رمزي بشارة (88 ترنيمة )

1-(أوقات باقول ده معقول
يا يسوع أنا ولا كنت أطول
إنك تكون سيدي
جيت ولا روحت أنا من تراب
سيدي وكمان أنا وأنت صحاب
و ماسكني من إيدي)2

القرار – (بانحني ليك يا يسوع بانحني
ما أنت في عينيك شيلتني
يا يسوع وغيرك مين حبني
ومات عشان حبني
أنت اللي فرحتني
بعد أما كنت حزين)2

2-(يا يسوع جمايلك ما أوفيهاش
من كترها مابعدهاش
ياللي بترعــــاني
أنا هاشكرك طول ما باعيش
وحياتي دي ماتكفيش
ولا مية حياة تاني)2

1-(ارحمنا)3 يا الله الآب يا ضابط الكل يارب ارحم
(صلّحنا يارب وعدلّنا واعبر لنفوسنا وعدي لنا
ونادي لنا ونوّر قناديلنا يا إلهنا بنستنجد بيك)2
2- (ارحمنا)3 يا الله مخلصنا يارب ارحم
اغفر لينا و استحملنا اعدلنا لو عنك مِلنا
ياللي ماكنتش لحظة هامِلنا إحنا بنرمي حمولنا عليك
3- (ارحمنا)3 يا الله ثم ارحمنا يارب ارحم
(وسامحنا على سوء النية في المِحنة حاوطنا بحنية
وإن واحنا خليه أغنية بيّض ثوبنا توبنا إليك)2

1- اللي بيقدر يغفر هو .. اللي بيشفي من جراحاتي
ويكللني برحمة ورأفة .. وبيفدي من الحفرة حياتي
زي يوحنا باحب أميّل .. على صدر يسوع اللي فداني
هو طويل الروح وحنيّن .. و بيشبع بالخير أيامي
القرار - كل ما فيَّ يبارك اسمه الرب اللي مفيش في صفاته
أنا بارفع إسمه و باسجد له أنا مانساش أبداً حسناته
2- مجري العدل وهو النصرة .. لما باكون مظلوم وباعاني
بيشيل همي ويبعت فرحة .. تسكن قلبي مكان أحزاني
و كبعد المشرق من المغرب .. أبعد عني جميع معاصي
من رحمته قلبي بيتعجب .. ده وعدني بحياة أبدية
3- على خائفيه دايماً يترأف .. ومخافته تبدد لي مخاوفي
من السموات بيبص وشايف .. احتياجاتي وداري بضعفي
عارف إني تراب وبيرسل .. إيده القادرة تشيل ضعفاتي
هو بدمه الطاهر يغسل .. كل شرور عمري وشهواتي

هل يعقل إن الله ياخد صورة إنسان
إنه يعيش عالأرض فقير غلبان
أو إنه يموت ويا ريته يموت موتة عادية
إنه يموت مجروح ملعون متهان
أفكار الله غير أفكارنا فكرنا في حكمته فاحترنا
واخترنا نقول له مش فاهمين ونقول له عايزين نتعلم
ولأنه عظيم ولأنه عجيب كل عمايله بحكمة وترتيب
إحنا قصاده جهلة وعايزين نسمع أكتر ما نتكلم
في حاجات تخلي الفكر يشت يكون حيران
في حاجات مابيقبلهاش العقل وبالإيمان
وبروح ربنا نقدر نفهمها ونقبلها
هل يعقل إن الله يحده عقل الإنسان

1- لما تكتر الخطية والنعمة تكتر وانت تغفر للي خان واللي عاش في العبودية لو يعود
فوق بحور همي العفية هاقدر أعبر وأقدر أشعر بالأمان لما تشيل من إيديَّ القيود

القرار- قد ما فيَّ يا ربي من قساوة ومن عناد من خطايا ومن فساد قد ما فيَّ يا ربي
قد ما فيك يا إلهي من محبة ومن حنان لا ده انت أكتر كمان قد ما فيَّ يا ربي

2- أكسبك يا نور عينيَّ وأرضى أخسر عمري وأكتر مش كلام ده انت أغلى حد ليَّ في الوجود
لما جيت وسكنت فيَّ قلبي اتغير وفكري اتنور ع الدوام هافضل أشكر محيت ماضيَّ والجحود

1-نور المسيح يقدر يبدد أي ليل
إيد المسيح بترفع الحمل التقيل
هو الإله ومفيش معاه شيء مستحيل
ولا أمور مستعصية

