رمزي بشارة (88 ترنيمة )

1- تنده عليَّ وأسكتك من كتر شري سكتك عن عيني مخفية
قربت ليَّ وبابعدك يا إلهي نار محبتك جوايا مطفية


القرار - اتصرف انت يارب فيَّ شيل الغشاوة من عينيَّ
رجعني ليك رجعني ليك
من يوم ما سيبتك فرحي سابني والهم عذبني وتعبني
والراحة فيك والراحة فيك


2- كترت عاداتي وشهواتي وخطايايا قلِّت اوي وقفة صلاتي وأقول كفاية
هارجع وأتوب ألقى الذنوب تجري ورايا يارب صلّح لي العيوب خليك معايا
هات ايديك وأمسك إيديَّ
3- عارف حياتي م البداية للنهاية داري بتعب قلبي وشقايا والخبايا
مكشوفة قدامك دوايا انت وشفايا معاك في وقت الخوف حماية وبيك عزايا
ولا حد غيرك داري بيَّ

قد إيه قلبي وجعني لما أخدوا مني ولدي
يا عدرا دهأنتي أم يعني دقتي همي ودمع خدي
القرار-آه يا وجعي يا مراري يا إلهي طفي ناري
مش باقول هاخد بتاري بس عدلك هو قصدي
1- نفسي بنتي لما تخرج تيجيتاني بالسلامة
وأبقى مش خايفة عليها م المشاكل والمخاطر
نفسي أي وشوش حزينة تلقى تاني الابتسامة
نفسي للعشرة اللي بيننا نبقى نعمل ألف خاطر
مد إيدك يا رجايَّ ياللي بيك كل الحماية
قول لهم إنك معايَّ أصلهم فاكريني وحدي
2- إيه اللي يمنع نبقى واحد رغم أي فروق في ديننا
يلا إيدك ويَّا إيدي نحط للكراهية آخر
أنا إيريني وإنتي فاطمة بس حب كبير ما بينا
افهموا ده الله محبة زي ما هو رحمان وغافر
قولوا للظالم كفاية ذنبهم إيه الضحايا
بالطحن تحت الرحايَّ يا إلهي خد بيدي

القرار - ده حبك هو راس مالي وكنزي يا يسوع حبك
ايديك يا إلهي رسمالي طريق في نهايته هاوصلك


1- يا شمس البر يا منوَّر في عتمة قلبي باشتاقلك
لو أبعد عنك أتحيَّر وبارتاح لما أقربلك
2- ايديك بتجيبني من التوهه تاخدني من ايدين جهلي
ونفسي الناس بينسوها تونسني وتندهلي
3- لحبك روحي مشدودة بحبك روحي مسنودة
ايديك شايلاني حارساني تملّي بحب ممدودة

1- بانفذ اللي تقول عليه من غير ما أقول إزاي وليه
شايف باطيعك قد إيه قدام الناس؟
وأما أبقى وحدي بانكشف ألاقيني من غير ما أتكسف
بازعل لك وبادوس عليك من غير إحساس
القرار- وباصلي لك يمكن باكون عايز حاجات
يمكن في وقت المشكلات أسباب كتير لكن أكيد مش حب فيك
خليني أحبك زي أبويا حب أقوى من الظروف وأعبدك
مش عن طمع في نعيم ولا رهبة وخوف
خليك حبيب قلبي الوحيد وخلي حبي ليك يزيد
2- تعرف ساعات باكون بعيد
وأنا بين إيديك خايف لعمري يتخطف
وألقى الزمن جأة وقف ولسه أنا مش كلي ليك
حببني فيك

القرار - فاكرك مش ممكن أكون ناسي بصليبك اديتني خلاصي
يا يسوع يا معيني ونور عيني يا إلهي وسيدي وتاج راسي

1- بص لي وانظر لي والمحني عايزك تفرد ظهري المحني
واغفر لي ذنوبي وسامحني والمس بإيديك قلبي القاسي
2- للشوك زارع من الشوك جاني وبقيت على نفسي أنا الجاني
ضليت ولقيت حبك جاني غيرني وطهر إحساسي
3- يا غامرني بخيرك وبجودك خليني ماشكش في وجودك
حقق لي كلامك ووعودك واغفر لي أنا الخاطي العاصي

1- (أنا خارج من تعبي وذلي للمجد اللي مستنيني
وإن صعوبات قابلتني إلهي هايشُق البحر يعديني)2

