رمزي بشارة (88 ترنيمة )

1- أبويا سبت حضنه و أخذت نصيبي منه
وسافرت بلاد بعيدة ونسيته . بعدت عنه
الناس لما شافوني على طول طمعت في خيري
وبدأت أحتاج سابوني راحوا شافوا حد غيري


القرار - أنا كنت في بيت أبويا غني . عندي حاجات كتير
وبقيت مش لاقي آكل حتى طعام الخنازير


2- فكرت أرجع لأبويا لو حتى أخدم هناك
وهأقول غلطان سامحني و اسمحلي أعيش معاك
أول ما بدأت أرجع شفت أبويا موجود
كان كل صبح يطلع يستناني أعود
3- اداني هدوم جديدة لبسني أحلى توب
ولاقيت نفسي سعيدة لما ابتديت أتوب
قومني كنت راكع خدني في حضنه ودمع
فبكيت وقلت: راجع حبك خلاني أرجع
ورجعت لبيت أبويا من بعد غياب كتير
ده ملك ولأني ابنه خلاني بقيت أمير

1- (من حبك للعالم جيت مت عشانا يا رب بقيت)2
شايل عارنا دقت مرارنا رجعت نهارنا وخليت
أحزاننا تهرب وتدوب
القرار
((عايش أنا في العالم أيـوه والعالم مش عايش في قلبي اتعلق بالمصلوب)2
وبحب العايشين في العالم لكن باكره كل خطية لا متعة تغريني ولا طيوب)2
2-(ما بحبش عالم ها يزول وطني السماء وتملي باقول)2
لو حبيت العالم هشقىَ وأبقى عدو الله ... معقول
ده أبويا الغالي المحبوب
3-(عالم فاني وكله حروب واللي يحبه يعيش مغلوب)2
وقلوب التايبين بتسيبه ترجع للي جعلها تتوب
تشبع بكلامه المكتوب

1- (لو ربنا ما بناش البيت كنا هانبني مهما هانبني وتعبنا يروح باطل)2
(لكن يا يسوع انت اللي بنيت أنا كنت مقصر وأنا بابني)2
كملت انت اللي كان فاضل وإيديك قبل إيديَّ اتمدت راحت سانداه

القرار - (أنا بيتي صناعة إلهية وإلهي بناه
لا رياح ولا مِيةْ موجه قوية هاتكون هزّاه)2
متأسس على صخرة عَفية ويسوع جواه

2- (من حبك ليَّ يا رب رضيت لي إني أبني معاك وأنت بتبني مارضيتشِ إن أقعد عاطل)2
( أسست أنت يارب وعلّيت وسكنت معايا مشرفني)2
ومفيش بيني وبينك فاصل أفراحي بوجودك بدأت وبقالي حياة

القرار- (صوته الحلو اللي ناداني
فرَّح قلبي وخلّاني
أتقوى من ضعفي وأقوم
باسمع صوت اللي فداني
فبيسكت صوت أحزاني
أفرح وأطرد أي هموم)2

1-(أنا لما أقعد وياك
باسمع صوتك جوايا
وألاقيني باحكّي معاك
وأنت تكلمني في آية)2
نفسي أفضل كدة متدفي
ويا ريت العمر يكفي
وياريت يطول اليوم
2- (يا إلهي لأنك فيَّ
لمخاوفي بالاقي نهاية
أنا روحي متدفية
ده إلهي حبيبي معايا)2
ولأن حبيبي في صفي
لأتون النار بيطفّي
ويخلّي سلامي يدوم

1-لحد أمتى هابقى لابس وش غير وشي الحقيقي
لحد أمتى هاعيش ناسيه وأفتكره بس في وقت ضيقي
لحد أمتى الشوك هايبقى بطول طريقي مزروع
القرار- (باقول لغيري عن جمال وحنان يسوع
وأخلي غيري يتوب ويبكي بالدموع)2
بس رغم كلامي عنه ماعرفوش
أيوه باتكلم عليه ومابكلموش
وإن يوم فتحت كلام وجعني وهزني
وسمعت صوت بيقوللي توب باغير الموضوع
2- أرجوك يارب تردني وتشدني وتجيبني تاني
عشان بعيد عنك أنا شكلي سعيد لكن باعاني
وقلبي محروم م الفرح وطول زماني موجوع

1- جايلك عشان غيرك ماليش عمري بدونك مايساويش
وإن سبت حضنك مش هاعيش وهاتملي بجراح
أنا قلبي عنك ياما غاب لكن خلاص راجع وتاب
ده البعد عن حضنك عذاب وبين إيديك هارتاح