القرار- بيحبنا ولو الصلاة من قلبنا
يعطف علينا ويستجيب ويجيب سعادة وتعزية
ده ربنا سامع صلاتنا كلنا
زي أما كان سامع زمان لصلوات الأنبياء

2-ده بالصلاة الرب يصنع معجزات
وبالصلاة تتحل كل المشكلات
كل الهموم كل الدموع والتنهيدات
بتبقى ذكرى ماضية
3-سلم وممدود للسما
لرب الوجود بيها سلامنا
اللي اتسرق تاني يعود
أيوة الصلاة بتنجّي من جُب الأسود
ومن الوحوش المؤذية

1- باعترف إنك واحشني بس فيه حبة حاجات باعداني عنك
بس فيه حبة حاجات حارماني منك
بس فيه حاجز كبير عنك حايشني باعترف إنك واحشني
نفسي أحكي معاك و افضفض لك واقول لك
ع اللي جوه في قلبي نفسي أستمع لك
بس فيه عالم بأحزانه داوشني .. باعترف إنك واحشني

القرار- (كسر حواجزي وهدها قصَّر مسافة البعد ما بينك وبيني)2
وخطيتي اللي بحبها خليني أقدر أقول لها : "امشي وسيبيني"2

2- باعترف إنك واحشني من النهارده لا يمكن أرضى أعيش في بعدك
بس هاسمع صوتك انت وانت وحدك
من النهارده الحية مش هارضى تناقشني باعترف إنك واحشني
جاي اشوفك ربي واقعد حبة جنبك جاي اقولك إني هاتمتع بقربك
جاي لك ياللي على كفك ناقشني .. باعترف إنك واحشني

القرار - أنا اللي عارف أعمالك .. داري بحالك
فيه كلمة عايز أقولهالك .. ارجع لي وتوب
هاريحك من أحمالك .. وهاشيلهالك
معايا صخرة أحزانك .. تخلص وتدوب


1- مع الخطايا بتبيّت .. ليه متقيد؟
بالإسم حي لكن ميت .. مليان بذنوب
سكّت شرورك واسمعني .. قوم وارجعلي
سلم لي قلبك واتبعني .. وكفاية هروب
2- راحتك هنا بين أحضاني .. عود من تاني
عشان سايبني بتعاني .. عايش مرعوب
سامعني بانده وسايبني .. ارجع يا ابني
صدقني بعدك يتعبني .. يا غالي ومحبوب
3- معايا تقدر تتعلم .. لو تتألم
في عز ألمك هاترنم .. ليه تعيش مغلوب؟
لكل آهه ودمعاية .. تلقى نهاية
وتنتصر وانت معايا .. على أي حروب

القرار- (أيوه بحبه وأقولها بفخر .. وأفضل أقولها لآخر الدهر
هو أبويا ومالك عمري .. وهاعيش وياه طول العمر)2

1- (مش ممكن أنساه ولا أسيبه .. ده حبيبي وأنا برضه حبيبه)2
(وراني الأمجاد بصليبه)2 .. عبد وخلاني بقيت حر
2- (أنا ماستغناش أبداً عنه .. بارتاح لما باقرَّب منه)2
(أنا متأكد دايماً انه)2 .. يقدر وحده يحلّي المُر
3- (هو الخير اللي مشبّعني .. ومعونته في ضعفي تشجّعني)2
(ولا شيء عن حبه هايمنعني)2 .. غلبت وهاغلب بيه الشر

1- (بالقى في حضنك حصن ومأوى .. أضعف آجي لحضنك أقوى
ده مفيش ولا أعظم ولا أقوى منك يا حبيبي يا يسوع)2
أنا باشعر بوجودك جنبي ومشرفني إنك ربي
وإن غيرك جه يسكن قلبي باكتب على قلبي ممنوع

القرار- (عزي وكنزي وسر غنايا تسبيحي ولحني وغُنايا
طول أيامي انت سلامي جوه آلامي انت عزايا)2

2- يا إلهي ومولايَ وسيدي .. واثق إنك ماسك إيدي
سامع شكوايَ وتنهيدي حبك بان يا يسوع بوضوح
حبك زايد ومغطِّيني لما أبعد عنك تناديني
وأرجع ألاقيك مستنيني تملّي بابك مفتوح
3- (لا بتنساني ولا بتهملني مابتتخلاش أبداً عني
رغم عيوبي متحملني أنا غالي جداً في عينيك)2
أي طريق غيرك يتعبني وطريقك وحده يناسبني
ياللي معايا ولا بتسيبني وصلني يا إلهي إليك