رمزي بشارة (88 ترنيمة )

1- (أنا مش قادر خد شيل عني تعبان مليان بالآلامات
وباركني وبلاش تلعنّي أصل أنا مش ناقص لعنات)2
القرار- أنا مين أنا غير شجرة تين واللي يقرب لي يلاقيني
ورق أخضر ياما مغطيني بس مافيش جوايا ثِمار
أنا مين أنا غير شجرة تين عريان عشان شري كاسيني
أنا خجلان وكسوفي ماليني يا يسوع أنا حاسس بالعار
2- (ارحمني دهأنا كلي خطية ومافيش حاجة كويسة فيَّ
في ذنوبي غرقان يا يسوع أتحنن قول كلمة
خلّي الغصن يعود للكرمة أنا ميت دبلان أحييني بروحك يا معيني)2
3- (كتر ثمري وزوده ليَّ تلاتين أو ستين أو مية عايزك فيَّ تبان
وأأمر بالبركة على أرضي عايز دايمًا يا يسوع أرضي قلبك بالإيمان
وأكون عبد صالح وأمين)

1- (خدود كتيرة م الدموع صبحت مندّية
ولما تسألهم يا ناس ليه الدموع ديه)2
يقولوا كنا مع المسيح ونفوسنا مفدية
وأخدنا حرية وكمان جنسية سماوية
وسبنا كل العز ده علشان حاجات زايلة
وكمان مالهاش أمان ومابتسواش

القرار – (بلاش يا صاحبي تسيبه بلاش
ماتبعش دمه الغالي بلاش)2
كام حد ضاع لأنه باع
فكر هيحيا ومات مش عاش

2-(وياللي دمك كان ثمن غالي اندفع فيَّ
ما إن كنت مسبيوأنت جيت دفعت لي الدية)2
أنا عايز أجيلك مد لي جسر ومعدية
موضوع رجوعي ليك أنا واخدة بجدية
مليت أعيش محروم كده من تعزيات من إحسانات
أنا من زمان ماحسيتهاش

القرار- خلّي حياتي عطاء ومنح خلّي حياتي نور وملح
عايز أختفي وشخصك يبان وأنقص أنا وتزيد كمان
بتدي خير وأنا باتشكِر وأنا ما أستاهلش أي مدح

1- (خليني أكون مصباح بيضوي في الطريق
وصوت بيدوي في الفضا وطوق نجاة ينجد غريق
حضن ومكان الفضفضة)2
مش بس أجيلك وأخدمك وقت الفراغ وقت الفضا
أنا عايز أحيا أنا عمري ليك وأدل كل الناس عليك
وسامحني كنت باعيش ناسيك (فيما مضى)2

2- ( أنا بين إيديك وشوف هاتعمل بيَّ ايه زمن الكسل راح وانقضى
أنا هاعمل اللي تقول عليه وأموت لو الأمر اقتضى)2
علشان أرجّع للحظيرة خراف كتير متشردة
أرجوك ساعدني يا يسوع أدّي العُصارة للفروع
وأساعد الناس ع الطلوع (م المصيدة)2

1- ياللي فاكرني وأنا ليك ناسي يا يسوع حنّن قلبي القاسي
نادي عليَّ يارب وجيبني .. توبني
ياللي معاك بتخف آلامي عايز أعيشلك طول أيامي
من قلبك يا يسوع قربني .. توبني

القرار - قلبي بيصرخلك يا معيني ريحني ده الشر تاعبني
باترجاك يا يسوع علّيني فوق شهواتي اللي بتغلبني

2- أنا شايلك في القلب وجايلك عارف أفضالك وجمايلك
ياللي أنا سيبتك ولا بتسيبني .. توبني
اغفر واستر كل عيوبي كرهني في شري وذنوبي
وفي وصاياك يا يسوع حببني .. توبني

1- دايمًا واخد بالك منا ...وبتحرسنا وتأمنا
إنت وجودك بيطمنا ... وياك لا نخاف ولا نتهدد
وعينيك طول العمر علينا ... وحامينا وبتعتني بينا
وعشان إنت موجود فينا ... الأحزان بتسيبنا وتبعد
القرار
عايز أقولك ... كتر خيرك
ده مافيش زيك ...ومافيش غيرك
عايز أقولك كتر خيرك يا يسوع
يا حبيبي مافيش غيرك
دايمًا بمحبة تعاملنا ... مهما عملنا بتستحملنا
ياما كتير قوي عنك ملنا ...وبننساك وإحنا في تفكيرك

2- بتحبني أكتر ما باحبك ... وأبعد بس مكاني في قلبك
وأما أرجع لك تفتح حضنك ... أعند وأبعد وأرجع تغفر
شلت صليبي كأنه صليبك ... وأنا لسه بابعدوباسيبك
عايز أقدر إني حبيبك...خليني أبطل أخون وأغدر

