رمزي بشارة (88 ترنيمة )

1- حكاية قديمة متعادة خطايايَّ بقت عادة
ولا فيه فرحة وسعادة ولا راحة لضمير موجوع
وهي يعني دي شوية أروح للموت برجليَّ
ليه أكسب متعة وقتية عشان أخسر حبيبي يسوع
ماباعملكشي خاطر ولا حتى باقدرك
باغامر بيك وأخاطر ماباخفشي إني أخسرك
2- وتُوبي بإيدي دنسته وقلبي بشري لوثته
وقلبك ياما حسسته بقسوة كتير وخيانة
وسايباك نفسي ومفارقة وأقول عادي وماهيش فارقة
حاببني حتى في الفرقة وقابلت الحب بإهانة
3- حنين بس أنا قاسي فاكرني بس أنا ناسي
تخرج مني أدناسي أحن وأروح أناديها
تعالَ بروحك أحييني وعيد من تاني تكويني
ذنوبي نار بتكويني ومحتاج لك تطفيها

1- لو شيء على بالي خطر خلاني حسيت بالخطر
ولو لقيت الهم زاد والمشكلات زي المطر
باندهك وأصرخ إليك .. من قلب خوفي اللي انتشر
باندهك .. وأطلب إيديك .. تفك قلبي اللي اتأسر
وألاقيك سامعني وأحس بيك .. وألاقي خوفي مالوش أثر
لما أندهك

القرار- لما أندهك تنزع مخاوفي من الجذور تزرع في قلب ظلامي نور
وتصلح الشيء اللي جوايا انكسر
لما أندهك أرتاح من الهم الكبير وأشعر بفرح ما لوش نظير
من عندك إنت يا يسوع مش من البشر لما أندهك

2- بافرح بإثمي اللي اتغفر بافرح باسمي اللي اتحفر
في قلب كفك يا يسوع وبماضي بالحب اتستر
باندهك يملاني خير .. لا اتعد مرة ولا اتحصر
يندهك قلبي الضرير .. فترد له تاني البصر
قلبي اللي عاش مهزوم أسير .. لو تسكنه يبقى انتصر
لما أندهك

1- (اللي بإيديه جابلنا يتشال فوق الكفوف
واللي بنعمة كاسينا كان بالقماط ملفوف)2
وده شيء فاق العقول معقول مين كان يقول
طفل وساجد قصاده ربوات وألوف ألوف
القرار- (ده يسوع أبدي وأزلي مولود قبل الدهور
ده يسوع الله الكلمة وولادته نور من نور)2
مولود قبل الدهور وولادته نور من نور
2- (طبيب أرواحنا جانا جيه وإدانا الأمان
من أمراضنا شفانا من خطايانا كمان)2
جانا والحية داسها كسر بصليبه راسها
ده وعد اتقال زمان تم في ملء الزمان
3- (وعشان هو إلهي اللي مالهوش حدود
وعشان هو إلهي خالق كل الوجود)2
مالي الدنيا بضياه ومنين ما بروح بلقاه
كان مالي الكون بحاله وجوه المذود مولود

1- يا أرض دجلة والفرات... بنصلي ليكي
طالبين سلام السماوات ... يكون ماليكي
كفاية يا أحزان خلاص طالبين نجاة طالبين خلاص
سكت يا ربي ... صوت الرصاص

القرار- بدموع يا يسوع بنصلي ونترجاك جايين طالبين
رافعين إيدينا لعلاك هذا العراق بين إيديك
أرضه وشعبه في حماك
2- في هذا العراق ... خلصت دانيال يا قدير واتنجى من جب الأسود
وفى العراق ... نوح ابتدا يبني السفينة بأمر من رب الجنود
نجينا من جب الهموم شعبك بدمك احتمى
ابعت لنا فلك النجاة اللي يوصل للسما
3- في هذا العراق ... جنة عدن اللي سكن آدم وحوا في أرضها
وفي العراق ... نادى يونان لنينوى والرب أنقذ أهلها
خليها ترجع جنة تاني فيض عليها بسلام وخير
واقبل توبتنا يا إلهنا بيك يا رب بنستجير

1- (دايماً يا يسوع في بالك من غير ما نفكرك
نندهلك تيجينا ولا شيء بيأخرك)2

القرار - (عمانوئيل الله معنا حاضر وسطينا بيسمعنا
بدلت حياتنا للأفضل وبقى لنا معاك قيمة ومعنى)2

