
قلبي بيسجد ليك بهتاف ياللي بلمسة إيديك
جددت حياتي وخليتني متطمِّن أنا بيك

2-(إن كان مجد العالم باطل مجدك انت يدوم
كنزك ليَّ أمان وسلام فرحي في أي هموم)2
ياللي بإيدك تمسح دمعي وتمحي أي غيوم
ليك المجد في كل حياتي مجدك يوم ورا يوم

1- (حليت الصعب المتأزم عزيت كل اللي بيتألم
الكل بيشهد ويرنم ويقول عنك حكايات)2

القرار - كل اللي اتقابل وياك واللي أخد منك لمسات
اتبارك بالوقفة معاك بسلام وبتعزيات

2- (قوّمت لعازر وحييته ونداء الأعمى لبيته
والأعرج بإيديك خليته يجري مليان هتافات)2
3- (المكروه انت حبيته والعشار روحتله بيته
والمنبوذ زورته ومليته بالنعمة وبالبركات)2
4- (وده مش زمان و عدّى ده بيحصل للنهارده
آيات وشفاء لمرضى وعجائب ومعجزات)2