القرار - جايلك تغير دنيتي جايلك تنور ضلمتي
وتكون طريقي وسكتي من خوفي تنجدني
وتكون دليلي في رحلتي تسمع صراخي وشكوتي
تمسح بإيدك دمعتي يا يسوع وتسندني

2- وفي قلب عتمة ليل طويل عايزك تكون شمسي
عايزك تشيل يأسي عايزك تبدل أي ليل
3- اديني عمر أعيشه ليك واملك على عمري
واملك زمام أمري وضمني وخبيني فيك

1- جئت إليك يا إلهي أحتضر فمن سواك على الشفاء يقتدر
فهيا يا رب أنا لن أنتظر لم يبقَى من عمري سوى الشيء اليسير
تعال أنت فقد عجزت عن المسير أحني فؤادي وأعتذر
وها دموعي تنسكب أترق ليَّ أن تحتجب أدعوك كيما تستجب
نفسي بك متوسلة وضارعة فخطيئتي أمام عيني ساطعة

القرار- ما زال في قلبي بقايا من صلاة ظلت معي عبر السنين الضائعة
إني غريق جئت أبحث عن نجاة نفسي تجاه الموت تجري مسرعة

2- قلبي من الأحزان يبكي ويعتصر أشتاق بعد هزيمتي أن أنتصر
ويختفي الماضي الأليم ويندثر مولايا إني أعود والقلب كسير
وبه من الأحزان والهم الكثير والموت فيَّ ينتشر
كفى أنا لن أحتمل اجعل جروحي تندمل وستار حزني ينسدل
مفتوحة أبوابك وواسعة ولذا إليك النفس جاءت راجعة

1- لو هاعملك إيه بعد اللي أنت عملته عشاني أنا هاعملك إيه
عمري ليك باهديه ياللي جميلك غطى كياني مش بأقدر أوفيه
مين ساب عرشه وجِه يفديني مين مات عنّي عشان يحييني
مين لما الأحمال تحنيني يسندضهري أيديه
القرار- (أنا عايزك مش عايز منك أنا جايلك
أنا باطلب وجهك ادخل نوّر قلبي المطفي
أنا عايزك وحدك وكفاية عايزك دايمًا تمشي معايا
وحشاني أيدك على كتفي)
2- عايز أفرح بيك فرحني يا يسوع بحضورك عايز أفرح بيك
عايز أمسك فيك مش بس ألمس أطراف توبك لازم أمسك فيك
أمسك فيك ولا أسيبك تاني وأبوس الجرح اللي شفاني
وأبص لأيدك وألقاني منقوش على كفيك

1- بتجرح وتعصب .. وتضرب وتشفي
لو اليأس يغلب .. بتبعت أمل
وتسمح بضيقة .. لكنك في صفي
بتوجد طريقة .. لكنك في صفي
بتوجد طريقة .. ومخرج وحل


القرار - بتيجي في ميعادك وتنقذ ولادك وإبليس قصادك خلاص انهزم
وأفراحنا تدبل نجيلك تبدل همومنا لسعادة وتمحي الألم


2- يسوع إنت تقدر .. تعينني في ضعفي
وللفخ تكسر .. يارب البشر
ما دمت إنت سيدي .. لوعدك هاتوفي
هاتمسك بإيدي .. في وقت الخطر

1- (أنا مش قادر خد شيل عني تعبان مليان بالآلامات
وباركني وبلاش تلعنّي أصل أنا مش ناقص لعنات)2
القرار- أنا مين أنا غير شجرة تين واللي يقرب لي يلاقيني
ورق أخضر ياما مغطيني بس مافيش جوايا ثِمار
أنا مين أنا غير شجرة تين عريان عشان شري كاسيني
أنا خجلان وكسوفي ماليني يا يسوع أنا حاسس بالعار
2- (ارحمني دهأنا كلي خطية ومافيش حاجة كويسة فيَّ
في ذنوبي غرقان يا يسوع أتحنن قول كلمة
خلّي الغصن يعود للكرمة أنا ميت دبلان أحييني بروحك يا معيني)2
3- (كتر ثمري وزوده ليَّ تلاتين أو ستين أو مية عايزك فيَّ تبان
وأأمر بالبركة على أرضي عايز دايمًا يا يسوع أرضي قلبك بالإيمان
وأكون عبد صالح وأمين)