أسامة صلاح (34 ترنيمة )

١- كان في تسع رجالة غيري
عندنا مرض اسمه البرص
عايزين علاج .... ومفيش علاج
قولنا ضاعت كل الفرص
من بعيد شُفنا يسوع
رحنا صرخنا وقولنا ارحمنا
رد وقال روحوا للكهنة
وإحنا رايحين قام طهرنا

القرار
هاشكر ربي في كل وقت
مش هانسى اللي عمله عشاني
لما صرخت إليه وندهت
طهرني من تعبي شفاني

٢-ولما لقيت نفسي اتشفيت
قلت أرجع من غير ما أفكر
ماعندي حاجة ....دي اقل حاجة
إني أجيله أسجد وأشكر
سأل وقال فين الباقيين
ليه مرجعوش تاني معاك
أنت الغريب وأنت اللي جيت
علشان كده غُفرت خطاياك

١- (خمستلاف راجل وعياله وكمان ستات
مع يسوع فوق الجبل بيسمعوا
وكله مشغول بصاحب المعجزات
وقت الغدا عصافير البطن صوصوا)٢
ومفيش الأكل اللي يكفي علشان يشبعوا

٢- (المكان مفيهوش غير سمكتين وخمس خبزات
مع ولد إداهم ليسوع يمكن ينفعوا
والكل بيسأل هيكفوا إزاي آلافات
يسوع شكر وتلاميذه وزعوا)٢
وبعد ما الناس شبعوا اتناشر سلة اتملوا

٣- (باسبحك ده ليك إنت بقدم ربي الموهبة
تقبلها يا يسوع وتبارك وبتعمل بيها معجزة)2

١- (قصة من زمان قديم قالها يسوع واضحة وصريحة
عن واحد من أورشليم كان نازل رايح لأريحا)٢
(وهو مسافر تحصل حاجة طلعوا عليه حبة حرامية
ضربوه وأخدوا كل حاجة وفلوسه حتى الجلابية)٢

القرار
(هافضل أسبح رب المجد علشان هو إله رحيم
يفرح لما بنرحم بعض وفرحه فينا بيكون عظيم)٢

٢- (جريوا وهربوا بعد العلقة أصلها كانت علقة موت
وسابوا صاحبنا مدلوق دلقة مش طالع منه ولا صوت)٢
(وبعد شوية كاهن عدّى لكن شافه وما ساعدوش
وواحد لاوي شافه وهدّا راح ماشي كأنه ما شافوش)٢
٣-(والمرة دي عدّى عليه سامري فعلاً كان صالح
اتحنِّن وفِضِل يداويه من غير ما يفكر في مصالح)٢
(وعلى حماره أخده وجابه لأقرب فندق كان في طريقه
ودفع عنه كل حسابه وكأنه صاحبه وصديقه)٢

في يوم من الأيام
كان يسوع قاعد في بيت
بيقول ليهم أحلى كلام
كان بيعلم بالحواديت
والناس زحمة لحد الباب
والطريق ليسوع مقفول
جه وقتها أربع أصحاب
ومعاهم صاحب مشلول

القرار
باشكر ربنا على أصحابي
اللي معايا وبيحبوني
علشان همَّ كمان أحبابي
لما أحتاجهم بيساعدوني

حاولوا يخشوا وما عرفوش
من الزحمة الدخول ممنوع
طلعوا السطح وما اتكسفوش
حفروا حفرة من فوق يسوع
نزّلوا واحدة واحدة صاحبهم
قدام يسوع علشان يشفيه
ويسوع شاف فيهم إيمانهم
راح شفاه من اللي فيه
والراجل قام واتنطط
أصل جسمه ما بقاش ضعيف
روّح فرحان ومزقطط
شايل سريره اللي كان خفيف
ناس كتير كانت ومذهولة
وفضلوا يسبحوا ربنا
مستغربة بتقول "معقولة؟!"
دي أول مرة تحصلنا

كانت حوالي الساعة ستة والكل قاعدين في البيوت
لكن واحدة ليها خطة إنها تخرج وقت السكوت
خارجة رايحة تملا مية من بير أبونا يعقوب
متدارية علشان خاطية وسلوكها ده مش محبوب
في الكتاب اتكتبت قصتها علشان منها نتعلم
والسامرية دي شهرتها غيَّرها أعظم معلم

هاسبح ليك يلي قابلني بكل ما فيَّ
هاسبح ليك ياللي بتغفر كل خطية
هاسبح ليك بكلامك غيَّرت حياتي
هاسبح ليك وهاكلم عنك إخواتي

