كل الترانيم بالكلمات (10847)

1-(انت النور اللي بيهديني وسط ظلام الليل
بمراحمك انت بتغنيني إن كان زمني يميل)2
شبعان بيك دايماً شبعان ولو ليلي طويل
عارف إن إيديك هاتقُودني وصوتك ليَّ دليل

القرار – ياللي إدّيت لحياتي معاني دايماً أرنم ليك
حفرت في قلبك لي مكاني وحملي رميته عليك
قلبي بيسجد ليك بهتاف ياللي بلمسة إيديك
جددت حياتي وخليتني متطمِّن أنا بيك

2-(إن كان مجد العالم باطل مجدك انت يدوم
كنزك ليَّ أمان وسلام فرحي في أي هموم)2
ياللي بإيدك تمسح دمعي وتمحي أي غيوم
ليك المجد في كل حياتي مجدك يوم ورا يوم

1- (انت بتغفر وأنا بتمادى وأغرق جوه شروري زيادة
وإن قلت كفاية وبزيادة أرجع تاني أحن لضعفي)2

القرار- (أعمل إيه ... في اللي أنا فيه ... لما أوعد مش بأقدر أوفي؟
أنا ندمان ... أنا تعبان ... يا يسوع محتاج إيدك تشفي)2

2- (آه من أوجاعي وأحزاني بارجَع لك وأبعد من تاني
وعشان كده راحتي مخصماني والأفراح مابقتش في صفي)2

3- (مد عصاك يا يسوع أدبّني يمكن بالطريقة دي تجيبني
أنا عارفك تقدر تعاقبني بس انت بتقدر و بتعفي)2

١- سمعت كتير عن الإله وإن عندك الحياة
كلام ألحان وعظات ترانيم الغاز
بمثل إني حاسس بيك وأنا مش عارف إنت مين
وحاسس إني عنك لسه بعيد

القرار- هو إنت بعيد ولا جنبي أنا عايز أحس بيك
نفسي أشوفك دورت عليك كتير
هل ينفع تبقى لي صديق هل ينفع أبقى ليك؟
أمسك إيدي ووريني الطريق.. عرفني بيك

٢- سمعت إنك إله حنان وإن عندك السلطان
إنك تقدر تغفر للأثيم
هل عارف إن إثمي كبير؟ هل لسه بتوعد بالتغيير؟
تقدر تمحي ماضي الأليم

٣- سمعت إنك إله مهوب وكاشف كل ما في القلوب
وتعرف اللي محدش عارفه عني
إزاي قابلني من غير شروط ؟ وحبك لي مالوش حدد
إزاي راضي باللي في تقبلني ؟

1- إنت تقدر تقول لعازر .. قم هلم خارجًا
إنت تقدر فالمس قلبي .. فيعــود ســالمًا
إنت تقدر فقل كلمة .. يشفى بها غلامي
أطــأ السدود أمامي .. وأسجد عندك يا أبويا
القرار- أنت تقدر ما انت مالك الملـوك
فيك أنا أقدر أمشى فوق قممي وشوكي
فيك إيماني واتكال قلبي عليك
وافتخاري فيك وحدك يا يسوعي
2- أنت تقدر تشفي نفسي .. من جروحها ومن ماضيها
ياللي خالقها بإيديك .. إنت طلبتها وما ليها
تؤمر البحر يرضيك .. فالمس النزف بإيديك
أجري كالطفل عليك .. وارتمي في حضنك يا أبويا

1- انت جندي يسوع البــــار أوعى تكون غرقان في النوم
صحصح و أعرف أن عــــدوك حربه معاك طول اليـــوم

القرار- (لما تحس انك مهزوم وإنك خايف من الشيطان
اعرف إنه يسوع موجـود بيقويك و عليك سهـــــــــــران)2

2- اوعى تقول أنا لسه صغير بص وشـــوف داود إزاي
لما جه جليات راح قـاله بقوة ربــــــــي ليك أنا جاي
3- اوعى عدو الخير يغريك عن أوقات الصلاة بحَاجـات
علشان يسحب كل سلاحك تبقى وحيد من غير قــوات

