رمزي بشارة (88 ترنيمة )

1- دي آبار مشققة دي آبار مافيهاش مياه
لكن يا يسوع في نبعك مية بتوهب حياة
ونسيبك ليه بقى وإنت يا يسوع إله
بالخير بتروي شعبك وبتغفر للخطاة
2- يا يسوع كام ألف مرة عدينا بوقت صعب
وشربنا مية مرة علشان سبناك يا رب
وبنرجع لك نلاقي حبك يا إلهنا باقي
بتقول ليكوا اشتياقي وفي حضنك نهر عذب
3- يا يسوع صخرة حياتنا قادر تملاها زرع
قادر لو يوم عطشنا تخرج من الصخرة نبع
على طول سهران علينا مشغول يا إلهنا بينا
وإيديك تلمس عينينا وبتمسح أي دمع

1- أنا ساعة لما باحس بضيق أو مركب عمري بيبقى غريق
ألجأ ليسوع بيفرحني وينجيني
أنا ساعة لما باكون تعبان أو لما باقاسي من الأحزان
ألجأ ليسوع بيريحني ويعزيني


القرار - وأطير بروحي للفضا ويؤون أوان الفضفضة
وأحكي ليسوع كل الهموم وألاقي حزني خلاص مضى


2- أوقات أحتاج لكن مالاقيش أطلب والناس بتقولي مافيش
ألجأ ليسوع ويمد إيديه وبيغنيني
3- ده إلهي حنون طيب وعطوف وأنا لما باحس برعشة خوف
ألجأ ليسوع وياخدني لحضنه يخبيني

1- مجداً ليسوع المسيح جهزنا الزيت للمصابيح
أصل الرب لعرسه دعانا وشوية ونروح داخلينه
امتى هاييجي؟ مالوهشِ ميعاد لكن احنا على استعداد
وقت ما ييجي يسوع يلقانا بنفكر فيه ومش ناسِيينه

القرار- (منتظرينه .. منتظرينه احنا بشوق مستنينه
يمسح مننا دمعة عيننا ويجمّع شعبه على يمينه)2

2- مش ناسيين وهاننسى ازاي إنك قلت في يوم أنا جاي!
انت لآخر الدهر معانا وده شيء حاسينه و لامسينه
لكن جاي تاخدنا معاك وتسكنّا في قلب سماك
تبقى في بيت الآب ويانا ده الأمل اللي احنا عايشينه

1- موجود أزلي ومن قبل الوجود
ولا ليك بداية أو حدود
أبدي وليك كل الخلود
موجود مولود
من قبل تأسيس الأكوان
ولما جه ملء الزمان
أصبحت من العدار كمان مولود
القرار- (بتحبنا وعشان كده جيت أرضنا
عرشك عظيم مجدك ما يوصفهوش كلام)2
وفي قلب مزود يا ملك الملوك رضيت تنام
علشان تنجي جنسنا بتحبنا بتحبنا
2- معقول وده شيء يفوق كل العقول
مريم تكون عذراء بتول
شيء لو نفكر فيه نقول
معقول مجهول
سر وسؤال مالهوش جواب
البكر تقدر على الإنجاب
وحزقيال قال أن الباب مقفول

ارحمني ارحمني شيل عني حمولي وريحني
ارحمني ارحمني أنا خاطي وباطلب تسامحني
عالم ولازم اللي بيحبه يعاني
واللي بيشرب منه يعطش من جديد
والراحة عندك يا يسوع ولا حد تاني
يرويني ويخليني دايماً أكون سعيد
سايب شروري وعتمتي وخطيتي
وجاي مشتاق للنهار مشتاق لشخصك
قوم ضمني أرجوك تقرب ناحيتي
أنا جايلك واخد قرار إني أعيشلك
يا إلهي ياللي بالمحبة تملّي بادي
ورحمتك دايمة إلى آخر الدهور
قدام جلالك باعترف أنا من الساعة دي
ملكك يا ربي وضلمتي حولها نور

1-(مش هننزل عينينا عن شخصك يا رحوم
غير لو رضيت تقوم وتتراءف علينا وتشيل عنّا الهموم
تمسح دمع العيون)2

القرار –(مرفوعه ليك عيوننا زي عيون العبيد
وانت يا إلهنا سيد وخليتنا ولادك
بمحبة بتعاملنا يا إلهنا يا مجيد
وخلاصك مش بعيد يا قريب من ولادك)2

2-(وكتير احنا قاسينا وشبعنا م الهوان
لكن آن الأوان نلجألك يا فادينا وتدوقنا الحنان
تملانا بالأمان)2

1-ما كانتش نفسك للشرور أبداً ذليلة
ولا للخطايا والذنوب كانت عليلة
ومهما شوفت حروب كتير أو طويلة
تنده إلهك وهو بينوَّر سماك

القرار- ومين قدر عليك في يوم ومين أذاك
مين يغلبك و ربنا راسم خُطاك
دايماً يا أنبا أنطونيوس الفادي تلاقيه
لما تناديه بتحس بيه دايماً معاك

2-وكنت ناسي لو تقاسي أو تعاني
عارف بإن الدنيا كل ما فيها فاني
وعشان كدة كان ليك وطن يا أبانا تاني
واللي يشوفك كان يقول إنك ملاك

3-كان ربنا عزيز عليك جداً وغالي
بتبات تصلي له وتسهر له الليالي
وبقيت معاه ساكن معاه فوق في الأعالي
يا فرح قلبك يا أبانا ويا هناك

القرار- (زيك انت ما شُفتش حد أول ما ألاقي أبواب تتسد
يا أنبا أنطونيوس ترفع قلبك تنده حالاً رب المجد)2

1-(متطمن دايماً مش خايف شايف نور الله حواليك
كنت يا أنبا أنطونيوس عارف إن إلهك بيقوِّيك)2
بيشيل دمعك من ع الخد
2-(سِبتلهم الدنيا بحالها ومالها ماكنش بيغرِيك
كلمة تملّي كنت تقولها يا رب مالكش في قلبي شريك)2
ياللي مراحمك ما بتتعَد