ويسوع كان عند البير اللي راحتله السامرية
واتفاجئت بطلب خطير عايز يشرب من المية
واليهود والسامريين مش بينهم أي معاملة
ردت عليه بكلمتين لو عندك جردل املا
بص وقال لو تعرفيني كنتي طلبتي مني المية
باديها للي بيجيني تجري فيه أنهار حية

وفضل يتكلم من قلبه ويقولها على حكايتها
وهي عمالة تجاوبه ومعاه حست براحتها
عرفها إن العبادة لازم تكون بالروح والحق
مش كلام كله إعادة لكن أكون في الله بالزق
عرفت إنه مش حد عادي ده اللي هايفدي الجموع
خرجت تشهد وتنادي تعالوا شوفوا يسوع

مرة واحد أعمى قاعد يستعطي من الناس
وبيطلب يحنّوا عليه ويعطوه فضة ونحاس
يمر اليوم زي اللي قبليه
ضلمة وحزن مافيش مين يداويه
(كان سامع عن يسوع إنه شفى من الجموع)2
من الناس اللي حواليه
واتمنى يشوف الرب ويمر من جنبيه
واتمنى يشوفه الرب ويفتّح له عينيه
راح اليوم وجه اليوم ومر جمع غفير يمشوا من حواليه
راح اليوم وجه اليوم اللـي فات جــنبيه اللي هايفتحله عينيه
(وصرخ قال يا ابن داود ارحمني)٢
قال له يسوع روح إيمانك قد شفاك
والأعمى قد أبصر وتبع الرب هناك
مرة واحد أعمى قاعد يستعطي من الناس
ومر يسوع بين الجموع وشفى بارتيماوس

1- (ينابيع بركاتك ما بتنشفش والصعبة معاك ما بتصعبش
وفيض إحسانك ما بتمنعش والقلب بوعدك ما بيضعفش)2
القرار - دي إيديك تشفي كل الجروح ونسيم فرح معاك بيفوح
في حضورك كل حزني يروح أفراح وياك في ملئ الروح)2
2-) وكل ما نطلب تسمع لينا من كل ضيقاتنا بتنجينا
بإنات الروح تشفع فينا خيرك أضعاف بتعطينا)2
3- (ولو تتزلزل الجبال ده وجودك يمحي كل محال
ولو في يوم رجانا مال بتنجي وتحيّي كل أمال)2

القرار - هللوا سبحوه عظموه مجدوه
للحمل المذبوح الذبائِح قدموا

1- (ده اللي وعدنا خير ورحمة دايمًا معانا ليل ونهار
ده اللي حافظنا وبيطمنَّا ده إلٰهنا يسوع البار)2

2-) أجمل راعي بحب كبير قدم نفسه فَدا القطيع
علا مقامنا قام قومنا لأنه قدير مش ها نضيع)2

3-) لما نقول له: أنت ملجأ وإحنا فيك بنحتمي
يحفظنا من شر ووبأ ونجري لحضنه نرتمي)2

4- لو العدو كنهر جانا وبالخوف يربكنا
ده إلهنا نفخه منه بتمحيه وتنقذنا)2

1-) علشان يا رب حبك خلاص شق الحجاب
بقي لينا الحق ندخل وفتحت لينا الباب)2

القرار - (هنتواصل بدون فاصل في الحضرة يا قدوس
ونتحاجج ونتصالح ويحلي لنا الجلوس)2

2- (علشان أنت لينا راعي بتحامي عن الخراف
تنادينا باللاسامي وتحملنا على الكتاف)2

3- (علشان أنت خبز السماء ندخل قدسك ونشبع
ونلاقي فيك ارتواءنا لما قلوبنا بتخضع)2

4-) علشان صرنا بنين بعد ما كنا عبيد
تكشف لينا عن أسرارك وتأخذنا لعمق جديد)2

لما في يوم النبع يجف ولا زاد ولا مية في إيديَّ -1
والألم لو زاد ولا خف نبع سلامك ساكن فيَّ
وأنا عايش. عايش بالوعد

القرار - وعد إلهي بيملى كياني وبيحيي كل عظامي
وبيخلق من العدم وبيبني اللي اتهدم
وأنا عايش عايش بالوعد

ولو البحر وقف قصادي وحلقي مرار لصعوبة الأمر -2
أسمع صوتك ليَّ ينادي مد عصاك واعبر بالنصر
وأنا عايش. عايش بالوعد
وإن حسيت بالضعف ملاني وإن يوم شفت الموت بعينيَّ -3
مش ممكن يهتز كياني ده إيماني على صخرة قوية
وأنا عايش. عايش بالوعد
لو جت مرة الكل سابوني ما أحسبش عليهم لوم -4
ده إلهي سندي ومعيني ورجايا في إلهي يدوم
وأنا عايش عايش بالوعد