القرار- (أرفع عينيَّ أزاي يارب وأبص لك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء)2

1- (ولوخدتني خطيتي ووقعتني في حبها
أبص للحب اللي جابك عالصليب)2
وألقاك مقرب ناحيتي وجاي تاخدني منها
تخرجني من جوفها المضلم والكئيب
وأفضل أشكر فيك وأقول
أرفع عينيَّ أزاي ياربي وأشكرك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء
2- (ولما ضعفي شدني لحفرة تانية في الطريق
تكفيني منك نعمتك أقوى وأقوم)2
وألقاك في ضعفي سندتني
وأما أندهك من قلب ضيق
تنقلني إيدك وأعلى بيك فوق الهموم
وأفضل أمجد فيك وأقول
أرفع عينيَّ أزاي ياربي وأمجدك
وأنا عيني منك محرجة
لكنّي جاي عشمان وطالب رحمتك
وليَّ في وعودك رجاء

1- أنا روحي بردانة في حضنك اتدفت ولما دفة مركبي تاهت ناديتك وصلتني بر الأمان
أفراحي دبلانة من الهموم جفت ولما تعبت روحي جيت يا رب بيتك حسيت براحة وبحنان

القرار - أمراضي خفت وحمولي خفت وطردت من قلبي التعب مابقيتش أعاني
أمراضي خفت وحمولي خفت وماضي أحزاني انشطب وفرحت تاني

2- معاك يا رب سفينتي توصل برها ما إنت الوحيد مالك زمامها وأمرها
ومهما موج البحر خدها وجرها تلقى المواني
3- نفسي اللي تاهت جوة عالم غرها اغفر لها ذنوبها وبدد شرها
ياللي معاك نفسي بتلقى لعمرها أحلى المعاني

1- تختفي الأحزان في قربك ... يتشفي القلب اللي حبك

القرار- لو هموم سايدة وزايدة ... والحلول مش جايبة فايدة
انت بتنجي وتنقذ يا معين
تتعفي الروح اللي ملكك ... من عقوبتها وديونها
الديون انت دافعها ... والحمول انت رافعها
والصلاة بتستمعها ... والنفوس بتشيل همومها


يا معين يا معين ارحم حبايبك ... يا يسوع إظهر عجايبك
خلي كل الدنيا تعرف أنت مين

2- مين يارب ياخدنا منك؟ ... ولا مين يفصلنا عنك؟
ياللي شارينا بدمك ... ياللي حاططنا في عيونك
وبعينك انت حارسنا ... راعي وبتحرس نفوسنا
صون بيوتنا وكنائسنا ... مش هانتطمِّن بدونك

3- يتمحي ويخلص مرارنا ... يمشي ليلنا يعود نهارنا
طول ما فوق عتبة ديارنا ... دمك المرشوش علامة
بالعلامة دي خلاصنا ... بالصليب رفعت راسنا
وإن أسود جات تفترسنا ... الصليب هايكون حمانا

القرار-(ماتعولش الهمّ وماتخافشي ربنا موجود
ده إلهك حي ما بينامشي ومالهوش حدود)2

1- (اتطمِّن روح لطبيب الروح ده الباب مفتوح بابه مش مسدود
وياريت تنادي له ولما تجي له الشوك هايشيله وهايبقى ورود)2
ربك موجود
2- (يا طوباك يا هناك طول ما هو وياك عايش جواك وعليك بيسود
خليه مسؤول عنك على طول والهمّ يزول والفرح يعود)2
ربك موجود
3- (لو ماسك فيه ومسلِّم ليه والعمر عليه دايماً مسنود
شرَّك يمحيه خوفك يداريه على طول تلاقيه جنبك موجود)2
ربك موجود

1- (سيبني يا حزن يا هم روح ليَّ إله
عنده دوا لكل الجروح عنده حياة)2
عندي إيمان زيك يا نوح هاينجي فُلكي من المياه
وهاروح معاه لشط النجاة وحياتي دايماً بين إيديه مترتبة

القرار : وقت المشاكل والهموم المتعبة وقت المخاوف والرياح المرعبة
جوه الألم والتجربة بالمح إيديه الطيبة
وحتى لو جوه الطوفان مابخافش أنا أبداً عشان
يسوع في قلب المركبة

2- (يا سفينتي يا متحوطة بكومة صخور
يا سفينتي يا متخبطة أنا مش هاخُور)2
خطواتي مش متلخبطة في العتمة أنا بامشي في نور
في الدوامات أنا مش بادور نفسي على كل الصعاب متغلبة