2- (تدخلنا لحجالك تدعينا لمحضرك
ننظر مجدك وجمالك يسوع يا أعظم ملك
3- (نتغير لكن انت ثابت في محبتك
مهما ظروف جات تحنينا واثقين في كلمتك)2

1- تُهت وعِشت العمر ناسيه ينده لي وماهتمِش بيه
وأما تعبت ندهت عليه شال عني الحمل اللي تعِبني

القرار- (مد إيديه للأرض وجابني قال لي باحبك ارجع يا ابني
أيوه أنا سبته أيوه نسيته ويسوع ولا يوم واحد سابني)2

2- قلبي تراب الشر عاميه حُب العالم عايش فيه
جه يغسل قلبي ويشفيه ريَّحني إلهي وطيِّبني
3- أنا حبيت العالم ليه؟ هو العالم ده فيه إيه؟
بيزول هو وكل ما فيه بامسِك فيه و ألاقيه بيسِيبني

1- مابقاش في قلبي أي خوف من بعد ما تعودت أشوف .. إيديك محوطاني
سانداني في كل الظروف طيب أوي انت وعطوف .. خيرك بيملاني

القرار- (شيلتني .. ده كتير أوي انت شيلتني وفي خوفي جيت طمنتني .. نورت أيامي
معتني .. بيَّ يا يسوع وتحبني ولا جيت في يوم سيبتني .. ولا يوم بتنساني)2

2- وياك دوا لكل الجراح والضيقة تتحول براح .. وتسيبني أحزاني
هافضل كده مسنود عليك سايب حياتي بين إيديك .. ياللي بترعاني

القرار - رحت الكنيسة عشان قالوا لي صاحبي مات
لاقيت صحابنا كلهم متجمعين
وفضلت أقول لو عمري مر قوام وفات
ومُتّ كنت هاروح لفين؟
1- بصيت على عيون اللي كانوا في الكنيسة وجدتهم
عيون حزينة الدمع نازل منهم
بعد الصلاة اتفرقوا وكل واحد راح طريق
في الدنيا ضاعوا تاهوا نسيوا كلهم
2- زعلنا حبة وبعد حبة نسينا كل اللي جرى
لكن هانعمل إيه لو إحنا يا ترى
كنا مكانه ملفوفين بقماش في صندوق من خشب
والتوبة دي متأجلة ومتأخرة؟

1-(هو اللي ناداني ورجَّعني
وأنا عمري ما ف مرة ناديت له
بص عليا وقال اتبعني
أنا سيبت اللي في إيدي وجيت له)2
عمري ما كان يخطر على بالي
إن يسوع هايغيَّر حالي
وإنه هايبقى حبيبي الغالي
وذنوبي هاتكون مشطوبة
أول حب حقيقي بقابله
أيوة ما عيشتش قبل ما أقابله
أيامي اللي كانت قبله
دي من عمري مش محسوبة

القرار – هو اللي ناداني وأنا سمعت لِنداه
فتح أبوابه تاني ورجَّعني لسماه
والحزن اللي ملاني صبح أفراح معاه
كان العالم مالكني بقيت مِلك الإله

2-(من بين الشوك اللي خانقني
جِه جرّح نفسه ونجاني
ما هو أصل عشان هو خالقني
يقدر يِصنعني من تاني)2
هو بدمه غافر إثمي
هو في كفه حافر اسمي
من كتر حنانه محسسني
إن مافيش في العالم غيري
ده بيرعاني وبيحرُسني
وأنا وياه ولا شيء ينقصني
بالنعمة كافيني مخلصني
ومعوَّض ضعفي وتقصيري

-1 أناهاتحمل وياك الضيقة لآخرها
ومعونتك مش هازعل أبدًا من تأخيرها
نفسي عارفة إن ده كله هايبقى لخيرها
هاستحمل مهما الضيقة تطول

-2فيه باب مفتوح وسط الأبواب المقفولة
والمايلة مسيرها بكره هاتبقى معدولة
ليك حكمة ويمكن بالنسبة ليَّ مجهولة
بس أنا عارف شدة وهاتزول

3- ضيقة ومسيرها تنتهي وشدة هاتزول
أيوب صبر وشوف نتيجة صبره إيه
وكله للخير مهما يحصل بس قول:
ربنا موجود وسيب حملك عليه

4- زمن الضيقة بيطول تقدر على تقصيره
وتنسيني وبتشفيني من تأثيره
جبل الهم إنت اللي بتقدر على تكسيره
وبتدي سلام فاق العقول