القرار- أنت حر إذا كنت في المسيح
محتمي في جنبه الجريح
ها يعلا صوت النصرة والهتاف والتسبيح

1- في المسيح فيه حرية انكسر نير الخطية
ما بقاش فيه عبودية لعدو كل بر
2- لو كنت لشيء مأسور وبالخطية مكسور
تعالَ للمسيح ها تغلب كل الشر
3- من غير ما تعدي حدود وتقول ها كسر سدود
أو تعمل شيء مرفوض علشان تبقى حر

القرار - (لما قالوا لي عندك خلاصي خُفت أجيلك لأني خاطئ)2
أما الآن انت حبيبي ... أما الآن انت نصيبى
(انت حقيقة مُش خيال)2

1- (قالوا لي الإله ربْ المجدْ ... جه للأرض في صورة العبدْ)2
(قالوا لي حَبْ الخاطئ الأثيم ... ومات عنه لأنه رحيم)2
2- (قالوا لي دمك يحررني ... ويشفيني و يبررني)2
(قالوا لي قوة يسوع فيَّ ... ومافيش غيره وحده فاديَّ)2
3- (قالوا لي يسوع في السماء ... يشفع فينا عند الآب)2
(قالوا لي بروحه القدوس ... تتجدد كل النفوس)2

-1-
(انت حقيقي إله حنيِّن ... كل أحزاني تشيل وتهَوِّن
لما بَبْعِد انت تقرَّب ... كل أنيني تزيل وتطمّن)2

القرار- أيوة باحْكي عنك وباقُول انت ربي
كل أفراحي منك وحدك ساكن قلبي

-2-
وانت العالي بقيت إنسان ... علشان تقرَّب مني كمان
لما باخطِئ عليَّ بتصبر ... وترجّعني بكل حنان
-3-
مسئول عني في كل أحوالي ... أنقذتني وضمنت حياتي
عن مجدك جيت واتنازلت ... لأنك انت حاسس بأحوالي
-4-
وفتحت لي أبواب السماء ... فزت بكل سعادة وهَناء
بفضل آلامك انت يا ربي ... وعايش بفضل حُبك هِنا
-5-
للأقداس دخلت بدمّك ... صرت أبويا وبقيت ابنك
صالحتني وكمِّلت خلاصي ... وسمحت لي أقرَّب منك

1- (انت حمايا في زمن الضيق وانت معايا حبيب وصديق)2
ليَّ عزايا ساندني كفاية حاسس بيا وجنبي رفيق
(حتى في وسط دموعي باغني ما هو انت يا إلهي رافِعني)2
والأزمات تبقى اختبارات وأكمل وانت اللي ضامني
2- (ليَّ كلامك نور وسراج وحمايتي قصاد الأمواج)2
سيفي وعودك ترسي حضورك سور حواليَّ وأعلى سياج
(حتى في وسط الحرب باغني ما هو شخصك بتحارب عني)2
والصعوبات تبقى انتصارات وأكمل وانت اللي ضامني
3- (بيك راح أعدّي كل ظروف يحفظني سلامك في الخوف)2
وارفع قلبي وأناديك ربي إحسانك بعينيَّ باشوف
(حتى في وسط ده كله هاغني وأستناك تيجي تشجعني)2
والآلامات تبقي ابتسامات وأكمل وانت اللي ضامني

1- (انت دايمًا عينيك عليَّ وفي وقت بعدي وفي ترحالي
في وقت ضعفي في وقت حزني وقت ضيقي وفي أشجاني)2
(أراك حبيبي ترد نفسي تعزي قلبي تملا كياني)2

القرار- انت حلو انت طيب انت غالي
انت ربي انت إلهي كل أمالي

2- (انت حصني في كل تجاربي وفي حروبي وفي أتعابي
وقت خوفي من ظروفي وقت ديني وفي احتياجي)2
(أراك يسوعي تفُك أسري تعلّي رايتي وتكون سلامي)2

3- (انت دايمًا عينيك عليَّ وقت فرحي وفي نجاحي
وقت نوري بتنير طريقي وقت نومي وفي أحلامي)2
(أراك ربي ضامن لي عمري وغمرت قلبي بالأمجاد)2