القرار- خارج من أرض العبودية بعد سنين الأتعاب ديَّة
بعد سنين الحزن هاعيِّد واتفك القلب المتقيد
أنا مش عايز غيرك سيد يا يسوع وحدك أُملك فيَّ

2- (عينه عليَّ وبيرعاني هو معايَّ ليل ونهار
في الصبح سحابة من فوقي بالليل قدامي عمود نار)2

3- (حبني خلّى حياتي تساوي ريَّح لي القلب الموجوع
وصبح لي من سماوي جُعت وجه شبعني يسوع)2

4- (خرَّج لي ميَّة من الصخرة أنا عطشان وحبيبي رواني
من بعد العبودية المُرَّة هارجع أرنم وأفرح تاني)2

1-(فيه ناس كتيرة عايشين في حيرة مالهومشِ سيرة غير انت فين؟
وانت اللي جيتنا موجود في بيتنا لكن ياريتنا مقدرين!)2

القرار- (بنصلي خلّي شعبك تملّي ما يتوهشِ عنك طول الزمان
نقف قصادك في يوم حصادك ونبقى حِنطة ومش زوان)2

2-(انت حاططنا على البداية وبرضه لسه ما بنبتديش
وطول طريقنا لا ليك لجأنا ولا بدأنا وياك نعيش)2

3-(يارب عيننا و المس بإيدك يارب عيننا شيل القشور
عايزين نشوفك ونعيش في خوفك املأ كفوفك وإدّينا نور)2

القرار- (أنا فرحان أنا قايم نايم عالتسبيح والشكر الدايم)4
قلبي بيؤمن بيك ولساني بيعترف وبيعلن اسمك
طول الوقت مفيش على بالي ابداً يا إلهي غير سيرتك
كل شوية أنا باتغير لحد ما أبقى تمام على صورتك

1- وعشان جيتلك نفسي أجيبلك يا يسوع كل الدنيا بحالها
ونفوس ضالة نفسي تعود لك ترجع لك يتغيّر حالها
النفس اللي سلامك سابها
انت ساعدني ليك أكسبها
ترجع تنضف من أوحالها
2- كل ما ليَّ يا يسوع ملكك يعني أنا جيبت الخير ده منين
ما هو من عندك يعني وكالتك ومعيّني عليها أمين
في الخفاء هاعمل وانت تجازي
أنا هاديلك من أعوازي
لو حتى لآخر فلسين
3- حياتي بحالها رميت أحمالها أصل أنا نويت أعلن حقك
وحقول بيضا طالبة حصادها إرسلني مع فعلة حقلك
قوة عودي هاتحمل ثمرك
وأبقى باعلن إن ده مجدك
وآجي بروحي وأرنم لك

القرار - أول ما بانده ليك بالاقيك يا شايلني جوه في نني عينيك
من يوم ما دخلت قلبي الفرحة ملكتها
يا حبيبي قلبي اتعلق بيك عمري وحياتي شوية عليك
يا يسوع حبك يا ربي بالدنيا كلها

1- على قلبي غالي يا عظيم وعالي ورضيت بدالي إنك تموت
جيت يا حبيبي تحمل صليبي وبقيت طريقي للملكوت
2- مولاي سيدي وبقيت نشيدي ومسكت إيدي خليتني أقول
ده حملي هين ما انت الحنين نسيت معاك كل الحمول
3- دايماً حاببني ولا يوم تسيبني وأبعد تجيبني وتاخدني ليك
جيت لي في ضياعي وبقيت لي راعي ولقيت مراعي يا إلهي فيك

وسط النهار والدنيا حر والوقت مش عايز يفوت
دق الجرس دقات بحزن تندق لو واحد يموت
خرجت أشوف فيه إيه حصل قالوا إن فيه ميت وصل
ولقيتني نايم في التابوت لقيتني نايم في التابوت
وضحكت في الأول وقلت أنا لسه باتحرك باعيش
إزاي تقولوا إني مت وصرخت بس ماسمعونيش
وسمعت ناس بتحبني وتقول ده كان طيب قوي
وسمعت ناس بتسبني وتقول ده كان شرير قوي
ولما جت ساعة الحساب لقيتني مطرود من السما
مقفول في وشي كل باب ونفسي سودا مضلمة
فتحت عيني لقيتني حي والشمس مايلة للغروب
فشكرت ربي لأنه حلم وعاهدته إني أرجع وأتوب